ဟီလာရီအပေါ် အက်ဖ်ဘီအိုင် ဆုံးဖြတ်ချက် ဒေါ်နယ်ထရမ့် လက်မခံနိုင်

မဲဆွယ်မှု နောက်ဆုံးရက် ဖြစ်တဲ့ တနင်္လာနေ့မှာ ကလင်တန် ပိုပြီး ရေပန်းစားလာဖွယ်ရှိ။
ဟီလာရီ ကလင်တန် ကိုယ်ပိုင် အီးမေးလ် ဆာဗာ သုံးခဲ့တဲ့ ကိစ္စမှာ အရေးယူစရာ မရှိဘူးလို့ အက်ဖ်ဘီအိုင်က ထုတ်ဖော် ပြောဆိုလိုက်ပြီးနောက် ဒါဟာ မမှန်ကန်တဲ့ လုပ်ရပ် ဖြစ်တယ်လို့ ဒေါ်နယ်ထရမ့်က အက်ဖ်ဘီအိုင်ကို စွပ်စွဲ ပြောဆိုလိုက်ပါတယ်။

ဒီမိုကရက်တစ် သမ္မတလောင်း ဟီလာရီရဲ့ အီးမေးလ်တွေ ကိစ္စကို အသစ် စုံစမ်း စစ်ဆေးခဲ့ရာမှာ အရင် တစ်ကြိမ် ဆုံးဖြတ်ခဲ့သလိုပဲ ပြစ်မှု စွဲဆိုစရာ မတွေ့ရဘူးလို့ အက်ဖ်ဘီအိုင် ညွှန်ကြားရေးမှူးက ပြောခဲ့တာပါ။

အက်ဖ်ဘီအိုင် ဒါရိုက်တာရဲ့ အဲဒီလို ပြောဆိုမှုက သမ္မတ ရွေးကောက်ပွဲ ကျင်းပဖို့ တစ်ရက်သာ လိုတော့ချိန်မှာ မစ္စက် ကလင်တန်အပေါ် လွှမ်းမိုးထားတဲ့ အရိပ်မည်းကြီးကို ဖယ်ပေးလိုက်သလို ဖြစ်စေခဲ့ပါတယ်။

အက်ဖ်ဘီအိုင်ရဲ့ ကြေညာချက် မထွက်လာမီ တနင်္ဂနွေနေ့က စစ်တမ်းတွေအရတော့ မစ္စက် ကလင်တန်က ဒေါ်နယ်ထရမ့် အပေါ် လေးငါးမှတ်လောက်သာ အသာစီး ယူထားနိုင်ခဲ့တာ ဖြစ်ပါတယ်။

မစ္စက် ကလင်တန်မှာ ပြစ်မှု စွဲဆိုစရာ မရှိကြောင်း အက်ဖ်ဘီအိုင်ရဲ့ ကြေညာချက်က ရီပတ်ဘလီကန် သမ္မတလောင်း ဒေါ်နယ်ထရမ့်အတွက် လက်သင့်မခံနိုင်စရာ ဖြစ်လာခဲ့ပြီး အက်ဖ်ဘီအိုင်ကို အခုလို စွပ်စွဲ ပြောဆိုလိုက်တာ ဖြစ်ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ