ပဲခူးတိုင်း ဖြူးမြို့ နယ် ပိန္နဲခုံကျေးရွာမှာ ဇနီးဖြစ်သူအား လင်ယောက်ကျားမှ ထင်းခုတ်ဓါးမဖြင့် ခုတ်သတ်မှု နိုဝင်ဘာလ ၁၇ ရက်နေ့ နေ့ လည် ၂ နာရီခွဲ ခန့် က ဖြစ်ပွားခဲ့ကြောင်း သတင်းရရှိပါသည်။
ဖြစ်စဉ်မှာ ဖြူးမြို့ မ ရဲစခန်း၏ အနောက်တောင်ဘက် (၃)မိုင်ခန့်အကွာရှိ ပိန္နဲခုံကျေးရွာ၌ ထိုနေ့မနက်က တောင်ပေါ်သို့ ထင်းခုတ်ထွက်သွားသော လင်ယောက်ကျားဖြစ်သူ (တရားခံ)မင်းမင်းစိုး(၂၅)နှစ်၊ ပိန္နဲခုံကျေးရွာ ခင်တန်းကြီးကျေးရွာအုပ်စု ဖြူးမြို့နယ်နေသူသည် တောင်ပေါ်မှ နေအိမ်သို့ပြန်ရောက်ချိန်၌ ဇနီးဖြစ်သူမှာလင်ယောက်ကျားကို ဂရုမစိုက်ဘဲ ဖုန်းပြောနေသည့်အပြင် နင့်ကိုမပေါင်းနိုင်ဘူး ကွာမယ်ဟုပြောသဖြင့် ဒေါသမထိန်းနိုင်ဘဲ ထင်းခုတ်ရာတွင် အသုံးပြုသော ဓါးမဖြင့် အိမ်နောက်ဖေးခြံစည်းရိုးအနီး၌ အရိုးအသွား(၁၈)လက်မခန့်ရှိ ဓါးဖြင့်ခုတ်ခဲ့သောကြောင့် ဇနီးဖြစ်သူ အေးအေးအောင်(၂၄)နှစ်တွင် ဝဲရင်ညွန့်ပြတ်ရှဒဏ်ရာ(၁)ချက်၊ လည်ဂုတ်ပြတ်ရှဒဏ်ရာ(၁)ချက်၊ ယာနားထင်နားရွက်အလယ်ပြတ်ရှဒဏ်ရာ(၁)ချက်၊ ဝဲမျက်လုံးအောက်ပြတ်ရှဒဏ်ရာ(၁)ချက် ရရှိကာ အဆိုပါနေရာ၌ပင် သေဆုံးခဲ့ပါသည်။
အမှုဖြစ်စဉ်အား လေ့လာကြည့်ရာတွင် တောင်ပေါ် သို့ ထင်းခွေသွားရာမှ မောမောနှင့် ပြန်လာသော လင်ယောက်ကျားဖြစ်သူကို ဂရုမစိုက်ပဲဖုန်းပြောနေသည့်အပြင် ကွာရှင်းမည်ဟုပြောဆိုနေသဖြင့် ရုတ်တရက်ဖြစ်ပေါ်လာသော ဒေါသစိတ်ကို ထိန်းချုပ်နိုင်ခြင်း မရှိပဲ ပြစ်မှု ကျူးလွန်ခဲ့ခြင်းဖြစ်ကြောင်း သုံးသပ်ရရှိပါသည်။
မှုခင်းဖြစ်စဉ်သတင်းကို ရရှိလျှင်ရရှိခြင်း ဖြူးမြို့နယ် ရဲတပ်ဖွဲ့မှူးရဲမှူးစံဝေ၏ အနီးကပ်ကြီးကြပ်မှုဖြင့် ဖြူးမြို့မရဲစခန်းမှူးဒုရဲမှူးစံလှနှင့်တပ်ဖွဲ့ဝင်များမှ အခင်းဖြစ်အရပ်သို့ အချိန်နှင့်တစ်ပြေးညီသွားရောက်ခဲ့ပြီး ပြစ်မှုကျူးလွန်သူကို သက်သေခံပစ္စည်းနှင့်အတူ ကောင်းမွန်ဖမ်းဆီးရမိခဲ့ပြီး ရဲလုပ်ငန်းပိုင်းဆိုင်ရာများကို ဆက်လက်ဆောင်ရွက်လျက်ရှိ ကြောင်း ဖြူးမြို့ နယ် ရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။
BY သစ်ထူးလွင်
ဇနီးဖြစ်သူကို လင်ယောက်ကျားမှ ဓားဖြင့် ခုတ်သူမှုဖြစ်ပွား
Reviewed by THITHTOOLWIN
on
21:28
Rating:
Reviewed by THITHTOOLWIN
on
21:28
Rating:
