ဗြိတိန်ဝန်ကြီးချုပ်သစ်ရဲ့ အိန္ဒိယခရီးစဉ်

ဗြိတိသျှဝန်ကြီးချုပ် Theresa May
ဗြိတိသျှဝန်ကြီးချုပ် Theresa May ဟာ ဥရောပသမဂ္ဂပြင်ပ နှစ်နိုင်ငံဆက်ဆံရေးဆိုင်ရာ ပထမဆုံးခရီးစဉ်အဖြစ် အိန္ဒိယနုိုင်ငံမှာ ဒီကနေ့ရောက်နေပါတယ်။ ဥရောပသမဂ္ဂ EU ထဲကနေ ဗြိတိန်နိုင်ငံထွက်ပြီးတဲ့နောက် ကမ္ဘာမှာ အမြန်ဆုံးကြီးထွားလာနေတဲ့ စီးပွားရေးအင်အားကြီး အိန္ဒိယနိုင်ငံနဲ့ ခိုင်မာအားကောင်းတဲ့ ကုန်သွယ်ဆက်ဆံရေး တည်ဆောက်ရေး အခြေခံတွေ ချမှတ်ဖို့ သွားတဲ့ခရီးစဉ်ဖြစ်ပါတယ်။

ဒါပေမဲ့ ဗြိတိန်နိုင်ငံရဲ့ ပြည်ဝင်ခွင့် ဗီဇာ စည်းကမ်းတွေ ပိုပြီး တင်းကျပ်ထားတဲ့အပေါ် အိန္ဒိယက ဖိအားပေး ပြောဆိုဖို့လည်းရှိပါ တယ်။ အဲဒီဗီဇာဆိုင်ရာ သတ်မှတ်ချက်တွေကြောင့် ဗြိတိသျှတက္ကသိုလ်တွေမှာ ကျောင်းသွားတက်တဲ့ အိန္ဒိယကျောင်းသား အရေ အတွက် လျော့ကျသွားသလို ဗြိတိန်မှာ အလုပ်လုပ်နေတဲ့ အိန္ဒိယပညာရှင်တွေအပေါ်မှာလည်း သက်ရောက်မှုရှိနိုင်တာပါ။

ဒီခရီးစဉ်ဟာ EU ထဲကနေ ဗြိတိန်နိုင်ငံထွက်ပြီးနောက်ပိုင်း ကမ္ဘာတ၀န်းက နိုင်ငံတွေနဲ့ ပိုပြီးခိုင်မာတဲ့ ဆက်ဆံရေး တည်ဆောက် ဖို့ဖြစ်တယ်လို့ ခရီးစဉ်မတိုင်ခင်မှာ ဗြိတိသျှဝန်ကြီးချုပ်က ပြောထားပါတယ်။

ပိုပြီးတင်းကျပ်တဲ့ လူဝင်မှုဆိုင်ရာ မူဝါဒတွေဟာ ပိုပြီးခိုင်မာတဲ့ စီးပွားရေးမိတ်ဘက်တွေ တည်ဆောက်ဖို့ ကြိုးပမ်းတာမှာ ဘယ်လို သက်ရောက်မယ်ဆိုတာကို အခုခရီးစဉ်က စမ်းသပ် ပြသလိမ့်မယ်လို့ နယူးဒေလီမြို့တော်အခြေစိုက် လေ့လာသူတွေက ပြောပါ တယ်။ အိန္ဒိယအနေနဲ့ ဗြိတိန်နိုင်ငံနဲ့ ကုန်သွယ်ဆက်ဆံရေး တိုးချဲ့လိုတာနဲ့အတူ အိန္ဒိယကျောင်းသားတွေနဲ့ ကျွမ်းကျင်လုပ်သား တွေ လွယ်လွယ်ကူကူ ၀င်ထွက်သွားလာခွင့်ကိုလည်း ရချင်တာပါ။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ