ဂျာကာတာမြို့ဝန်က လူနည်းစု ခရယာန် ဘာသာဝင် ဖြစ်သလို၊ |
မြို့ဝန် Basuki Tjahja Purnama ဟာ ခရစ်ယာန် ဘာသာဝင် ဖြစ်ပြီး မွတ်ဆလင် အများစု ရှိတဲ့ ဂျာကာတာမြို့ရဲ့ ပထမဆုံး တရုတ်အနွယ် မြို့ဝန်လည်း ဖြစ်ပါတယ်။
သူဟာ ဒုတိယအကြိမ် သက်တမ်းအတွက် ထပ်အရွေးခံဖို့ စီစဉ်ထားသူ ဖြစ်ပြီး၊ ပြိုင်ဖက် မွတ်ဆလင်တွေက သူ့ကို မဲမပေးကြဖို့ ကိုရမ်ကျမ်းလာ အချက်တစ်ခုနဲ့ ပြောဆို စည်းရုံးနေတာကို သူက ပြန်လည် တုံ့ပြန် ပြောခဲ့ရာကနေ ဒီပြဿနာတွေ ပေါ်လာခဲ့တာပါ။
ဆန္ဒပြသူတွေဟာ အစောပိုင်းက Istiqlal ဗလီမှာ စုရုံးခဲ့ကြပြီးနောက် သမ္မတ အိမ်တော် အပြင်ဘက်ကို ရောက်လာပြီး မြို့တော်ဝန်ကို ဖမ်းဆီးဖို့ တောင်းဆို နေကြတာပါ။
ရဲတွေကတော့ လူမျိုးရေး၊ ဘာသာရေး ပဋိပက္ခတွေ ဖြစ်လာနိုင်တဲ့အတွက် ကြိုတင် ပြင်ဆင်နေကြပါတယ်။
၁၉၉၈ ခုနှစ်တနုးက တရုတ် ဆန့်ကျင်ရေး လှုပ်ရှားမှုတွေ ပေါ်ခဲ့ပြီးနောက် တရုတ် ဆိုင်တွေ၊ နေအိမ်တွေ မီးရှို့ခံခဲ့ရဖူးပါတယ်။
BBC Burmese
http://www.bbc.com/burmese
ဂျာကာတာ မြို့ဝန်ကို ဘာသာရေး စော်ကားမှုနဲ့ ဖမ်းဆီးဖို့ ဆန္ဒပြ
Reviewed by THITHTOOLWIN
on
22:11
Rating: