မလေးရှားဝန်ကြီးချုပ် နှုတ်ထွက်ဖို့ လူထောင်ပေါင်းများစွာဆန္ဒပြ

မလေးဝန်ကြီးချုပ် Najib Abdul Razak နှုတ်ထွက်ပေးဖို့ ကွာလာလမ်ပူမှာ ဆန္ဒပြ (Nov. 19, 2016)
မလေးရှားနိုင်ငံ မြို့တော် ကွာလာလမ်ပူမှာ အစိုးရကို ဆန့်ကျင်သူ ထောင်ပေါင်း များစွာက စနေနေ့က လမ်းတွေပေါ် ထွက်ဆန္ဒပြခဲ့ကြပြီး ၀န်ကြီးချုပ် နာဂျစ်ရာဇက် ရာထူးက နှုတ်ထွက်ပေးဖို့ တောင်းဆို ခဲ့ကြပါတယ်။ ဒေါ်လာ ဘီလီယံပေါင်း များစွာ ပါဝင်တဲ့ ငွေကြေး အလွဲသုံးစားလုပ်မှု အရှုပ်တော်ပုံမှာ ၀န်ကြီးချုပ်ပါဝင် ပတ်သက်နေတယ် ဆိုတဲ့ စွပ်စွဲချက်တွေကြောင့် အခုလို တောင်းဆို ဆန္ဒပြခဲ့ကြ တာပါ။

Berish လို့ခေါ်နဲ့ အင်္ကျီအ၀ါဝတ် ဒီမိုကရေစီရေး တောင်းဆို ဆန္ဒပြတဲ့သူတွေက လူထုအာဏာ ဆိုပြီး ကြွေးကြော်သံတွေကို ကြွေးကြော်ပြီး၊ အတော် များများက ဘင်ခရာတွေ၊ ဘူဘူဇီလာတွေကို မှုတ်ပြီး ဆန္ဒပြ ခဲ့ကြတာပါ။

ကွာလာလမ်ပူ မြို့လယ်က မာဒေးကားရင်ပြင်ကို ဦးတည်တဲ့ အဓိက လမ်းမကြီးတွေ ပေါ်မှာတော့ အဓိကရုဏ်း နှိမ်နှင်းရေး ရဲတွေ အများအပြား ချထား တာကို တွေ့ရပြီး၊ ဆန္ဒပြတဲ့သူတွေ စုဝေးဖို့ လုပ်ထားတဲ့နေရာကို သွားလို့ မရအောင် တားဆီးနေပါတယ်။

ဒီဆန္ဒပြမှုတွေကနေ ၀န်ကြီးချုပ် နာဂျစ်ရာဇက် နှုတ်ထွက်သွားတဲ့ အထိတော့ ဖြစ် လာနိုင်ခြေ မရှိပဲ ၊ အခုချိန်ထိ အတိုက်အခံတွေ မီဒီယာတွေနဲ့ တက်ကြွ လှုပ်ရှား သူတွေကို နှိမ်နှင်းတာတွေ ထိန်းချုပ် တာတွေလုပ်ပြီး သူဟာ အခုချိန်ထိ ဒီပြဿနာကို ကျော်လွှားပြီး အာဏာကို အခိုင်အမာကိုင်စွဲထားဆဲဖြစ်ပါတယ်။

ဆန္ဒပြပွဲကို ဦးဆောင်သူနဲ့ အတူ အတိုက်အခံ ခေါင်းဆောင်တွေနဲ့ တက်ကြွ လှုပ်ရှားသူ ကျောင်းသားတွေ အပါအ၀င် တခြား ဆန္ဒပြပွဲကို ထောက်ခံတဲ့သူ အတော်များများကို မလေးရှား အာဏာပိုင်တွေက သောကြာနေ့က ဖမ်းဆီးခဲ့ ပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ