ကွတ်ခိုင်မြို့နယ်၊ နမ့်ဖတ်ကာရဲကင်းစခန်းမှ မြန်မာနိုင်ငံရဲတပ်ဖွဲ့ဝင် ၂ ဦး လက်နက်မဲ့ဖြင့် ပျောက်ဆုံး


နေပြည်တော်၊ နိုဝင်ဘာ ၂၉

ရှမ်းပြည်နယ်(မြောက်ပိုင်း)၊ ကွတ်ခိုင်မြို့နယ်၊ နမ့်ဖလွန်းကျေးရွာတစ်ဝိုက် မော်တော်ယာဉ်များအား အကြမ်းဖက် သောင်းကျန်းသူအဖွဲ့များက ပိတ်ဆို့ထားကြောင်း သတင်းအရ တပ်မတော်စစ်ကြောင်းက နိုဝင်ဘာ ၂၈ ရက် ည ၇ နာရီခန့်တွင် သွားရောက်ရှင်းလင်းရာ ကွတ်ခိုင်-မူဆယ်သွား ကားလမ်းမကြီး မိုင်တိုင်အမှတ် ၂၃၃ နှင့် ၂၃၇ အကြား၌ ဒိုင်နာယာဉ် ၁ စီးနှင့် ၁၂ ဘီးယာဉ် ၂ စီးတို့ ရပ်တန့်ထားသည်ကို တွေ့ရှိသဖြင့် စိစစ်မေးမြန်းရာ လုံခြုံရေးစိတ်မချရသဖြင့် ရပ်တန့်ထားခြင်းဖြစ်ကြောင်း သိရှိရသည်။

ထို့နောက် တပ်မတော်စစ်ကြောင်းက နယ်မြေဆက်လက်ရှင်းလင်းရာ အဆိုပါနေရာမှ ၁ ဖာလုံခန့်အကွာ၌ ဟွန်ဒါဖစ်အမျိုးအစား ယာဉ်အမှတ်၊ YGN-4G/---- အား တွေ့ရှိရ၍ အသေးစိတ်စစ်ဆေးခဲ့သည်။ အဆိုပါယာဉ်မှာ ကွတ်ခိုင်မြို့နယ်၊ နမ့်ဖတ်ကာရဲကင်းစခန်းမှ ဒုတိယရဲအုပ် မြင့်ဌေးနှင့် ရဲတပ်ကြပ် လင်းထက်တို့ ၂ ဦး က ကွတ်ခိုင်မြို့မရဲစခန်းမှ တရားခံ ၂ ဦးအား မြို့နယ်တရားရုံးသို့ တရားစွဲဆိုနိုင်ရန် သွားရောက် ပို့ဆောင်ခဲ့ခြင်းဖြစ်ကြောင်း၊ ၎င်းတို့ ၂ ဦးသည် တရားခံ ၂ ဦးအား ပို့ဆောင်ပြီး နမ့်ဖတ်ကာရဲကင်းစခန်းသို့ ပြန်လာစဉ် လက်နက်မဲ့ပျောက်ဆုံးလျက်ရှိကြောင်း စုံစမ်းသိရှိရသည်။

ဖြစ်စဉ်တွင် ပျောက်ဆုံးလျက်ရှိသည့် မြန်မာနိုင်ငံရဲတပ်ဖွဲ့ဝင် ၂ ဦးအား ပြန်လည်တွေ့ရှိရေး၊ အဖြစ်မှန် ပေါ်ပေါက်နိုင်ရေး စုံစမ်းစစ်ဆေးလျက်ရှိကြောင်းနှင့် တပ်မတော်စစ်ကြောင်းများက အဆိုပါနေရာတစ်ဝိုက်အား နယ်မြေရှင်းလင်းခြင်းများ ဆက်လက် ဆောင်ရွက်လျက်ရှိကြောင်း သတင်းရရှိသည်။

တပ်မတော်သတင်းစဉ်
https://www.facebook.com/mmdefencenews

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ