၁၂ နှစ်အရွယ် ကလေးမှ ၃ နှစ်အရွယ် ကလေးအား ပီနံအိတ်အတွင်း ထည့်ခိုးယူမှုဖြစ်ပွား

Photo - Thet Tun Oo 

မန္တလေး၊ နိုဝင်ဘာ ၁၆။

မန္တလေးမြို့၊ မဟာအောင်မြေမြို့နယ် ရတနာဘုမ္မိအနောက် ရပ်​ကွက်​အတွင်း နိုဝင်ဘာလ ၁၅ ရက်နေ့ နံနက် ၁၀ နာရီခန့်က ၁၂နှစ်အရွယ် ပလပ်စတစ်ကောက်သည့် မိန်းကလေးတစ်​ဦးမှ ၂နှစ်အရွယ် ​ယောက်ျားလေးအား ပီနံအိတ်အတွင်း ထည့်ခိုးယူမှုတစ်ခုဖြစ်ပွားခဲ့သည် ။

ယင်းသို့ပီနံအိတ်အတွင်း ကလေးငယ်အား ထည့်နေသည်ကို ဒေသခံများက မြင်တွေ့ပြီး ရတနာဘုမ္မိအနောက်ရပ်​ကွက်​ အုပ်ချုပ်ရေးမှူးရုံးသို့ ခေါ်ဆောင်ခဲ့သည်။

"ကလေးမလေးက ကလေးလေးကို လမ်းပေါ်မှာ ဆော့နေတုန်း ချော့ခေါ်လာတာ တော်တော် ဝေးဝေး ရောက်တော့ ပီနံအိတ်ထဲထည့်ဖို့လုပ်နေတုန်း ဘေးပတ်ဝန်းကျင်ကလူတွေက မလုပ်ဖို့သွားပြောတော့မှ ကလေးကို ချော့ခေါ်လာတာဖြစ်မှန်းသိလို့ ကျွန်တော့ကို အကြောင်းကြားလာတာပါ။ ခေါ်လာတဲ့ကလေးကိုလည်း သူ့မိဘဆီကို အပ်ပြီးသွားပါပြီ"ဟု ရတနာဘုမ္မိအနောက်ရပ်ကွက် အုပ်ချုပ်ရေးမှူး ဦးအောင်သက်ထွန်းက ပြောသည်။

ယင်းသို့ ကလေးငယ်အားခေါ်ဆောင်ခဲ့သည့် အသက် (၁၂) နှစ်အရွယ် မိန်းကလေးငယ်သည် ဖမ်းခံရသည်ထက် အိမ်ပြန်ရမှာ ကြောက်နေသည့်အနေအထားတွင်ရှိပြီး ၎င်းအား နောက်ကွယ်မှ လူကြီးတစ်ယောက်ယောက်က ခိုင်းစေခြင်းဖြစ်နိုင်ကြောင်း ဒေသခံတစ်ချို့က သုံးသပ်ပြောဆိုမှုများ ရှိသည်။

၎င်းကလေးငယ်အားခေါ်ဆောင်ခဲ့သည့် မိန်းကလေးအား သက်ဆိုင်ရာနယ်မြေရဲစခန်းသို့ အပ်ခဲ့ပြီး အသက်မပြည့်သေးသော ကလေးငယ်တစ်ဦးဖြစ်သည့် အတွက် ရဲတပ်ဖွဲ့က ချုပ်ထားခြင်းမရှိပဲ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဦးစီးဌာနတွင် ကလေးငယ်အား စောင့်ရှောက်ထားကြောင်း လူကုန်ကူးမှုတားဆီးနှိမ်နှင်းရေး တပ်ဖွဲ့ခွဲ(မန္တလေး)မှ တပ်ဖွဲ့မှူး ရဲမှူးဖေသိန်းကျော်က ပြောသည်။

နိုင်လင်းဦး
Central News Myanmar
https://www.facebook.com/CNMyanmar