၅ နှစ်အရွယ် အမျိုးသမီးငယ်အား အဓမ္မပြုကျင့်မှု ပေါက်တောတွင်ဖြစ်ပွား

လွန်ခဲ့သည့် ၃ နှစ်ခန့်တွင် ဖခင်ဖြစ်သူနှင့်ရန်ငြိုးရှိခဲ့ဖူးသူက ၅ နှစ်အရွယ်အမျိုးသမီးငယ်အား အဓမ္မပြုကျင့်မှု ပေါက်တောတွင်ဖြစ်ပွား

နိုဝင်ဘာ ၆/DMG

ပေါက်တောမြို့၊အရှေ့ဘက်ရပ်ကွက်၊အိုးအိမ်အဆောက်အဦ ဆောက်လုပ်နေသည့် အလုပ်ခွင်တွင် လွန်ခဲ့သည့် ၃ နှစ်ခန့်တွင် ဖခင်ဖြစ်သူနှင့်ရန်ငြိုးရှိခဲ့ဖူးသူဆိုသူက ၅ နှစ်အရွယ်သမီးငယ် အား နိုဝင်ဘာ ၅ ရက်နေ့၊ ညနေ ၄ နာရီအချိန်ခန့်က အဓမ္မပြုကျင့်ခဲ့ကြောင်းသိရသည်။

“သူနဲ့မုဒိမ်းကျင့်ခံခဲ့ရတဲ့ မိန်းကလေးငယ်ရဲ့ မိခင်နဲ့သိပ်ရင်းနှီးကြတယ်။အဲဒီနေ့က သူဟာအရက်မူးပြီးတော့ သူတို့အိမ်ကိုလာတယ်။ပြီးတော့ မိန်းကလေးငယ်ကို သူနဲ့အတူလိုက်ဖို့ခေါ်ယူခဲ့တယ်။ကလေးမကလည်း မိခင်နဲ့သိပ်ရင်းနှီးနေတော့ ခင်မင်လို့လိုက်ခဲ့တယ်။အဲဒီမှာပဲသူဟာ အခန်းတစ်ခုမှာ ကလေးမလေးကို ပါးစပ်ပိတ်ပြီးလုပ်ကြံခဲ့တယ်။ပြီးတော့ စောင်နဲ့ပတ်ပြီး လွှင့်ပစ်ထားခဲ့တယ်။လွန်ခဲ့တဲ့ ၃ နှစ်လောက်က အဲဒီလူနဲ့ မုဒိမ်းကျင်ခံခဲ့ရတဲ့ အမျိုးသမီးငယ်ရဲ့ဖခင်နဲ့ဟာရန်ငြိုးရှိခဲ့ဖူးတယ်လို့ စစ်ဆေးသိရတယ်”ဟုပေါက်တောမြို့မ ရဲစခန်းမှ ရဲအုပ်ဦးသန်းဌေးကပြောသည်။

နိုဝင်ဘာလ ၅ ရက်နေ့၊ညနေ ၄ နာရီအချိန်ခန့်မှာ ၅ နှစ်အရွယ်အမျိုးသမီးငယ် မ (........) အား အရှေ့ပိုင်းရပ်ကွက်နေသူ ဦးလှထွန်းဦး(ဘ-ဦးသိန်းထွန်းအေး) က အဓမ္မပြုကျင့်ခဲ့ ခြင်းဖြစ်ကာ မုဒိမ်းကျင့်ခံခဲ့ရသည့်အမျိုးသမီးငယ်မှာ စိုးရိမ်ရသည့်အခြေနေဖြင့် စစ်တွေဆေးရုံးသို့ ဆေးကုသ ရန်ရောက်ရှိနေကြောင်းလည်းသိရသည်။

“ညနေ ၄ နာရီလောက်မှာ သမီးပျောက်လို့လိုက်ရှာနေတာ။အနားက မိန်းမတစ်ဦးကပြောတယ် ။ကလေးငိုသံကြားတယ်ဆိုလို့ အိုးအိမ်အဆောက်အဦးဆောက်လုပ်နေတဲ့ လုပ်ငန်းခွင်ကို သွားရောက်ခဲ့ တယ်။အဲဒီမှာပဲကျွန်မသမီးကို စောင်နဲ့ပက်ပြီးလွှင့်ပစ်ခဲ့တာတွေ့ရတယ်။သမီးက တုန်တုန်ရီရီနဲ့ဘာမှမပြောနိုင်ဘူး။ ချက်ချင်းပဲ ပေါက်တောဆေးရုံးကို ပို့တယ်။ဆရာဝန်ကမုဒိမ်းကျင့်ခံရတယ်လို့ပြောပါတယ်။သမီးရဲ့အခြေအနေက စိုးရိမ်ရတော့ ဆရာဝန်က စစ်တွေဆေးရုံးကြီးသို့ပို့ဖို့ညွှန်ကြားတယ်”အမျိုးသမီးငယ်၏ မိခင်ကပြောသည်။

အဆိုပါဖြစ်စဉ်နှင့်ပတ်သက်ပြီး တရားခံဖြစ်သူ ဦးလှထွန်း(အသက် ၃၁) (ဘ) ဦးသိန်းထွန်းအေးအား ပေါက်တောမြို့မ ရဲစခန်းက (ပ) ၁၆၁/၂၀၁၆၊ရာဇသတ်ကြီးပုဒ်မ ၃၂၅/၃၇၆ ကဖမ်းဆီးအရေးယူဆောင်ရွက်လျက်ရှိကြောင်း ပေါက်တောမြို့ မရဲစခန်းမှသိရသည်။

ဖဒူ ထွန်းအောင်
Development Media Group
https://www.facebook.com/DevelopmentNJ/