မင်္ဂလာဆောင်၌ အစာအဆိပ်သင့်သူ ၁၃၂ ဦး အထိတိုးလာ

 ကန့်ဘလူမြို့နယ်တွင် လူ ၁၃၂ ဦး အစာအဆိပ် သင့်မှုဖြစ်ပွား
ကန့်ဘလူ နိုဝင်ဘာ ၁၁

စစ်ကိုင်းတိုင်းဒေသကြီး ကန့်ဘလူမြို့နယ်၊ ဇီးကနားကျေးရွာ အုပ်စု၊ လျှော်ဖြူကုန်း ကျေးရွာတွင် နိုဝင်ဘာ ၁၁ ရက် နံနက်ပိုင်းက မင်္ဂလာဆောင်၌ ဧည့်သည်များကို ထမင်းဖြင့် ဧည့်ခံကျွေးမွေး ရာကျေးရွာသူ ကျေးရွာသားများ အစာအဆိပ်သင့်ပြီး အော့အန်မှုဖြစ်ပွား ခဲ့ကြောင်းသိရသည်။


အဆိုပါမင်္ဂလာဆောင် ဧည့်ခံပွဲသို့ လာရောက်ကြသော ဇီးကနားကျေး ရွာ၊ လျှော်ဖြူကုန်းကျေးရွာ တို့မှ ကလေး ကျား ၃၈ ဦး၊ မ ၃၂ ဦး၊ လူကြီးကျား ၄၀ ဦး၊ မ ၂၂ ဦး စုစုပေါင်း ၁၃၂ ဦး အစာအဆိပ်သင့် မှုဖြစ်ပွား ခဲ့ပြီး လျှော်ဖြူကုန်းကျေး ရွာ ဘုန်းတော်ကြီးကျောင်းတွင် ကျန်းမာရေး ဆေးခန်း ဖွင့်လှစ်၍ ချပ်သင်းတိုက်နယ်ဆရာဝန် ဒေါက်တာ ကျော်မျိုးအောင်နှင့် ကျန်းမာရေး ဝန်ထမ်း ၁၁ ဦး၊ကန့်ဘလူမြို့ ခုတင် ၁၀၀ ဆံ့ဆေး ရုံမှ လက်ထောက် ဆရာဝန်ဒေါက်တာ အုပ်စိုးလင်းနှင့် ကျန်းမာရေးဝန်ထမ်း ၅ ဦး တို့က လူနာများအား ကျန်းမာရေး ပြုစုစောင့်ရှောက်ပေးလျက်ရှိသည်။


ယင်းအစာအဆိပ်သင့်မှုဖြစ်ပွားရာသို့ ကန့်ဘလူ ခရိုင်စီမံခန့်ခွဲမှု ကော်မတီ ဥက္ကဌ ဦးသက်လွင်၊ မြို့နယ် စီ/ခန့် ဥက္ကဌ ဦးစိုးသန်း၊ မြို့နယ် ရဲတပ်ဖွဲ့မှူးရဲမှူး မိုးမြင့်ဇော် တို့ကအနီးကပ်ကြီးကြပ်၍ ကိုးထောင်ဘို့ ကျေးရွာ အုပ်စု အုပ်ချုပ်ရေးမှူးနှင့် အဖွဲ့ဝင်များ၊ ရဲကင်းစခန်းမှူးနှင့် တပ်ဖွဲဝင်များ၊ကျေးလက် ကျန်းမာရေး ဝန်ထမ်းများက ဝိုင်းဝန်း ကူညီဆောင်ရွက်ပေးခဲ့ရာ ညနေ ၅ နာရီတွင်တစ်ယောက်မကျန် ကျန်းမာရေးကောင်းမွန် လာသဖြင့် ၎င်းတို့လိုရာသို့ပြန်သွားကြပြီဖြစ်ကြောင်းနှင့်အစာ အဆိပ်သင့်မှုဖြစ် ပွားစေခဲ့သော ထမင်းဟင်းများကို ထုပ်ပိုးပြီး ကျန်းမာရေးဌာနမှ ဓာတုဗေဒဌာနသို့ ပို့အပ်ထင်မြင်ချက်တောင်းခံသွားမည်ဖြစ်ကြောင်း သိရသည်။

ယင်းသို့ဖြစ်ပွားရခြင်းမှာ ဧည့်ခံကျွေးမွေးသော ပဲပြုတ်သည် နှစ်ချို့ပဲများဖြစ်ပြီး တာရှည်ခံဆေးများ ဖြန်းထားပြီး ရေစင်အောင်မဆေးခြင်းကြောင့် လည်းကောင်း၊ ချဉ်ရည်ဟင်းတွင် ပါဝင် သော ချဉ်ပေါင်ရွက်၊ ဆလပ်ရွက်၊ ကန်ဇွနိးရွက်၊ရုံးပတေသီးများတွင် ဆေးဖြန်းမှုကြောင့် ရေပြောင်အောင်မဆေးသဖြင့်လည်းကောင်း အစာအဆိပ်သင့်မှုဖြစ်နိုင်ကြောင်း ဝိုင်းဝန်းပြုစုသူ တစ်ဦးက သုံးသပ်ပြောကြားသည်။

အောင်ဝင်းငြိမ်း(ကန့်ဘလူ ပြန်/ဆက်)
MOI Webportal Myanmar
https://www.facebook.com/MOIWebportalMyanmar/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ