ဘီးလင်းမြို့တွင် အမျိုးသားတစ်ဦး ပျားတုပ်ခံရ၍သေဆုံး


မော်လမြိုင်၊ အောက်တိုဘာ ။ ။ ဘီးလင်းမြို့နယ်၊ ယွန်းဒလင်းကုန်းကျေးရွာတွင် အောက်တိုဘာ ၃၀ ရက်နေ့ ညနေ ၅နာရီကဘုရားကိုးဆူစေတီအနီးရှိဥယျာဉ်ခြံတစ်ခုတွင် ခြံရှင်းသည့် အမျိုးသားတစ်ဦးပျားတုပ်ခံရခြင်းကြောင့် သေဆုံးခဲ့ရကြောင်းတောင်စွန်းနယ်မြေရဲစခန်းတာဝန်ရှိသူတစ်ဦးထံမှ သိရသည်။

ယွန်းဒလင်းကုန်းကျေးရွာအရှေ့ပိုင်းရပ်ကွက်နေဦးမောင်သိန်းသည် မယားညီအစ်ကိုဖြစ်သူဦးတင်စိုးနှင့်အတူဥယျာဉ်ခြံရှင်းရာမှပျားအုံကိုဓားဖြင့်ရမ်းမိသဖြင့်ပျားများဝိုင်းတုပ်ခဲ့ခြင်းကြောင့် ဦးမောင်သိန်း၏ မျက်လုံး၊ နားရွက်၊ အပေါ်နှုတ်ခမ်းနှင့် ဦးခေါင်းတစ်ခုလုံးတွင် ညိုမဲဒဏ်ရာများဖြင့်အခင်းဖြစ်နေရာတွင် သေဆုံးခဲ့ကြောင်း ရဲမှတ်တမ်းများအရသိရသည်။

သေဆုံးခဲ့သည့် ဦးမောင်သိန်းနှင့်အတူဥယျာဉ်ခြံရှင်းခဲ့သောဦးတင်စိုးသည်လည်းပျားတုပ်ဒဏ်ရာများရရှိကာဇုတ်သုတ်ဆေးရုံတွင် ဆေးကုသလျက်ရှိကြောင်းရဲမှတ်တမ်းများအရသိရသည်။

“လောလောဆယ်မှာတစ်ယောက်ကတော့ သက်သာနေပါပြီး၊စိုးရိမ်စရာမရှိတော့ပါဘူး”ဟု တောင်စွန်းနယ်မြေရဲစခန်းမှတာဝန်ရှိသူတစ်ဦးကဟင်္သာမီဒီယာသို့ ပြောဆိုသည်။

ဦးမောင်သိန်းသေဆုံးမှုသည်ဓမ္မတာအတိုင်းရုတ်တရက်သေဆုံးခြင်းဟုတ်မဟုတ် တောင်စွန်းနယ်မြေရဲစခန်းက စစ်ဆေးဆောင်ရွက်နေကြောင်း ၎င်းက ပြောသည်။

Written by – ဟိန်းထက်
by Hinthar Media
http://hintharmedia.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ