မင်းပြား ဦးစိုးတင့် မီးလောင်မှုကြောင့် လူ ၅ ဦး ပြင်းထန်ဒဏ်ရာရ စစ်တွေသို့ အရေးပေါ်ပို့ဆောင်ရန် စီစဉ်နေ


မင်းပြား (Nov 25, 2016)

ယနေ့ နံနက် ၁၀ နာရီကျော် အချိန်ခန့်က မင်းပြားမြို့ ဦးစိုးတင့်ရပ်ကွက် ဆန်စက်တန်း မီးလောင်မှုကြောင့် လူ ၅ ဦး (ကျား ၃ ဦးနှင့် မ ၂ ဦး) ပြင်းထန်ဒဏ်ရာရရှိခဲ့ပြီး မင်းပြား ပြည်သူ့ဆေးရုံမှတစ်ဆင့် စစ်တွေ ပြည်သူ့ဆေးရုံကြီးသို့ အရေးပေါ်ပို့ဆောင်နိုင်ရန် စီစဉ်နေကြကြောင်း သိရသည်။

လူနာများမှာ ဒဏ်ရာပြင်းထန်သဖြင့် စစ်တွေ ပြည်သူ့ဆေးရုံကြီးသို့ ပို့ဆောင်ပေးရန် ဆက်သွယ်တင်ပြထားကြောင်း မင်းပြား ပြည်သူ့ဆေးရုံမှ တာဝန်ရှိသူတစ်ဦး ပြောကြားချက်အရ သိရသည်။


အဆိုပါ မီးလောင်ဒဏ်ရာရ လူနာများအနက် လူနာ ၂ ဦးကို မင်းပြား ပြည်သူ့ဆေးရုံသို့ မင်းပြား စည်ပင်ကော်မတီ ဥက္ကဋ္ဌ ဦးခင်ဇော်ဝင်း က မော်တော်ကားဖြင့် ပို့ဆောင်ပေးခဲ့ပြီး လူနာ ၅ ဦးလုံးမှာ ဒဏ်ရာပြင်းထန် စိုးရိမ်ရသည့်အတွက် မင်းပြားမြို့ လူမှုအဖွဲ့အစည်းအချို့နှင့် ပူးပေါင်းကာ စစ်တွေ ပြည်သူ့ဆေးရုံကြီးသို့ အရေးပေါ် ပို့ဆောင်နိုင်ရန် စီစဉ်နေကြောင်း ဦးခင်ဇော်ဝင်း က ပြောသည်။


မင်းပြားမြို့ ဇ-ဖောင်ဒေးရှင်းမှ ကိုကောင်းမြတ်ကျော် က " အခု မင်းပြား မီးလောင်မှုကြောင့် ပြင်းထန်ဒဏ်ရာ ရရှိခဲ့တဲ့ လူနာ ၅ ဦးကို ဒီနေ့ချက်ချင်း စစ်တွေ ပြည်သူ့ဆေးရုံကြီးကို ပို့ဆောင်ကုသပေးနိုင်အောင် ကျွန်တော်တို့ ဇ-ဖောင်ဒေးရှင်း ကျိန်းရိပ်ကရုဏာ လူမှုကူညီရေးအဖွဲ့ တို့နဲ့ စီစဉ်နေပါတယ်။ စစ်တွေက မလိခကို စင်းလုံးငှားထားပါတယ်။ အခု စစ်တွေက ထွက်လာပါပြီ။ ဒီကို ရောက်ရင် လူနာတွေကို လူနာတင်ကားနဲ့တင်ပြီး မလိခအမြန်ရေယာဉ်နဲ့ စစ်တွေကို ပို့ဆောင်ပေးဖို့ စီစဉ်ထားပါတယ်။ ခရီးစရိတ်တစ်ခုတည်းက ၆ သိန်းရှိမယ်။ ကျွန်တော်တို့ လူမှုရေးအဖွဲ့တွေအနေနဲ့ ရန်ပုံငွေ သိပ်မရှိပေမယ့် ဒီလူနာတွေကိုတော့ ဖြစ်တဲ့နည်းနဲ့ ကူညီသွားမယ်ဆိုပြီး အခုလို စီစဉ်ထားကြတာ ဖြစ်ပါတယ်။" ဟု ဆိုသည်။


မင်းပြားမြို့ ဦးစိုးတင့်ရပ်ကွက် ဆန်စက်တန်းမီးလောင်မှုသည် ယနေ့ နံနက် ၁၀ နာရီကျော်ခန့်မှ စတင်လောင်ကျွမ်းကာ လောင်စာဆီဆိုင်များမှ ဆီပုံးများပေါက်ကွဲမှုကြောင့် လူ ၅ ဦး ပြင်းထန်ဒဏ်ရာ ရရှိခဲ့ခြင်းဖြစ်သည်။

မီးလောင်မှုကြောင့် သစ်ဆိုင် ဆီဆိုင် စားကုန်ဆိုင် စသည့် ဆိုင် ၉ လုံးနှင့် နေအိမ်တစ်လုံး ဆုံးရှုံးခဲ့ပြီး မီးလောင်သည့် အကြောင်းရင်းနှင့် ဆုံးရှုံးမှုတန်ဖိုးကို မသိရသေးပေ။

မင်းပြား - သတင်း
25 . 11 . 2016
Photo: U Khin Zaw Win / Ko Myo Myint
https://www.facebook.com/mongbranews/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ