မူဆယ်ခရိုင် (၁၀၅) မိုင်စခန်းဘက်မှာ တိုက်ပွဲဆက်တိုက်ဖြစ်

(၁၀၅) မိုင်ကုန်သွယ်ရေးဇုန်ကို ယာယီပိတ်ထား
ရှမ်းပြည်နယ်မြောက်ပိုင်း မူဆယ်ခရိုင်တလျောက် ကေအိုင်အေ၊ ရခိုင်တပ်မတော်၊ တအောင်းနဲ့ကိုးကန့်တပ်တွေပါဝင်တဲ့ မြောက်ပိုင်းမဟာမိတ် ညီနောင်များအဖွဲ့နဲ့ မြန်မာ့တပ်မတော်တို့ အကြား တနင်္ဂနွေနေ့ တိုက်ပွဲတွေအတွင်း လမ်းတံတား ပျက်စီးမှုတွေ အပါအဝင် လူသေဆုံးမှုနဲ့ ဒဏ်ရာရမှုတွေ ရှိနေပါတယ်။

မြန်မာ့တပ်မတော်ရဲ့ စစ်ရေးဖိအားပေးမှုတွေကြောင့် အခုလို တိုက်ရတာဖြစ်တယ်လို့ မြောက်ပိုင်းမဟာမိတ် ညီနောင်များအဖွဲ့က ကြေညာထားပါတယ်။

အများပြည်သူတွေ စစ်ဘေးရှောင်ရှားဖို့အတွက် ရှမ်းပြည်မြောက်ပိုင်း ခရီးသွားလာမှု ဆိုင်းငံ့ထားဖို့ကိုလည်း ဒီကြေညာချက်မှာ ဖော်ပြထားပါတယ်။

ရှမ်းပြည်မြောက်ပိုင်း၊ တရုတ်-မြန်မာနယ်စပ်ဒေသတခုဖြစ်တဲ့ မူဆယ်ခရိုင် အတွင်း မှာ ကနေ့မနက် (၃) နာရီခွဲလောက်ကစပြီး မုံးကိုး၊ မုံးပေါ်၊ ဖေါင်းဆိုင် နဲ့ကြူကုတ်(ပန်ဆိုင်း) ဘက်က အစိုးရစစ်တပ် တပ်စခန်း နဲ့ ရဲစခန်းတွေကို ဒေသတွင်းက ကချင်လွတ်လပ်ရေး တပ်မတော် (KIA) တပ်ဖွဲ့ဝင် တွေက နေရာခွဲပြီး ဖြန့်ကျက် တိုက်ခိုက်ခဲ့ပါတယ်။

နေရာတချို့မှာ မနက် (၆) နာရီဝန်းကျင်၊ နေရာတချို့မှာ (၇) နာရီ ဝန်းကျင် နဲ့နေရာတချို့မှာ (၉) နာရီကျော်ခန့်အထိ တိုက်ပွဲတွေဖြစ်ပွားခဲ့ပါတယ်။

တရုတ်-မြန်မာနယ်စပ် မူဆယ် (၁၀၅) မိုင်ကုန်သွယ်ရေးဇုန် ကိုတော့ တအောင်း-ပလောင် အမျိုးသား လွတ်မြောက်ရေးတပ်မတော် (TNLA) က အဓိက နေရာယူ တိုက်ခိုက်ခဲ့တာဖြစ်ပြီး KIA လဲ ပါဝင်တယ်လို့ဆိုကြပါတယ်။

မနက် (၆) နာရီလောက်မှာ တိုက်ခိုက်မှုဖြစ်ပွားခဲ့တဲ့ (၁၀၅) မိုင် ကုန်သွယ်ရေး ဇုန်မှာ ကုန်သည် (၂) ဦး၊ ရဲနဲ့ အကောက်ခွန်ဝန်ထမ်း တချို့ အပါ လူတော်တော်များများ သေနတ်ထိမှန် ဒဏ်ရာရ ခဲ့ပြီး သေဆုံးမှုတွေ ရှိခဲ့ကြောင်း ဒေသခံတွေ ဘက်က သတင်းရရှိ ပါတယ်။

ဒါကြောင့် (၁၀၅) မိုင်ကုန်သွယ်ရေးဇုန်ကို ယာယီပိတ် ထားရကြောင်း သိရပါတယ်။

ရှမ်းမြောက်-မူဆယ်ခရိုင်အတွင်းက ကနေ့ဖြစ်ပေါ်ခဲ့တဲ့ တိုက်ပွဲတွေအတွင်း စုစုပေါင်း (၂) ဦး သေဆုံးကာ ထိခိုက်ဒဏ်ရာရသူပေါင်း (၂၀)ကျော် ရှိခဲ့ရာ ဒဏ်ရာရသူတွေကို မူဆယ်ဆေးရုံကြီးမှာ တင်ထားရကြောင်း နောက်ဆုံးသိရှိရပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ