ပုသိမ်မြို့တွင် တရားမ၀င်သိုလှောင်ထားသည့် အရက် နှင့်ဘီယာမျိုးစုံ သိန်း ၂ ထောင် ကျော်ဖိုး ဖမ်းဆီးပြီးနောက် အဖျော်ယမကာစတိုးဆိုင် အားလုံးနီးပါးပိတ်ထား


ပုသိမ်၊ နိုဝင်ဘာ ၈ ရက်။

ပုသိမ်မြို့တွင် နိုဝင်ဘာလဆန်းပိုင်းမှ စတင်၍ တရားမ၀င်သိုလှောင် ရောင်းချနေသော အရက် နှင့်ဘီယာ မျိုးစုံကို ဆိုင်ကြီး ၃ ဆိုင်မှ ကျပ်သိန်း ၂၀၀၀ နီးပါ။ ဆက်တိုက် ဖမ်းဆီးမိပြီးနောက် နိုဝင်ဘာလ ၈ ရက်နေ့မှစတင်ကာ မြို့တွင်းရှိ အရက်နှင့်ဘီယာမျိုးစုံ
ရောင်းချနေသော စတိုးဆိုင်အများစု ပိတ်သိမ်းထားကြောင်း သိရှိရသည်။

နိုဝင်ဘာလ ၂ ရက်နေ့က ပုသိမ်မြို့၊ကုန်သည်လမ်း သီရီဝန်းတိုက်ခန်းအတွင်းရှိ နယူးစတိုးဆိုင်မှ တရားမ၀င်သိုလှောင်ထားရှိရောင်းချနေသော ကျပ်သိန်း၂၈၀ ကျော်တန်ဖိုးရှိ အရက်နှင့်ဘီယာမျိုးစုံကိုလည်းကောင်း၊ နိုဝင်ဘာလ ၄ ရက်နေ့က ပုသိမ်မြို့၊ အမှတ်
၆ ရပ်ကွက် ဘန်းဘွေးကုန်းလမ်းရှိ ဦးညီဇော်ထူး၏ နေအိမ်မှ တရားမ၀င် သိုလှောင်ထားသော ကျပ်သိန်း ၁၆၀၀ ကျော်တန်ဖိုးရှိ အရက်မျိုးစုံကိုလည်းကောင်း၊
နိုဝင်ဘာ ၅ ရက်နေ့တွင် ပုသိမ်မြို့၊ အမှတ် ၄ ရပ်ကွက်ရှိ ဇမ္ဗူထွန်းဆိုင်မှ ကျပ်သိန်း ၅၀ ကျော် တန်ဖိုးရှိ အရက်နှင့်ဘီယာမျိုးစုံကိုလည်းကောင်း ဖမ်းဆီးရမိခဲ့ကြောင်း တိုင်းဒေသကြီး ရဲတပ်ဖွဲ့မှူးရုံး၏ ထုတ်ပြန်ချက်အရ သိရသည်။

ထိုသို့ ဖမ်းဆီးပြီးနောက် နိုဝင်ဘာလ ၆ ရက်နေ့တွင် အရက်နှင့်ဘီယာမျိုးစုံရောင်းချနေ သော အခြားစတိုးဆိုင် ၃ ဆိုင်ကို ရဲတပ်ဖွဲ့က ခေါ်ယူသတိပေးကာ ခံဝန်ချက်ပြုလုပ်ခဲ့ပြီးနောက်ပိုင်း ပုသိမ်မြို့တွင်းရှိ အရက်နှင့်ဘီယာရောင်း ချနေသောဆိုင်အများစု ပိတ်သိမ်း ထားခြင်း ဖြစ်ကြောင်း သိရသည်။

"မမှန်မကန်လုပ်တဲ့ဆိုင်တွေကတော့ ပိတ်တာပေါ့။ မြို့ထဲကဆိုင်အများစုက ပိတ်ထားတယ်။ အရင်ကတည်းက အမှန်အကန် ဥပဒေနဲ့အညီရောင်းတဲ့ဆိုင်တွေကတော့ ပုံမှန်ဖွင့်ပြီး ရောင်းနေတာ တွေ့ရတယ်"ဟု ပုသိမ်မြို့ အမှတ် ၁၃ ရပ်ကွက်မှ ကိုစိုးပိုင်က ပြောသည်။

ယခုအခါ ဖမ်းဆီးရမိခဲ့သည့် တရားမ၀င် အရက်နှင့်ဘီယာ သိုလှောင်ရောင်းချသည့် ဆိုင်ပိုင်ရှင် ၃ ဦးအား ပုသိမ်နယ်မြေရဲစခန်းတွင် ယစ်မျိုး ဥပဒေပုဒ်မ ၃၀(က)ဖြင့် အမှုဖွင့် အရေးယူပြီး ပုသိမ်မြို့နယ်တရားရုံးသို့ တရားစွဲဆိုတင်ပို့နိုင်ရေး ဆောင်ရွက် လျှက်ရှိကြောင်း သိရသည်။

သတင်းနှင့် ဓါတ်ပုံ The Ayeyarwaddy Times
https://www.facebook.com/ayetimes/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ