အထပ်မြင့်တွေ ပြန်လည်ဆောက် လုပ်ခွင့်ရမည်

ရန်ကုန်မြို့ ကမ္ဘာအေးဘုရားလမ်းပေါ်က အဆောက်အအုံတစ်ခုပုံ
ဆောက်လုပ်ခွင့်ရပ်ဆိုင်းထားတဲ့ အထပ်မြင့်အဆောက်အဦး ၁၃၀ ကျော်ထဲက ၁၂၀ ကျော် ကို နိုဝင်ဘာလအတွင်း ပြန်လည်ဆောက်လုပ်ခွင့်ပြုမယ်လို့ ရန်ကုန်မြို့တော်အင်္ဂါရပ်နဲ့အညီ အဆောက် အအုံများ တည်ဆောက်မှုစိစစ်ရေး ကော်မတီ ကပြောပါတယ်။

ခွင့်မပြုဘဲကျန်နေတဲ့ အဆောက်အဦး ၁၀ လုံးကတော့ တည်နေရာနဲ့ ပတ်သက်ပြီး ဆောက်လုပ်ရေး လုပ်ငန်းရှင်နဲ့ ညှိနှိုင်းဖို့ ကျန်ရှိနေတာဖြစ်ကြောင်း ရန်ကုန်မြို့တော်အင်္ဂါရပ်နဲ့အညီ အဆောက်အအုံများ တည်ဆောက်မှုစိစစ်ရေး ကော်မတီအဖွဲ့ဝင် ဦးရဲမင်းဦးက ပြောပါတယ်။

ဆောက်လုပ်ခွင့်ပြန်လည်ပေးလိုက်တဲ့ အဆောက်အဦးတွေအနေနဲ့ မီးသတ်ဦးစီးဌာန၊ စည်ပင် သာယာရေး ကော်မတီတို့ရဲ့စည်းမျဉ်းစည်းကမ်းအတိုင်းလိုက် နာဆောင်ရွက်ပြီး ဆောက်လုပ်ဖို့ ကော်မတီက စိစစ်ခွင့်ပြုလိုက်တာဖြစ်ပါတယ်။

ရန်ကုန်တိုင်းဒေသကြီးအစိုးရအနေနဲ့ အဆောက်အအုံတွေကို မြို့ပြအင်္ဂါရပ်နဲ့ ညီ၊ မညီ စစ်ဆေးဖို့ ဆိုပြီး ပြီးခဲ့တဲ့ မေလကတည်းက တည်ဆောက်မှုတွေကို ရပ်ဆိုင်းထားခဲ့တာဖြစ်ပါတယ်။

၆ လနီးပါးရပ်ဆိုင်းထားရတဲ့ အဲ့ဒီအဆောက်အဦးတွေကို ကော်မတီကစိစစ်ပြီး ရန်ကုန်မြို့တော် စည်ပင်သာယာရေးကော်မတီထံတင်ပြထားတာ တစ်လနီးပါး ရှိပြီဖြစ်တယ်လို့ သိရပါတယ်။

အခုအချိန်မှာတော့ ရန်ကုန်တိုင်းဒေသကြီး အစိုးရအနေနဲ့ စိစစ်ရေးကော်မတီရဲ့ ပြန်လည် ဆောက်လုပ်ဖို့ ခွင့်ပြုချက်ရတဲ့ ဆောက်လုပ်ရေးလုပ်ငန်းရှင်တွေ ကို ခေါ်ယူတွေ့ဆုံ ဆွေးနွေးမှုတွေ ဆက်လက်ဆောင်ရွက်နေပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ