မန္တလေး - မူဆယ် ကုန်တင်ခ ထက်ဝက်ကျော်မြင့်တက်

မန္တလေး - မူဆယ်ကားလမ်းမှာ သွားလာနေတဲ့ ကုန်တင်ကားတွေကို နိုဝင်ဘာလ ၂၄ ရက်နေ့ကတွေ့ရစဉ်။ Photo: Kan Thar/RFA
ရှမ်းပြည်နယ်မြောက်ပိုင်းမှာ တိုက်ပွဲတွေ ဖြစ်ပွားနေတဲ့အတွက် မန္တလေးမြို့ကနေ မူဆယ်ကိုသွားတဲ့ ကုန်ကား အရေအတွက်နည်းပါးနေပြီး ကုန်စည်တင်ဆောင်ခတွေဟာလည်း တစ်တန်ကို ထက်ဝက်ကျော်မြင့်တက်လာ တယ်လို့ မန္တလေးအခြေစိုက် ကုန်သည်တွေက ပြောပါတယ်။

ကုန်ကားမောင်သူတွေ အပစ်ခံရတဲ့အတွက် ရှမ်းပြည်နယ်ဘက်ကိုသွားလိုသူ ကားဆရာနည်းပါးနေပြီး ကုန်စည်တင်ဆောင်ခဟာလည်း အရင်က တစ်တန်ကို ငွေကျပ် ၆ သောင်းရှိရာကနေ လက်ရှိအချိန်မှာ တစ်သိန်းအထိ ဈေးပေါက်နေတာဖြစ်တယ်လို့ မန္တလေးကနေ မူဆယ်ကို သစ်သီးတင်ပို့တဲ့ကုန်သည် ကိုစိုင်းမင်းသူနိုင်က ပြောပါတယ်။

ရှမ်းမြောက် မူဆယ်ကိုသွားတဲ့လမ်းမှာ အခုရက်ပိုင်းမှာပဲ ကုန်ကားမောင်းသူနှစ်ဦး သေဆုံးခဲ့လို့ ကုန်ကား သမားတွေ မသွားရဲဖြစ်နေသလို ကုန်ပစ္စည်းတင်ပို့ခတွေ ဈေးတက်နေတာ ဖြစ်ပါတယ်။

အရင်က မန္တလေးကနေ မူဆယ်ကို ဖရဲ၊ သခွားမွှေး ကုန်ကား တစ်နေ့ကို အစီးရေ ရာချီရှိခဲ့ပေမယ့် အခုရက်ပိုင်းမှာ မူဆယ်ကို ကုန်ပို့လာတဲ့ သစ်သီးကုန်ကားစီးရေက ထက်ဝက်ခန့်လျော့ကျသွားပါတယ်။

အခုချိန်က မြန်မာနိုင်ငံကထွက်တဲ့ ဖရဲ၊ သခွားမွှေးကို တရုတ်ကဝယ်လိုအားရှိတဲ့ ရာသီဖြစ်တဲ့အချိန်မှာ အခုလို ကုန်သွယ်ရေးလမ်းကြောင်းတလျှောက်မှာ နယ်မြေမတည်ငြိမ်တာကြောင့် ကုန်စည်စီးဆင်းမှုမှာ နှောင့်နှေး ကြန့်ကြာမှုတွေဖြစ်ပြီး ကုန်ပို့ခဈေးနှုန်းတွေလည်း မြင့်တက်နေတာဖြစ်ပါတယ်။

တရုတ်-မြန်မာနယ်စပ် ကုန်သွယ်ရေးလမ်းကြောင်းမှာ အခုလ ၂၀ ရက်နေ့ကစပြီး ကချင်လွတ်မြောက်ရေး တပ်မတော် KIA ၊ အမျိုးသားဒီမိုကရက်တစ်မဟာမိတ်တပ်မတော်-ကိုးကန့်အဖွဲ့ MNDAA ၊ တအာင်းအမျိုးသား လွတ်မြောက်ရေးတပ်မတော် TNLA နဲ့ ရက္ခိုင့်တပ်မတော် AA တို့က ပူးပေါင်းထိုးစစ်ဆင်တိုက်ခိုက်ရာကနေ နယ်စပ်ကုန်သွယ်ရေးလမ်းကြောင်း ပြတ်တောက်သွားခဲ့ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ