ပြည်သူ့စစ်အဖွဲ့ကို လီဆူတိုင်းရင်းသားတွေ အမှုဖွင့်

(ကချင်အထူးဒေသ ၁ ပြည်သူ့စစ်အဖွဲ့က ရိုက်နှက်ပစ်ခတ်လို့ ဒဏ်ရာရရှိခဲ့တဲ့ ရားလူးရွာသားတွေကို မြစ်ကြီးနားဆေးရုံမှာ ၂၀၁၆ ခုနှစ် နိုဝင်ဘာ ၄ ရက်နေ့က အမျိုးသားလွှတ်တော်နဲ့ ပြည်နယ်လွှတ်တော်ကိုယ်စားလှယ် နှစ်ဦး လာရောက်ကြည့်ရှုစဉ်) Photo: Kyaw Myo Min /RFA

တရုတ်-မြန်မာနယ်စပ် ကချင်အထူးဒေသ ၁ နယ်မြေဖြစ်တဲ့ ချီဖွေမြို့နယ် ကန်းဖန့်ကျေးရွာတဝိုက်မှာ လှုပ်ရှားနေတဲ့ ပြည်သူ့စစ်အဖွဲ့က သေနတ်နဲ့ ပစ်ခတ်ပြီး ရိုက်နှက်ခဲ့လို့ ဒဏ်ရာရရှိခဲ့တဲ့ ရားလူးရွာသား လီဆူတိုင်းရင်းသား ၅ ဦးက ပြည်သူ့စစ်အဖွဲ့ကို ချီဖွေရဲစခန်းမှာ မနေ့က အမှုဖွင့်လိုက်ပါတယ်။

မတရားဖမ်းဆီးချုပ်နှောင်မှု၊ အပြင်းအထန်ဒဏ်ရာရရှိစေမှု စတဲ့ ပုဒ်မ ၄ ခုနဲ့ အမှုဖွင့်တာဖြစ်တယ်လို့ ချီဖွေမြို့နယ် ရဲတပ်ဖွဲ့မှူး ရဲမှူး အောင်စိုးက ဒီကနေ့ ပြောပါတယ်။

မြစ်ကြီးနားဆေးရုံမှာ ကုသခံနေရတဲ့ ရားလူးရွာသား ၅ ဦးက လက်မှတ်ရေးထိုးပြီး အမှုဖွင့်တိုင်ကြားတာဖြစ်တယ်လို့ ဒဏ်ရာရရှိတဲ့ ရွာသားတွေကို ကူညီပေးနေတဲ့ အမျိုးသားလွှတ်တော် ကိုယ်စားလှယ် ဦးယောန က ပြောပါတယ်။

ပြီးခဲ့တဲ့ နိုဝင်ဘာ ၂ ရက်နေ့က ကန်းဖန့်ကျေးရွာအုပ်စုက ရားလူးရွာသားတချို့နဲ့ ကချင်အထူးဒေသ ၁ ရဲ့ ကန်းဖန့်ရွာမှာလှုပ်ရှားနေတဲ့ ပြည်သူ့စစ်အဖွဲ့တို့ဟာ ရုန်းရင်းဆန်ခတ်ဖြစ်ပြီး ရားလူး ရွာသား ၅ ဦး ထိခိုက်ဒါဏ်ရာရရှိခဲ့သလို ပြည်သူ့စစ်အဖွဲ့ဘက်ကလည်း ထိခိုက်ဒဏ်ရာရတာတွေရှိတယ်လို့ သိရပါတယ်။

ဒဏ်ရာရရှိသူတွေဟာ ရားလူးကျေးရွာက လီဆူ တိုင်းရင်းသား ရပ်မိ၊ ရပ်ဖနဲ့ ကျောင်းကော်မတီဝင်တွေ ဖြစ်ပါတယ်။ ဒါဏ်ရာရသူ ငါးယောက်ထဲက တစ်ယောက်ဟာ ပေါင်မှာ သေနတ်ထိမှန်ခံရတာဖြစ်ပြီး ကျန်လေးယောက်က ခေါင်းနဲ့ ခန္ဓာကိုယ်တွေမှာ ရိုက်နှက်ခံရတာပါ။

ရဲတပ်ဖွဲ့အနေနဲ့တော့ ရုန်းရင်းဆန်ခတ်မှုမှာ ပါဝင်ခဲ့တဲ့ နှစ်ဘက်လုံးက ပါဝင်ပတ်သက်သူတွေကို စုံစမ်းစစ်ဆေးနေပြီး တရားဥပဒေ လမ်းကြောင်းအတိုင်း ဆောင်ရွက်သွားမှာဖြစ်တယ်လို့ ချီဖွေမြို့နယ်ရဲတပ်ဖွဲ့ရုံးက ပြောပါတယ်။

RFA Burmese
https://www.facebook.com/rfaburmese/