တိုက်ပွဲဖြစ်တဲ့အကြောင်းကို စုံစမ်းစစ်ဆေး

ရှမ်းပြည် ပြန်လည်ထူထောင်ရေးကောင်စီ RCSS/SSA တပ်ဖွဲ့ဝင်တချို့ကို တွေ့ရစဉ်။ Photo: RFA
ရှမ်းပြည် ပြန်လည်ထူထောင်ရေးကောင်စီ RCSSနဲ့ တပ်မတော်ကြား တိုက်ပွဲတွေ ဖြစ်ပွားခဲ့တဲ့ ကိစ္စနဲ့ပတ်သက်တဲ့ စိစစ်ရေး အဖွဲ့ရဲ့ အစီရင်ခံစာကို လာမယ့် နိုဝင်ဘာလလယ်မှာ ပြုလုပ်မယ့် ပြည်ထောင်စုအဆင့် ပစ်ခတ်တိုက်ခိုက် မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ JMC-U အစည်းအဝေးမှာ တင်ပြသွားမယ်လို့ စိစစ်ရေးအဖွဲ့ဝင် တစ်ဦးဖြစ်သူ ဆလိုင်းယောအောင်က ပြောပါတယ်။

အဲဒီ JMC-U အစည်းအဝေးမှာ ဘယ်အဖွဲ့က NCA စာချုပ်ပါ အချက်တွေကို ချိုးဖောက်မူတွေရှိခဲ့လဲ ဆိုတာကို စိစစ်ပြီး သက်ဆိုင်ရာ တပ်ဖွဲ့ကို အရေးယူဆောင်ရွက်သွားရမှာဖြစ်ပါတယ်။

တိုက်ပွဲကိစ္စကို စုံစမ်းစစ်ဆေးခဲ့တဲ့ JMC-U စိစစ်အတည်ပြုရေးအဖွဲ့မှာ အရပ်သားနဲ့ တပ်ဘက်က ကိုယ်စားလှယ် အဖွဲ့ဝင် ၆ ဦးပါဝင်ပြီး ရှမ်းပြည်နယ်အတွင်း တိုက်ပွဲဖြစ်ပွားခဲ့တဲ့ နေရာတွေက ဒေသခံတွေ၊ နှစ်ဖက်တပ်ဖွဲ့က တာဝန်ရှိသူတွေနဲ့ တွေ့ဆုံခဲ့တာဖြစ်ပါတယ်။

ပြီးခဲ့တဲ့ အောက်တိုဘာလ ၂ ရက်နေ့က ရှမ်းပြည်ပြန်လည်ထူထောင်ရေးကောင်စီ RCSS ထိန်းချုပ် နယ်မြေဖြစ်တဲ့ ရှမ်းပြည်တောင်ပိုင်း လွယ်လင်ခရိုင် မိုင်းကိုင်မြို့နယ်က ဘိန်းဖြတ်စခန်းကို တပ်မတော် က ဝင်ရောက်တိုက်ခိုက်ခဲ့တဲ့အတွက် နမ့်လန်၊တုံလောနဲ့ မိုင်ကိုင်ဒေသတွေမှာ နှစ်ဖက်တိုက်ပွဲတွေဖြစ် ပွားခဲ့တာ ဖြစ်ပါတယ်။

နှစ်ဖက်တိုက်ပွဲတွေမဖြစ်ဖို့အတွက် ဆွေးနွေးညှိနှိုင်းမူတွေ လုပ်ဖို့လိုတယ်လို့လည်း JMC-U စိစစ် အတည်ပြုရေး အဖွဲ့မှာပါဝင်တဲ့ABSDF ဗဟိုဦးဆောင်ကော်မတီဝင် ဆလိုင်းယောအောင် က ပြောပါတယ်။

ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီကို ပြည်ထောင်စုအဆင့် ၊ တိုင်းနဲ့ ပြည်နယ် အဆင့်နဲ့ ဒေသဆိုင်ရာ အဖွဲ့ဆိုတဲ့ အဆင့် သုံးဆင့်နဲ့ ဖွဲ့စည်းရမှာဖြစ်ပြီး လက်ရှိမှာ တော့ တိုင်းနဲ့ ပြည်နယ်အဆင့် အတွက် ဒေသ ၅ နေရာမှာ ဖွဲ့စည်းပြီးဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ