ကာချုပ်ကို ဝေဖန်မှုနဲ့ ကိုမျိုးရန်နောင်သိန်း စစ်ဆေးခံနေရ

 ဖေ့ဘွတ်မှာ ကာကွယ်ရေး ဦးစီးချုပ်ကို ဝေဖန်သရော် ရေးခဲ့ကြသူတွေ အပြစ်ပေးခံခဲ့ကြရ
အမျိုးသား ဒီမိုကရေစီ အဖွဲ့ချုပ် NLD ဗဟိုသုတေသန လမ်းညွန်အဖွဲ့ အတွင်းရေးမှုး ကိုမျိုးရန်နောင်သိန်းကို သူ့ရဲ့ လူမှုကွန်ရက် စာမျက်နှာမှာ တပ်မတော် ကာကွယ်ရေး ဦးစီးချုပ်ကို ဝေဖန် ရေးသားခဲ့လို့ ဆိုပြီး လှိုင်မြို့နယ် ရဲစခန်းမှာ ဖမ်းဆီး စစ်ဆေးနေပါတယ်။

သူ့ကို ညနေ သုံးနာရီလောက်က ခေါ်သွားခဲ့တာလို့ ကိုမျိုးရန်နောင်သိန်းရဲ့ မိခင် ဒေါ်ကြည်ကြည်စိန်က ပြောပါတယ်။

ဒီမိုကရေစီ နိုင်ငံဆိုပြီး လွတ်လပ်စွာ ပြောဆိုနိုင်ခွင့် ဆုံးရှုံးနေတယ်၊ နိုင်ငံသား တစ်ယောက် အနေနဲ့ ပြောဆိုဝေဖန် ပိုင်ခွင့် ရှိသင့်တယ်လို့ လည်း သူက ပြောပါတယ်။

NLD ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်းကလည်း ကိုမျိုးရန်နောင်သိန်းကို ဆက်သွယ်ရေး ဥပဒေနဲ့ အရေးယူဖို့ ပြင်ဆင်နေတယ်လို့ ကြားရကြောင်း ပြောပါတယ်။

ကိုမျိုးရန်နောင်သိန်းနဲ့ ပတ်သက်လို့ တရားဥပဒေအရ ဆက်လက် ဆောင်ရွက်ရမှာ တွေကို NLD ဖက်က တာဝန်ယူ သွားမယ်လို့ ဦးဉာဏ်ဝင်းက ပါတယ်။

အန်အယ်လ်ဒီနဲ့ နီးစပ်တဲ့ အသိုင်းအဝိုင်းကတော့ ရန်ကုန်တိုင်း စစ်ဌာနချုပ်က တိုင်တန်းတဲ့ အတွက် ပုဒ်မ ၆၆ ဃ ဆက်သွယ်ရေး ဆိုင်ရာ ဥပဒေနဲ့ ဖမ်းဆီးတာလို့ ဆိုကြပါတယ်။

လှိုင်မြို့နယ် ရဲတပ်ဖွဲ့မှူး ရဲမှူးဇော်လင်းက အမှုကိစ္စ တခုအတွက် လှိုင်ရဲစခန်းမှာ ခေါ်ယူ စစ်ဆေးနေတာမှန်ကန်တယ်လို့ ပြောပေမဲ့ အသေးစိတ်တော့ မပြောခဲ့ပါဘူး။

တပ်မတော် ကာကွယ်ရေး ဦးစီးချုပ်ကို ဝေဖန် သရော်တာတွေ ရေးသား ခဲ့တဲ့အတွက် ကချင် တိုင်းရင်းသား ကိုပက်ထရစ် ကွမ်ဂျာလီနဲ့ မချောစန္ဒီထွန်းတို့ ထောင်ဒဏ် ၆ လစီ အပြစ်ပေး ခံရဖူးပါတယ်။

ကြက်ဖကြီးဆိုတဲ့ ဖေ့ဘုတ် အကောင့်ပိုင်ရှင် ဦးလှဖုန်းကိုလည်း ဖမ်းဆီးထားပြီး လာမယ့် နိုဝင်ဘာ ၁၁ ရက်မှာ အပြီးသတ် အမိန့်ချမှတ်ဖို့ ရှိပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ