တာဝန်ကနေ ရပ်စဲခံရတာ တရားမျှတမှုမရှိကြောင်း ဒေါက်တာထွန်းဝင်း ပြော

(တာဝန်ကနေ ရပ်စဲလိုက်တဲ့ စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန ဒုတိယ၀န်ကြီး ဒေါက်တာထွန်းဝင်း ကို နိုဝင်ဘာလ ၁၉ ရက်နေ့က တွေ့ရစဉ်) Photo: Win Ko Ko Latt/RFA
စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန ဒုတိယ၀န်ကြီး ဒေါက်တာထွန်းဝင်းကို နိုင်ငံတော်သမ္မတက ပေးအပ်တဲ့တာဝန်ကို ကျေပွန်အောင် မထမ်းဆောင်နိုင်တာကြောင့် တာဝန်ကနေ ရပ်စဲကြောင်း ဒီနေ့ထုတ် အစိုးရသတင်းစာတွေမှာ ထုတ်ပြန်ကြေညာလိုက်ပါတယ်။

ဒေါက်တာထွန်းဝင်းက သူ့ကိုအခုလို တာဝန်ကနေရပ်စဲလိုက်တာဟာ တရားမျှတမှုမရှိကြောင်း ဒီနေ့ သတင်းထောက်တွေနဲ့ တွေ့ဆုံစဉ် ပြောခဲ့ပါတယ်။

ဖွဲ့စည်းပုံအခြေခံဥပဒေပုဒ်မ ၂၃၅(ဂ) ပုဒ်မခွဲငယ်(၁) အရ ဒုတိယ၀န်ကြီး ဒေါက်တာထွန်းဝင်းကို တာဝန်ကနေ ရပ်စဲလိုက်တာလို့ နိုင်ငံတော်သမ္မတရုံးက သတင်းထုတ်ပြန်တာဖြစ်ပါတယ်။

အဲဒီပုဒ်မအရ နိုင်ငံတော်သမ္မတဟာ ပေးအပ်တဲ့တာဝန်ကို ကျေပွန်စွာ မထမ်းဆောင်နိုင်တဲ့ ပြည်ထောင်စုဝန်ကြီး ဒါမှမဟုတ် ဒုတိယ၀န်ကြီး တစ်ဦးဦးကို ရာထူးကနေ နှုတ်ထွက်ဖို့ ညွှန်ကြားနိုင်ကြောင်း၊ ညွှန်ကြားချက်ကို မလိုက်နာရင် တာဝန်ကနေ ရပ်စဲနိုင်သည်လို့ ပါရှိပါတယ်။

ပြီးခဲ့တဲ့ စက်တင်ဘာလအတွင်း စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူနဲ့ အဆင်မပြေဖြစ်ခဲ့တယ်လို့လည်း ဒေါက်တာထွန်းဝင်းက ပြောပါတယ်။

ဆည်တွေမှာ ငါးမွေးဖို့ကိစ္စ၊ မိုးစပါးစိုက်ရင် ဆည်ရေပေးဖို့နဲ့ ဧရာဝတီမြစ်ဝကျွန်းပေါ်မှာ ရေတင်စိုက်ပျိုးနိုင်ဖို့ ကိစ္စသုံးရပ်မှာ ၀န်ကြီး ဒေါက်တာအောင်သူနဲ့ သဘောထားချင်း မတိုက်ဆိုင်တာကြောင့် စကားများကြတာလို့ ဒေါက်တာထွန်းဝင်းက ပြောပါတယ်။

အမျိုးသားဒီမိုကရေစီအဖွဲ့ချုပ် အစိုးရလက်ထက်မှာ ပြည်ထောင်စုအဆင့် တာဝန်ရှိသူတစ်ဦးကို ပထမဆုံးအကြိမ် တာဝန်ကနေ ရပ်နားလိုက်တာဖြစ်ပါတယ်။

ဒေါက်တာထွန်းဝင်းကို ပြီးခဲ့တဲ့ မေလ ၂ ရက်နေ့က ဒုတိယ၀န်ကြီးအဖြစ် စတင်ခန့်အပ်ခဲ့တာဖြစ်ပြီး ဒုတိယ၀န်ကြီးတာဝန်ကို ၅ လကျော်ကြာ တာဝန်ထမ်းဆောင်ခဲ့တာဖြစ်ပါတယ်။

ဒေါက်တာထွန်းဝင်းဟာ ရေဆင်းတက္ကသိုလ် ကျောင်းဆင်းတစ်ဦးဖြစ်သလို ဖိလစ်ပိုင်နိုင်ငံကနေ စိုက်ပျိုးရေးဆိုင်ရာ မဟာဘွဲ့နဲ့ ဒေါက်တာဘွဲ့ရရှိခဲ့သူဖြစ်ပါတယ်။

မြန်မာနိုင်ငံဆိုင်ရာ အမေရိကန်သံရုံးရဲ့ စိုက်ပျိုးရေးဌာနမှာ အကြံပေးအရာရှိအဖြစ် လုပ်ကိုင်ခဲ့သူလည်း ဖြစ်ပါတယ်။

RFA Burmese
https://www.facebook.com/rfaburmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ