အမေရိကန်၌ ကျောင်းကားတိမ်းမှောက်ရာ အနည်းဆုံး ကလေးငယ် ၆ ဦးသေဆုံး

အမေရိကန်နိုင်ငံ၌ နိုဝင်ဘာလ ၂၁ ရက်က ကျောင်းကြိုပို့ ယာဉ်တစ်စင်း တိမ်းမှောက်သွားသည်ကို တွေ့ ရစဉ်(ဓာတ်ပုံ-အင်တာနက်)

    ဝါရှင်တန်၊နိုဝင်ဘာ ၂၂ ရက်(ဆင်ဟွာ)

    အမေရိကန်နိုင်ငံ တန်နက်စ်စီ(Tennessee) ပြည်နယ်၌ နိုဝင်ဘာလ ၂၁ ရက်က ကျောင်းကြိုယာဉ်တစ်စီးသည် လမ်းဘေးသစ်ပင်အား ဝင်တိုက်ခဲ့ပြီးနောက် တိမ်းမှောက်သွားခဲ့ရာ  အနည်းဆုံးကလေးငယ် ၆ ဦးသေဆုံးပြီး ၂၃ ဦးကျော် ထိခိုက်ဒဏ်ရာရသွားကြောင်း ဒေသဆိုင်ရာအာဏာပိုင်များက ပြောကြားခဲ့သည်။

ကလေးငယ် ၅ ဦးမှာ အခင်းဖြစ်နေရာ၌ ပွဲချင်းပြီးသေဆုံးသွားခဲ့ပြီး ကျန်တစ်ဦးမှာ ဆေးရုံတွင် သေဆုံးသွားခြင်းဖြစ်ကြောင်း သိရသည်။ တန်နက်စ်စီပြည်နယ် ၊ Chattanooga မြို့ တွင် တိမ်းမှောက်သွားသော ကျောင်းကြိုယာဉ်ပေါ်တွင် ကလေးငယ် ၃၅ ဦးလိုက်ပါလာကြောင်း Hamilton Connty ခရိုင် ရှေ့ နေချုပ် Neal Pinkston ၏ ပြောဆိုချက်အရ သိရသည်။

အဆိုပါ ကလေးငယ်များသည် မူကြိုကျောင်းသူ/ကျောင်းသားလေးများဖြစ်ကြောင်း ဒေသတွင်းသတင်းစာများအရ သိရသည်။

ယခုဖြစ်စဉ်သည် မကြာသေးမီရက်ပိုင်းအတွင်း တန်နက်စ်စီပြည်နယ်၌ ဖြစ်ပွားခဲ့သော ဒုတိယအကြိမ်ကျောင်းကြိုပို့ ယာဉ်တိမ်းမှောက်မှုဖြစ်သည်။ ပြီးခဲ့သော နိုဝင်ဘာလ ၁၈ ရက်က တန်နက်စ်စီပြည်နယ်မြို့ တော် Nashville ၌ ဖြစ်ပွားခဲ့သော ကျောင်းကြိုယာဉ် တိမ်းမှောက်မှုတွင် ကျောင်းသား ၂ ဒါဇင်ကျော် ထိခိုက်ဒဏ်ရာရခဲ့ကြောင်း သိရသည်။

(Xinhua)
http://www.xinhuamyanmar.com