နယ်စပ်က တရားဝင်သွားရောက် သူတွေကိုပါ တရုတ်ရဲတွေ ဖမ်းဆီးနေ

တရုတ်နိုင်ငံ ရွှေလီမြို့က ရွှေလီနယ်စပ်တံတား ၀င်ပေါက်ကို တွေ့ရစဉ်။ Photo: Kan Thar/ RFA
ရှမ်းပြည်နယ်မြောက်ပိုင်း မြန်မာ-တရုတ် နယ်စပ်ဂိတ်ကနေ တရုတ်နိုင်ငံကို တရားဝင်သွားရောက်တဲ့ မြန်မာနိုင်ငံ သားတွေကိုပါ တရုတ်နိုင်ငံ ရဲတပ်ဖွဲ့ဝင်တွေက ဖမ်းဆီးတာတွေရှိနေတဲ့အတွက် အမြန်ဆုံး ပြန်လည်လွှဲပြောင်းပေး ဖို့ မူဆယ်ခရိုင်အုပ်ချုပ်ရေးမှုး ဦးကျော်ကျော်ထွန်းက တရုတ်နိုင်ငံ ရွှေလီမြို့ ပြည်ပရေးရာဌာန ကို နိုဝင်ဘာ ၄ ရက်နေ့က အကြောင်းကြားထားပါတယ်။

တရုတ်နိုင်ငံမှာ ပြစ်မှုကျုးလွန်သူတွေကို ဖမ်းဆီးရင်း အပြစ်မရှိတဲ့သူတွေပါ ရောအဖမ်းခံနေရ တာဖြစ်တယ်လို့ ဦးကျော်ကျော်ထွန်းက ပြောပါတယ်။

"တချို့ကျတော့လည်း ရက်ကျော်ပြီးနေထိုင်တဲ့ ကိစ္စတွေလည်းရှိတာပေါ့။ သွားလိုက်တဲ့အချိန်၊ ၀င်လိုက်တဲ့ အချိန်မှာ အထောက်အထား စည်းတံဆိပ်တွေ မပြည့်စုံလို့ ဖမ်းတာတွေလည်းရှိတယ်။ တခြားပြစ်မှုကျုးလွန် တဲ့အခါ တင်းတင်းကြပ်ကြပ်ဖမ်းတာတွေလည်း ရှိတာပေါ့။ ဒါ့ပေမယ့် ကိုယ့်နိုင်ငံသားတွေ အဖမ်းခံရပြီ ဆိုတော့သိတာနဲ့ ချက်ချင်းကန့်ကွက်စာနဲ့ ပြန်လွှတ်ဖို့ တောင်းတာပေါ့လေ။ သူတို့ဘက်က ဒုစရိုက်မှုတွေ လည်းရှိတာပေါ့နော်။ အကုန်လုံးသိမ်းကြုံးပြီး လုပ်လိုက်တဲ့အပိုင်းလည်း ပါမှာပေါ့။ ဟိုဘက်မှာ ပြစ်မှုကျုး လွန်တဲ့သူတွေလည်း ရှိတော့ပေါ့နော်။ ရှိတဲ့အခါကျတော့ သံသယရှိတဲ့သူ အကုန်လုံး ရှာတဲ့အခါ ဖြစ်တာ လည်းဖြစ်လိမ့်မယ်"

ဖမ်းဆီးထားတဲ့ မြန်မာနိုင်ငံသားတွေဆီကနေ တရုတ်နိုင်ငံ ရဲတပ်ဖွဲ့ဝင်တွေက ယွမ်ငွေ ၈၀၀ ကနေ ၁၀၀၀ အထိ (မြန်မာကျပ်ငွေ ၁ သိန်း ၄ သောင်းကျော်ကနေ ၁ သိန်း ၇ သောင်းကျော်) တောင်းပြီးမှ ပြန်လွှတ်ပေးတယ် လို့လည်း မြန်မာနိုင်ငံဘက်ကနေ ရွှေလီမြို့ ပြည်ပရေးရာဌာနကို ပေးပို့တဲ့ စာထဲမှာ ပါရှိပါတယ်။

မြန်မာနိုင်ငံကနေ တရုတ်နိုင်ငံနယ်စပ်တွေအကြား ခရီးသွားလာမှုတွေဟာ မြန်မာ-တရုတ် နယ်စပ် ဒေသ စီမံခန့်ခွဲရေးနှင့် ပူးပေါင်းဆောင်ရွက်ရေးဆိုင်ရာ သဘောတူညီမှုစာချုပ်အရ နှစ်နိုင်ငံ ခေါင်းဆောင်တွေ သဘောတူပြီးခွင့်ပြုထားတာဖြစ်ပါတယ်။

မြန်မာ- တရုတ်နယ်စပ်ကနေ နေ့စဉ်ခရီးသွားလာနေသူ ဦးရေဟာ ၅ထောင်ကနေ ၁ သောင်း လောက် အထိ ရှိနေတယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ