ဗီယက်နမ်တွင် ရေကြီးရေလျှံမှုဖြစ်ပွားနေရာ ၄ ဦးသေ ၊ ၁၂ ဦးဒဏ်ရာရ

ဗီယက်နမ်နိုင်ငံ၌ မိုးသည်းထန်စွာရွာသွန်းမှုအပြီး ရေကြီးရေလျှံမှု ဖြစ်ပေါ်နေစဉ်(ဓာတ်ပုံ-အင်တာနက်)
    ဟနွိုင် ၊ နိုဝင်ဘာ ၃ ရက်(ဆင်ဟွာ)

    ဗီယက်နမ်နိုင်ငံတွင် မိုးသည်းထန်စွာ ရွာသွန်းမှုကြောင့် နိုဝင်ဘာလ ၂ ရက်နံနက်ပိုင်းက လူ ၄ ဦးသေဆုံးပြီး တစ်ဦးပျောက်ဆုံးနေကြောင်း နှင့် အခြား ၁၂ ဦးမှာ ထိခိုက်ဒဏ်ရာရထားကြောင်း အာဏာပိုင်များ၏ ပြောကြားချက်အရသိရသည်။

သေဆုံးသူများထဲတွင် ၂ ဦးမှာ Quang Binh ပြည်နယ်မှ ဖြစ်ကြောင်း နှင့် အခြား ၂ ဦးမှာ Quang Tri ပြည်နယ် မှ ဖြစ်ကြောင်း သိရသည်။ ထို့ ပြင် Quang Binh ပြည်နယ်၌ လူတစ်ဦးပျောက်ဆုံးလျက်ရှိကြောင်း ဗီယက်နမ်နိုင်ငံစိုက်ပျိုးရေး နှင့် ကျေးလက်ဖွံ့ ဖြိုးရေးဝန်ကြီးဌာန လက်အောက်ရှိ သဘာဝဘေးအန္တရာယ်ကြိုတင်ကာကွယ်ရေး နှင့် ထိန်းချုပ်ရေးဌာန ၏ ထုတ်ပြန်ချက်အရ သိရသည်။

ရေကြီးရေလျှံမှုကြောင့် လူနေအိမ်ပေါင်း ၃၆၇ လုံး ၊ စာသင်ခန်းပေါင်း ၃ဝဝ ခန်း နှင့် ကျန်းမာရေးဌာန ၆ ခု ရေနစ်မြုပ်လျက်ရှိကြောင်း သိရသည်။ တစ်ပြိုင်တည်းမှာပင် စပါး နှင့် သီးနှံ စိုက်ပျိုးမြေ ၃ဝဝ ဟက်တာလည်း ရေလွှမ်းနစ်မြုပ်လျက် ရှိကြောင်း နှင့် ကျွဲနွား နှင့် ကြက်ဘဲ အကောင်ရေ စုစုပေါင်း ၆၂၅ဝ ကျော် ရေစီးနှင့်အတူ မျောပါ ပျက်စီးသွားကြောင်း သိရသည်။

ဗီယက်နမ် အမျိုးသား မိုးလေဝသဌာန၏ ခန့် မှန်းချက်အရ မိုးကြီးရေလျှံမှုသည် နိုဝင်ဘာလ ၅ ရက်ထိ ဆက်ပြီးဖြစ်ပေါ်နေနိုင်ကြောင်း ၊ နိုင်ငံ၏ အလယ်ပိုင်းဒေသတွင် မိုးရေချိန် ၁ဝဝ မီလီမီတာအထိ ဆက်လက် ရွာသွန်းနိုင်ကြောင်း နှင့် အချို့ နေရာများတွင် မိုးရွာသွန်းမှုသည် ၂၅ဝ မီလီမီတာအထိ ရောက်ရှိနိုင်ကြောင်း ခန့် မှန်းထားသည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ