ဒေါ်အောင်ဆန်းစုကြည် နဲ့ ကန်-အာဆီယံ စီးပွားရေးကောင်စီအဖွဲ့ တွေ့ဆုံ

အမေရိကန်-အာဆီယံ စီးပွားရေးကောင်စီ ဥက္ကဋ္ဌနှင့် ဒေါ်အောင်ဆန်းစုကြည်
နိုင်ငံခြားရေးဝန်ကြီး ဒေါ်အောင်ဆန်းစုကြည် က ဒီနေ့မနက်ပိုင်း ၁၀း၀၀နာရီ အချိန်က နိုင်ငံခြားရေးဝန်ကြီးဌာန ၊ ပြည်ထောင်စုဝန်ကြီး ဧည့်ခန်းမမှာ အမေရိကန်-အာဆီယံ စီးပွားရေးကောင်စီကိုယ်စားလှယ်အဖွဲ့နဲ့ တွေ့ဆုံ ပါတယ် ။အဲဒီလိုတွေ့ဆုံချိန်အတွင်း မြန်မာနိုင်ငံမှာ ရင်းနှီးမြုပ်နှံမှုများပြုလုပ်မည့် အခြေအနေတွေကို အမြင်ဖလှယ် ဆွေးနွေး ခဲ့ကြတယ်လို့ နိုင်ငံခြားရေးဝန်ကြီးဌာနရဲ့ထုတ်ပြန်ချက်မှာ ဖော်ပြထားပါတယ်။

အမေရိကန်ပြည်ထောင်စုက စီးပွားရေးလုပ်ငန်းတွေ မြန်မာနိုင်ငံမှာလာပြီး ရင်းနှီးမြုပ်နှံကြဖို့ ဒေါ်အောင်ဆန်းစုကြည် က ဖိတ်ခေါ်ခဲ့တဲ့အပြင် အစိုးရသစ်လက်ထက်တွင် ဆောင်ရွက်နေတဲ့ မူဝါဒတွေ၊ စီးပွားရေးဖွံ့ဖြိုးတိုးတက်မှုဆိုင်ရာ ကိစ္စရပ်တွေအပေါ် မူဘောင်ချမှတ် အကောင်အထည်ဖော်ဆောင်ရွက်နေတာတွေကို ရှင်းလင်းပြောကြားခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

အဲဒီကိုယ်စားလှယ်အဖွဲ့ကို အမေရိကန်-အာဆီယံ စီးပွားရေးကောင်စီ ဥက္ကဋ္ဌနှင့် အမှုဆောင်အရာရှိချုပ်ဖြစ်တဲ့ မစ္စတာအလက်ဇန္ဒားဖဲလ်မင်းက ဦးဆောင်ပြီး အမေရိကန်စီးပွားရေးလုပ်ငန်းကြီးများဖြစ်သည့် American International Group( AIG) ၊ CITI Group၊ Coca-Cola၊ Exxon Mobile ၊ General Electronic (GE)၊ Jhpiego၊ Elanco နှင့် Master Card တို့က အကြီးအကဲတွေ တာဝန်ရှိပုဂ္ဂိုလ်တွေ ပါဝင်ပါတယ်။ ဒါ့အပြင် မြန်မာနိုင်ငံဆိုင်ရာအမေရိကန်သံအမတ်ကြီး Scot Marciel လည်းဒီတွေ့ဆုံဆွေးနွေးပွဲမှာ ပါရှိပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ