ရန်ကုန်-မန္တလေး အမြန်လမ်းတွင် ယာဉ်မတော်ဆမှု ဖြစ်ပွား


တံတားဦး နိုဝင်ဘာဘာ ၂

ရန်ကုန်-မန္တလေး အမြန်လမ်း စကားအင်း အမြန်လမ်း ရဲစခန်းအပိုင် မိုင်တိုင် ၃၄၂/၅ နှင့် ၆ ကြားတွင် နိုဝင်ဘာလ ၂ ရက်နေ့ နံနက်(၁၀) နာရီက ယာဉ်မတော်တဆမှု ဖြစ်ပွားကြောင်း သတင်းအရ စခန်းမှူး ရဲအုပ်ဌေးအောင်ကျော်၊ တာဝန်မှူး ရဲအုပ်ဇင်မင်းဦးနှင့် တပ်ဖွဲ့ဝင်များ အသိသက်သေ လက်ထောက် မီးသတ်ဦးစီးမှူး ဟိန်းသက်ဆွေ၊ မီးသတ်တပ်ဖွဲ့ဝင်များနှင့်အတူ ယာဉ်မတော်တဆ ဖြစ်ပွားမှုနေရာသို့ သွားရောက်ကြည့်ရှု စစ်ဆေးကြသည်။


ဖြစ်စဉ်မှာ မန္တလေးမှ နေပြည်တော်ဘက်သို့ ပြင်ဦးလွင်မြို့နယ် ပွဲကောက်ရွာနေ ယာဉ်မောင်း ဇော်မျိုးအောင် (၃၂)နှစ် မောင်းနှင်လာသော 7H/- - - - Light Truck အဖြူရောင်သည် ယာဉ်မောင်း အိပ်ငိုက်ပြီး ယာဉ်မှာ လမ်း၏ ယာဘက် မြေသားလမ်းဘေးသို့ ရောက်ရှိသွားစဉ် ယာဉ်မောင်းမှ စီယာတိုင်အား ၀ဲဘက်သို့ ရုတ်တရက် ဆွဲကွေ့ရာ အရှိန်မထိန်းဘဲ လမ်းလယ်ကျွန်း အားကျော်လွန်ပြီး တစ်ဘက်ယာဉ်ကြောသို့ ရောက်ရှိသွားကာ ယာဘက်သို့ တိမ်းမှောက်နေကြောင်း စစ်ဆေး တွေ့ရရှိရသည်။


ထိုဖြစ်စဉ်ကြောင့် ယာဉ်မောင်းနှင့် ယာဉ်ပေါ်လိုက်ပါလာသော အမျိုးသား(၄)ဦး အမျိုးသမီး(၇)ဦး စုစုပေါင်း (၁၁) ဦးတို့မှာ (မစိုးရိမ်ရ) ဒဏ်ရာများ အသီးသီးရရှိခဲ့သဖြင့် ယာဉ်မဆင်မခြင် ပေါ့ဆစွာ မောင်းနှင်သူ ဇော်မျိုးအောင်အား ဥပဒေအရ အရေးယူပေးပါရန် တာဝန်မှူး ရဲအုပ်ဇင်မင်းဦးက တရားလိုပြုလုပ် တိုင်တန်းသဖြင့် စကားအင်း အမြန်လမ်း ရဲစခန်း ယာဉ်(ပ) ၄၆/၂၀၁၆ ရာဇသတ်ကြီး ဥပဒေပုဒ်မ ၃၃၇/၃၃၈ အရ နိုဝင်ဘာလ ၂ ရက်နေ့တွင် ယာဉ်မောင်းသူ အား အမှုဖွင့် အရေးယူ ဆောင်ရွက်ထားသည်။

အဆိုပါဖြစ်စဉ်ကြောင့် 7H/- - - - Light Truck ယာဉ်မှာ ရှေ့လေကာမှန်ကွဲခြင်း၊ ယာဘက်ဦးခေါင်းပိုင်း အမိုး ပိန့်ချိုင့်ခြင်း၊ ယာနောက်ကြည့်မှန်ကျိုးခြင်း၊ အမိုးကိုင်းပျက်စီးခြင်းများ ဖြစ်ပေါ်ခဲ့ကြောင်း သတင်းရရှိသည်။

ဓါတ်ပုံ - သန်းဌေး (ဗဟိုမီးသတ်)
တံတားဦး (ပြန်/ဆက်)
MOI Webportal Myanmar
https://www.facebook.com/MOIWebportalMyanmar/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ