သျှမ်းမြောက် တိုက်ပွဲကြောင့်တရုတ်-မြန်မာနယ်စပ်မျဉ်းတစ်လျှောက် တရုတ်စစ်တပ်ဖြန့်ကျက်ထား


နိုဝင်ဘာလ ၂၆ ရက် ၂၀၁၆

သျှမ်းပြည်မြောက်ပိုင်းတွင် အစိုးရတပ်မတော်နှင့်မြောက်ပိုင်း မဟာမိတ် တပ်ကြား တိုက်ပွဲများတစ်နေ့တစ်ခြားပြင်းထန်လာမှုကြောင့် တရုတ်-မြန်မာနယ်စပ်တစ်လျှောက် တရုတ်နိုင်ငံဘက်ခြမ်း ၌ တရုတ် စစ်တပ်များ၊ သံချပ်ကားများနှင့်နောက်ဆုံးပေါ် တာဝေးပစ် ဒုံးကျည်ပစ်ကားများ တပ်ဖြန့်ထားကြောင်း သတင်းရရှိသည်။


နိုဝင်ဘာလ (၂၀)ရက်ကစတင်ပြီး တရုတ်-မြန်မာ နယ်စပ်ဒေသများဖြစ်ကြေ သာ မုံးကိုး ၊ပန်ဆိုင်း၊ မူစယ် (၁၀၅မိုင်) နှင့် နမ့်ခမ်းမြို့နယ် အတွင်း၌ အစိုးရ တပ်မတော်နှင့် မြောက်ပိုင်းမဟာမိတ် တပ်ဖွဲ့ ( KIA ၊ MNDAA ၊TNLA ၊ AA ) များအကြားတိုက်ပွဲများပြင်းထန်လာမှုကြောင့် ယနေ့ မနက်ပိုင်း တွင် တရုတ် - မြန်မာ နယ်စပ်တစ်လျှောက်တရုတ်နိုင်ငံဘက်ခြမ်းရှိ မြို့များ၌ တရုတ် လုံခြုံရေးတပ်က ဖြန့်ကျက်နေရာ ယူထားကြောင်း တရုတ်နိုင်ငံ ရွှေလီမြို့ေ ရာက် မူစယ်သား စိုင်းပီး ကဆိုသည်။

“ တရုတ်အထူး ကွန်မန်ဒိုတပ်သားများ နဲ့ တင့်ကား ၊ သံချပ်ကာကား ပြီးတော့ ဒုံးကျည်တင်ကား အစီး ၂၀၀ ထက်မနဲ ရောက်ရှိနေတာ တွေ့ရပါတယ်ဗျ၊ အဓိက က သူတို့မြေ ကို သူတို့ ကာကွယ်ဖို့ ရောက်လာတယ် လို့ ပြောတာပဲ အခြေအနေ ဘယ်လိုထပ်ဖြစ်လာမလဲဆိုတာ အခုတော့ စောင့်ကြည့် ရတာပေါ့ ” ဟု ၄င်းက သျှမ်းသံတော်ဆင့်အားပြောသည်။


နိုဝင်ဘာလ ၂၅ ရက်ကလဲ မူစယ်မြို့ထဲရှိ အစိုးရတပ်မတော်အား လားရှိုးမြို့မှ တပ်မတော်စစ်ရဟတ်ယဉ် ၁၀ စီးထက်မနဲ စစ်အင်အားနှင့် စစ်လက်နက်များ လာရောက်ပို့ဆောင်နေပြီး ၄င်းစစ် သားများကို မြေသယ် ကားကြီး ဖြင့် တရုတ်-မြန်မာနယ်စပ်မြို့များဖြစ်ကြသည့် ၁၀၅ မိုင် ၊ ပန်ဆိုင်း ၊မုံးကိုး မြို့များဘက်သို့ ဆက်လက်ပို့ဆောင်သွားကြောင်း တွေ့မြင်ရသည် ဟု မူစယ်ဒေသခံ ကိုအောင်အောင် ကဆို သည်။

“ ကျနော်တို့ မူစယ်မြို့မှာတော့ ဒီရက်ပိုင်း သေနတ်သံတွေတော့ မကြားရ သလောက်ပါပဲ ၊ ဒါပေမဲ့ မြို့ က အရင်လိုတော့ မစည်ကားသေးဘူးပေါ့၊ လုံခြုံရေးတွေတော့ နေရာတိုင်းမှာ အပြည့်ပါပဲ ” ဟု ၄င်းကပြောသည်။


အလားတူ တရုတ်- မြန်မာ နယ်စပ်ဖြစ်သည့် နမ့်ခမ်းမြို့တွင်မြန်မာအစိုးရ တပ်မှ မြို့ဝင်/ထွက် နေရာများကို လုံခြုံရေးယူထားပြီး ကချင်ပြည်နယ်သို့ သွားသော ရွှေလီကြိုးတံတားကြီး ကို နိုဝင်ဘာလ (၂၃)ရက်နေ့က တည်းက ဖြတ်သန်းသွားလာခွင့်ကိုရက်အကန့်အသန့်မရှိ ပိတ်ထားကြောင်း ၊ ရွှေလီမြစ် ကမ်းတစ် လျှောက်ရှိ ကူးတို့ဆိပ်အားလုံးကိုလည်း အချိန်ကန့်သတ်ပြီး လုံခြုံရေးအရ စစ်ဆေးမေးမြန်းမှုများလဲ ရှိနေပါကြောင်း၊ ယခုအခါ နမ့်ခမ်းမြို့ တွင်းတွင်လည်း ည ၇း၀၀ နာရီအချိန်ခန့်တွင် လူသွားလူလာ မရှိ သလောက် ခြောက်ကပ်နည်းပါးနေသည် ဟု နမ့်ခမ်းမြို့ဒေသခံများ ထံမှသိရှိရသည်။

သျှမ်းသံတော်ဆင့်၊ နန်းသိရိခမ်း(မူစယ်)
Panglong(Burmese)
https://www.facebook.com/Panglong.burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ