ရွှေမောင် သို့မဟုတ် ပြည်ခိုင်ဖြိုး ပြည်ပြေးအမတ်တဦး၏ ကောက်ကြောင်း

ရခိုင်ပြည်နယ်၊ မြောက်ပိုင်းဒေသ၊ မောင်တောနှင့် ရသေ့တောင်တို့တွင်ဖြစ်ပေါ်ခဲ့သည့် အကြမ်းဖက်မှု များနှင့်အတူ ဦးရွှေမောင်၏ အခြေအမြစ်မရှိ စွပ်စွဲပုတ်ခတ်မှုများကလည်း မီဒီယာ စာမျက်နှာများပေါ်သို့ တကျော့ပြန်တက်လာခဲ့သည်။ မောင်တောတွင်ဖြစ်ပေါ်ခဲ့သည့် မီးရှို့ဖျက်ဆီးမှုများမှာ မြန်မာ့တပ်မတော် နယ်ခြားစောင့်တပ်အပါအ၀င် ရခိုင်လူငယ်များပူးပေါင်းကာ ကျူးလွန်ခဲ့ကြခြင်းဖြစ်ကြောင်း ဦးရွှေမောင်က စွပ်စွဲခဲ့သည်။ ထို့အပြင်ဘင်္ဂါလီအမျိုးသမီးများကို မုဒိမ်းကျင့်ကြောင်း၊ ကလေးသူငယ်များကို သတ်ဖြတ်နေ ကြောင်းလည်း စွပ်စွဲခဲ့သည်။ ၂၀၁၄ ခုနှစ် ဇန်န၀ါရီလတွင် ဖြစ်ပွားခဲ့သည့် ဒုချီယားတန်းပဋိပက္ခ တွင်လည်း ထိုသို့ စွပ်စွဲခဲ့ဖူးသည်။

ဦးရွှေမောင်မှာ မြန်မာ့နိုင်ငံရေးနှင့် စိမ်းသူတဦးတော့ မဟုတ်။ ဦးရွှေမောင်ဟုဆိုလိုက်လျှင် နိုင်ငံရေး စိတ်ဝင်စားသူတိုင်းကသိကြသည်။ ဘင်္ဂါလီလူမျိုး၊ နိုင်ငံ သားပြစ်မှုဆိုင်ရာ အငြင်းပွားဖွယ်ရာ အချက်အလက် များဖြင့် ပြည့်နှက်နေသူတဦးပင် ဖြစ်သော်လည်း ပြည်ခိုင်ဖြိုးပါတီနှင့် တွဲမြင်ကြသည်။ ၂၀၁၀ ရွေးကောက်ပွဲ တွင် ပြည်ခိုင်ဖြိုးပါတီမှ ၀င်ရောက်ယှဉ်ပြိုင်ပြီး အနိုင်ရ အမတ်ဖြစ်လာသူ ဘင်္ဂါလီသုံးဦးအနက် ဦးရွှေမောင် မှာတဦးဖြစ်သည်။ ပြည်ခိုင်ဖြိုးပါတီ၏ မောင်တောမြို့နယ်၊ ပြည်သူ့လွှတ်တော်အမတ်ဖြစ်ခဲ့သည့် ဦးရွှေမောင်မှာ လက်ရှိအမေရိကန်ပြည်ထောင်စု ၀ါရှင်တန်ဒီစီတွင် နေထိုင်လျက်ရှိကြောင်းသိရသည်။ ပြည်ခိုင်ဖြိုးပါတီ၏ ပြည်ပရောက် အမတ်ဟောင်းတဦးဟု ဆိုနိုင်သည်။

၂၀၁၂ ခုနှစ် ရခိုင်ပြည်နယ် ပဋိပက္ခအလွန်တွင် အမျိုး၊ ဘာသာ၊ သာသနာခေါင်းစဉ်အောက်က လှုပ်ရှားသည့်ပုဂ္ဂိုလ်၊ အဖွဲ့အစည်းများပေါ်ထွက်ခဲ့သည်။ ထိုပုဂ္ဂိုလ်၊ အဖွဲ့အစည်းများအပေါ် ပြည်ခိုင်ဖြိုးအစိုးရက သိသိသာသာအလေးပေးဆက်ဆံသည့် အနေအထားရှိခဲ့သည်။ ထိုပုဂ္ဂိုလ်၊ အဖွဲ့အစည်းများသည်လူမျိုးရေး၊ ဘာသာရေးပဋိပက္ခများတွင် ထိန်းထိန်းသိမ်းသိမ်းပြောဆိုလုပ်ကိုင်ခဲ့သည့် NLD အပေါ် အမျိုးသားရေးစိတ်ဓာတ်မရှိသည့် ပါတီတခုအဖြစ် စွပ်စွဲပုတ်ခတ်ခဲ့ကြပြီး ပြည်ခိုင်ဖြိုးကို ထောက်ခံအားပေးရန် တိုက်တွန်းခဲ့ကြသည်။ တဖက်တွင် ဦးရွှေမောင်တို့လို နိုင်ငံသားဟုတ်၊ မဟုတ်ပင် အတည်မပြုနိုင်သည့် ပုဂ္ဂိုလ်များ လွှတ်တော်ထဲရောက်နေခြင်းက ထိုပုဂ္ဂိုလ်၊ အဖွဲ့အစည်းများအတွက် စိတ်ပျက်ဖွယ်ရာ အကောင်းဆုံးအချက်အဖြစ်ရှိနေခဲ့သည်။ ၂၀၁၅ ရွေးကောက်ပွဲနီးလာချိန်တွင် ၂၀၁၀ တုန်းက အခြေအနေမျိုးကို ပြန်လည်ရရှိနိုင်ရန် ကြိုးပမ်းခဲ့သော်လည်း ဦးရွှေမောင်အနေဖြင့် လက်လွှတ်ခဲ့ရသည်။ ကိုယ်စားလှယ်လောင်းအဖြစ် မိခင်ပြည်ခိုင်ဖြိုး၏ ငြင်းဆန်ပယ်ချခြင်းကို ခံခဲ့ရခြင်းက ဦးရွှေမောင်အတွက် များစွာဒေါသထွက်စရာ ဖြစ်ခဲ့သည်။

သို့သော် ဦးရွှေမောင်သည် လွှတ်တော်ကိုယ်စားလှယ်လောင်း အိပ်မက်ကိုမူ ဆက်လက်မက်နေခဲ့သည်။ တစ်သီးပုဂ္ဂလကိုယ်စား လှယ်အဖြစ် ၀င်ရောက်ယှဉ်ပြိုင်ရန် ပြင်ဆင်ခဲ့သည်။ ထိုပြင်ဆင်မှုတွင်လည်း ကံကြမ္မာက ဦးရွှေမောင်ဘက်တွင် မရှိခဲ့။ ဘူးသီးတောင်မြို့နယ်၊ ပြည်သူ့လွှတ်တော်မဲဆန္ဒနယ်မှ ၀င်ရောက်ယှဉ်ပြိုင်ရန် ဦးရွှေမောင်၏ ကိုယ်စားလှယ်လောင်းအမည်စာရင်း တင်သွင်းမှုကို ရခိုင်အမျိုးသားပါတီ(ANP) မှ ပြည်သူ့လွှတ်တော်ကိုယ်စားလှယ်လောင်း ဦးအောင်သောင်းရွှေက ကန့်ကွက်လွှာတင်ခဲ့သည်။ မောင်တောခရိုင်ရွေးကောက်ပွဲကော်မရှင်က နှစ်ဖက်တင်ပြသည့် အထောက်အထားများကို စိစစ်ခဲ့ပြီး ၂၀၁၅ ခုနှစ် သြဂုတ် ၂၂ တွင် ဦးရွှေမောင်၏ အမည်စာရင်းတင်သွင်းမှုကို ပယ်ဖျက်ခဲ့သည်။ ဦးရွှေမောင်သည် ပြည်နယ်ရွေးကောက်ပွဲကော်မရှင်သို့ အယူခံဝင်ခဲ့ပြီး စက်တင်ဘာ ၂ ရက်တွင် ပြည်နယ်ကော်မရှင်က ဆက်လက်ပယ်ချခဲ့သည်။ တိုင်းဒေသကြီး သို့မဟုတ် ပြည်နယ်ကော်မရှင်၏ အဆုံးအဖြတ်မှာ နောက်ဆုံးဖြစ်သည့်အတွက် ဦးရွှေမောင်၏ကိုယ်စားလှယ်လောင်းအိပ်မက်မှာလည်း နိဂုံးချုပ်သွားခဲ့သည်။

ခရိုင်နှင့်ပြည်နယ်ကော်မရှင်တို့က အတည်ပြုခဲ့သည့် ဦးအောင်သောင်းရွှေ၏ ကန့်ကွက်လွှာတွင် ဦးရွှေမောင် (ခ) အဒူရော်ဇာတ်၏ ဘိုးဘွားများနှင့် မိဘနှစ်ပါးစလုံးသည် နိုင်ငံသားဖြစ်သည်ဟု ခိုင်မာသည့် အထောက်အထားမရှိကြောင်း၊ ဦးရွှေမောင် (ခ) အဒူရော်ဇာတ်၏ မိဘနှစ်ပါးစလုံးနှင့် ညီအစ်ကိုမောင်နှမများအားလုံး၏ မူလအိမ်ထောင်စုစာရင်းပုံစံ ၆၆/၆ အမှတ်သည် (၁၇၅)ဖြစ်၍ ၂၃-၅-၁၉၉၈ နေ့ကရရှိခဲ့ပြီး အိမ်ထောင်စုစာရင်းဝင်အားလုံးသည် ဘင်္ဂါလီလူမျိုးများသာဖြစ်ကြောင်း၊ ၁၉၈၂ ခုနှစ် မြန်မာနိုင်ငံ သားဥပဒေပုဒ်မ (၂)၊ ပုဒ်မခွဲ (င)၏ အနက်အဓိပ္ပာယ်ဖွင့်ဆိုချက်အရ နိုင်ငံခြားသားသာလျှင် ဖြစ်ကြောင်း၊ ၎င်းဥပဒေပုဒ်မ ၇၂ အရ မည် သည့်နိုင်ငံခြားသားမျှနိုင်ငံသားပြုခွင့်ရရန် လျှောက်ထားခွင့်မရှိစေရဟု ပြဋ္ဌာန်းထားကြောင်း၊ ဦးရွှေမောင်(ခ) အဒူရော်ဇာတ်သည် ၁၉၉၁ နောက်ပိုင်း ရန်ကုန်မြို့သို့ ပြောင်းရွှေ့ နေထိုင်ခဲ့ပြီး နိုင်ငံသားစိစစ်ရေးကတ်ပြား ၁၂/ ပဇတ(နိုင်)၀၃၆၃၀၆ ကို ကိုင်ဆောင်ထားသည်ကို တွေ့ရကြောင်း၊ သို့သော် ဘူးသီးတောင်မှ ရန်ကုန်မြို့သို့ ပြောင်းရွှေ့ရာတွင် ပုံစံ(၁၀)ဖြင့် တရားဝင်ပြောင်းရွှေ့ ထားခြင်း မရှိကြောင်း၊ ဦးရွှေမောင်(ခ) အဒူရော်ဇာတ်ရရှိထားသော နိုင်ငံသား စိစစ်ရေးကတ်ပြားမှာ မမှန်ကန်သောနည်းလမ်းများဖြင့် ရယူထားခြင်းဖြစ်ကြောင်း၊ ၂၀၁၀ ရွေးကောက်ပွဲတွင် ပြည်သူ့လွှတ်တော်ကိုယ်စား လှယ်လောင်းအမည်စာရင်းတင်သွင်းရန် ပုဇွန်တောင်မြို့နယ် လ၀ကရုံးမှ ၂၃-၈-၂၀၁၀ ရက်စွဲဖြင့် ပုံစံ(၁၀) ထုတ်ယူလာပြီး ၂၅-၈-၂၀၁၀ နေ့တွင် ဘူးသီးတောင်မြို့၊ မြို့မရပ်ကွက် အိမ်ထောင်စု စာရင်းပုံစံ ၆၆/၆ ဖြင့် အမှတ်(၃၁၀)တွင် ၀င်ရောက်နေထိုင်လျက်ရှိကြောင်း၊ ပြည်သူ့လွှတ်တော်ကိုယ်စားလှယ်လောင်းအဖြစ် လျှောက်ထားရာတွင် လူမျိုးအမည်ကို ဘင်္ဂါလီ-ကမန်- ရခိုင်ဟု ဖော်ပြ လျှောက်ထားခဲ့ကြောင်း၊ သို့ရာတွင် ဘူးသီးတောင်မြို့နယ်သို့ ပြောင်းရွှေ့လာစဉ်က ပုံစံ(၁၀)တွင် ဘင်္ဂါလီ-ကမန်-ရခိုင်-ဗမာဟု လူမျိုးအမည်ဖော်ပြထားသည်ကို တွေ့ရပါကြောင်း၊ ထို့ကြောင့် လူမျိုး အမည်အမျိုးမျိုးကွဲပြားစွာဖော်ပြထားကြောင်း၊ ထို့ကြောင့် ဦးရွှေမောင်သည် ပြည်ထောင်စုသမ္မတ မြန်မာနိုင်ငံတော်ဖွဲ့စည်းပုံအခြေခံ ဥပဒေပုဒ်မ ၁၂၀(ခ)၊ ၁၅၂(ခ)နှင့် ပုဒ်မ ၆၉(က)၊ ပြည်သူ့လွှတ် တော်ရွေးကောက်ပွဲဥပဒေပုဒ်မ ၁၀(င)၊ အမျိုးသားလွှတ်တော်ရွေးကောက်ပွဲဥပဒေပုဒ်မ ၁၈(င)၊ တိုင်းဒေသကြီး သို့မဟုတ် ပြည်နယ်ရွေးကောက်ပွဲဥပဒေပုဒ်မ ၁၈(င)ပါ ပြဋ္ဌာန်းချက်များအရ ရွေးချယ်ခံရန် အရည်အချင်းနှင့်ပြည့်မီသူမဟုတ်၍ ၎င်းအား လိုအပ်သလို အရေးယူဆောင်ရွက်နိုင်ရန်နှင့် ပြည်သူ့လွှတ်တော် ကိုယ်စားလှယ်လောင်းအဖြစ် အမည်စာရင်းတင်သွင်းခြင်းကို ပယ်ဖျက်ပေးပါရန်ဟူ၍ ပါရှိခဲ့သည်။ ဖော်ပြပါအချက်အလက်များအရဆိုလျှင် ဦးရွှေမောင်မှာ နိုင်ငံခြားသားတဦးသာဖြစ်သည်။ နိုင်ငံခြားသားလွှတ်တော် အမတ်ဖြစ်ခွင့်ရသည့်နိုင်ငံဟူ၍ ကမ္ဘာတွင် မြန်မာတနိုင်ငံတည်းသာ ရှိပေလိမ့်မည်။ အမြော်အမြင်မဲ့လွန်းသည့် ပြည်ခိုင်ဖြိုးပါတီ၏ဆောင်ရွက်ချက် များကြောင့် နိုင်ငံခြားသားများမဲပေးခွင့်၊ လွှတ်တော်အမတ်ဖြစ်ခွင့်ရခဲ့ကြပြီး တိုင်းပြည်အတွက် ရှုပ်ထွေးမှုများကို ဖြစ်စေခဲ့သည်။

လွှတ်တော်အမတ်တဦးဖြစ်ခဲ့သော်လည်း ဦးရွှေမောင်မှာ တိုင်းပြည် ၏ပုံရိပ်ကို ထိခိုက်ကျဆင်းအောင် လုပ်ဆောင်ခဲ့သူတဦးသာ ဖြစ်သည်။ ၂၀၁၄ ခုနှစ် ဇန်န၀ါရီ ၂၈ ရက်တွင် ဒုချီးရားတန်း(အနောက်)ရွာ မီးလောင်မှုဖြစ်ပွားခဲ့သည်။ ပြည်တွင်းသတင်းဌာနတချို့အပါအ၀င် ဘင်္ဂါလီဝက်ဆိုဒ်များ၊ ပြည်ပသတင်းဌာနများမှ ဘင်္ဂါလီများပေးပို့သည့် တဖက်သတ် အချက်အလက်များအပေါ်အခြေခံကာ မီးလောင်ကျွမ်းမှုတရားခံအဖြစ် ရဲတပ်ဖွဲ့ကိုစွပ်စွဲခဲ့ကြသည်။ လွှတ်တော်အမတ်ဖြစ်သည့် ဦးရွှေမောင်ကလည်း ရဲတပ်ဖွဲ့ကိုပင် စွပ်စွဲခဲ့သည်။

''ရဲက ထိန်းချုပ်ထားတဲ့အတွက် အပြင်လူဝင်လာနိုင်စရာအကြောင်းမရှိဘူး။ အပြင်လူဝင်ပြီးမှ မီးရှို့ရင်လည်း ဒါကို ရဲက မိမှာပေါ့။ ဒါကတချက်။ နောက်တချက်က အဲဒီအနီးပတ်ဝန်းကျင်ကလူတွေက ကျွန်တော့်ကို ဖုန်းဖြင့် သေချာခိုင်မာတိကျစွာ သတင်းပို့တာကတော့ အဲဒီရဲတွေကိုယ်တိုင် မီးရှို့နေတာကို သူတို့ကိုယ်တိုင်မြင်တယ်တဲ့။ ဒါက ဒီသတင်းစာရှင်းပွဲရှိလို့ တိုက်ဆိုင်ပြီးမှ လုပ်နေတာလို့ သုံးသပ်မလား။ သို့မဟုတ် ကျွန်တော်ပြောတဲ့ဟာကိုလည်း သုံးသပ်ပြီးမှ ဒါဖြစ်နိုင်ခြေရှိတဲ့ ဒီလုံခြုံရေးယူထားတဲ့ ရဲတပ်ဖွဲ့ဝင်တွေ သူတို့ကိုယ်တိုင် မရှို့ရင်တောင်မှ သူတို့ရဲ့ပေါ့ဆမှု။ မဟုတ်ရင် သူတို့ ပူးပေါင်းဆောင်ရွက်မှု။ သို့မဟုတ် အခြားရွာအပြင်ကလာတဲ့သူတွေကိုမှ သူတို့က မသိသလိုနေပြီးတော့ မီးရှို့မှုတွေဖြစ်သွားပြီးတော့ ပြဿနာကို ရှုပ်သထက်ရှုပ်ထွေးအောင် ဖန်တီးတာပဲလို့။ ကျွန်တော် အဲလိုပဲပြောချင်တယ်”ဟူ၍ ၎င်းက DVB သို့ ဇန်န၀ါရီ ၂၉ ရက်တွင် ပြောဆိုခဲ့သည်။

ပြည်ထောင်စုအဆင့် ဥပဒေပြုလွှတ်တော်အမတ်တဦးဖြစ်သည့် ဦးရွှေမောင်၏ ထိုပြောဆိုချက်က မြန်မာ့နိုင်ငံရေးလောကကို ပြင်းထန်စွာ ဂယက်ထသွားစေခဲ့သည်။ နောက်ပိုင်းတွင် ထိုသတင်းကို ဦးရွှေမောင်က ငြင်းဆိုခဲ့သည်။ ၎င်းပြောသမျှ အကုန်မထည့်ဘဲ ဖြတ်၊ ညှပ်၊ ကပ်လုပ်၍ လိုရာဆွဲထုတ် လွှင့်ခဲ့ခြင်းဖြစ်သည်ဟု ဆိုခဲ့သည်။ ထိုသို့ငြင်းဆိုချက် ထွက်ပေါ်လာပြီး နောက်တွင် ဦးရွှေမောင်၏ပြောဆိုချက် အပြည့်အစုံကို DVB က ပြန်လည်ထုတ်လွှင့်ခဲ့သည်။ လိမ်ညာငြင်းဆိုချက်မှာ ဘူးပေါ်သလိုပေါ်ခဲ့ပြီး ဦးရွှေမောင်အတွက် အရှက်ရစရာဖြစ်ခဲ့သည်။ ထိုအခြေအမြစ်မဲ့ စွပ်စွဲပြောဆိုချက်နှင့် ပတ်သက်ပြီး အရေးယူပေးရန် သမ္မတဦးသိန်းစိန်က ပြည်သူ့လွှတ်တော်ဥက္ကဋ္ဌဖြစ်သည့် သူရဦးရွှေမန်းထံသို့ စာရေးသားပေးပို့ခဲ့သည်။ သူရဦးရွှေမန်းက ဦးရွှေမောင်ကို ၂ ကြိမ်ခေါ်ယူတွေ့ဆုံခဲ့ပြီး လိုအပ်သည့် ညွှန်ကြားချက်များပေးခဲ့သည်ဟုဆိုသည်။ သို့သော် ပြည်ခိုင်ဖြိုးနှင့် စစ်သားအမတ်များ အုပ်စိုးထားသည့် လွှတ်တော်က မည်သည့် အရေးယူဆောင်ရွက်မှုမှမရှိခဲ့။ ပထမအကြိမ်သက်တမ်းကုန်သည်အထိ ဦးရွှေမောင် မှာ လွှတ်တော်အမတ်ဖြစ်နေခဲ့သည်။ အဆိုပါ မီးလောင်မှုနှင့်ပတ်သက်ပြီး ၂၀၁၄ ခုနှစ် မတ် ၁၁ ရက်စွဲဖြင့် ထုတ်ပြန်ခဲ့သည့် ဒုချီးယားတန်း စုံစမ်းစစ်ဆေးရေးကော်မရှင်၏ ထုတ်ပြန်ချက်အပိုဒ်(၆)တွင် ''ဒုချီးယားတန်း အနောက်ကျေးရွာတွင် မီးလောင်ကျွမ်းမှုသည် ပထမမီးလောင်သည့်နေအိမ်တွင် နေအိမ်နှင့်ခြံစည်းရိုး တပြိုင်တည်းလောင်ကျွမ်းခဲ့ခြင်း၊ ပထမမီးလောင်သောနေအိမ်နှင့် ဒုတိယမီးလောင်သောနေအိမ်တို့သည် အကွာအဝေးအားဖြင့် ကိုက် ၂၀၀ ခန့်ကွာဝေးသဖြင့် သာမန်မတော်တဆမီးထက် ရှို့မီးသာပို၍ဖြစ်နိုင်ခြေ ရှိကြောင်း”သုံးသပ်ရပါသည်။ မီးလောင်နေစဉ် ရဲတပ်ဖွဲ့ဝင်များနှင့် အုပ်ချုပ်ရေးတာဝန်ရှိသူများက သွားရောက် ကူညီငြှိမ်းသတ်ပေးသည်ကို ဓာတ်ပုံမှတ်တမ်းများအရ သိရပါသည်။ သို့ဖြစ်ပါ၍ ဒုချီးယားတန်းအနောက် ကျေးရွာ မီးလောင်မှုသည် ရဲတပ်ဖွဲ့ဝင်များ၏ပယောဂထက် နိုင်ငံရေးရည်ရွယ်ချက်တရပ်ဖြင့် တိုက်ခိုက်လို သည့်အဖွဲ့အစည်းတခု၏ ပြုလုပ်ခြင်းဖြစ်နိုင်ပါသည်ဟု ဖော်ပြပါရှိခဲ့သည်။

အောက်တိုဘာ ၉ ရက်နေ့က စတင်ဖြစ်ပွားခဲ့ပြီး လက်ရှိအချိန်ထိ ပုံမှန်အခြေအနေသို့ ပြန်လည်မရောက်ရှိသေး သည့် မောင်တောအကြမ်းဖက်မှုတွင်လည်း ဦးရွှေမောင်၏ စွပ်စွဲချက်ထွက်ပေါ်လာပြန်သည်။ ဒုချီးယားတန်း ဖြစ်စဉ်က စွပ်စွဲချက်များနှင့် ဆင်တူသည်။ မောင်တောက ဘင်္ဂါလီများပေးပို့သည့် အချက်အလက်များအပေါ် အခြေပြုထားသည်ကို တွေ့ရသည်။

''မောင်တောမှာ အောက်တိုဘာ ၉ ရက်နေ့ဖြစ်စဉ်ဖြစ်တဲ့ နောက်ပိုင်းက စပြီးတော့ မြန်မာ့တပ်မတော်၊ နယ်ခြားစောင့်ရဲအပါအ၀င် ရခိုင်လူငယ်တွေကပါ ပူးပေါင်းပြီးတော့ အဲဒီဒေသမှာရှိတဲ့ ရိုဟင်ဂျာအမျိုး သမီးတွေကို မုဒိမ်းကျင့်တယ်။ ရိုဟင်ဂျာရွာတွေကို မီးရှို့တယ်။ ကလေး သူငယ်တွေကို သတ်ဖြတ်တယ်။ ကဲ ဒီအောက်တိုဘာ ၁၀ ရက်နေ့ကနေ စပြီးမှ ဒီနေ့ မနေ့အထိ ကျွန်တော့်ဆီကို တောက်လျှောက်ဖုန်းတွေလာ တယ်။ သူတို့ ဓာတ်ပုံတွေပို့ပေးတယ်။ ဗီဒီယိုတွေပို့ပေးတယ်။ အဲဒါတွေက လုံးဝမှန်ပါတယ်။ တခုမှ အမှားမရှိပါဘူး''ဟု နိုဝင်ဘာ ၂ ရက်နေ့က VOA တိုက်ရိုက်လေလှိုင်းအစီအစဉ်တွင် ဦးရွှေမောင်က ပြောဆိုခဲ့ပြန်သည်။

အကြမ်းဖက်မှုနှင့် ပတ်သက်၍ မည်သည့်ပြစ်တင်ပြောဆိုမှုမှ မပြုခဲ့။ အကြမ်းဖက်မှု ဟူ၍ပင်မသုံးဘဲ 'ဖြစ်စဉ်ဖြစ်တဲ့'ဟူ၍ သုံးနှုန်းထားရာ ဤအကြမ်းဖက်မှုတွင် ဦးရွှေမောင်ကိုယ်တိုင် ပါဝင်ပတ်သက်နေသလားဆိုသည်က သံသယဖြစ်ဖွယ်ရာ အနေအထားတရပ်ဖြစ်သည်။ အကြမ်းဖက်မှုဖြစ်ပွားခဲ့သည့်နေရာများသို့ နှစ်ရက်ကြာသွားရောက်လေ့လာခဲ့သည့် နိုင်ငံတကာသံတမန်အဖွဲ့က နိုဝင်ဘာ ၃ ရက်နေ့ ညနေပိုင်းတွင် စစ်တွေလေဆိပ်၌ သတင်းစာရှင်းလင်းပွဲတရပ်ပြုလုပ်ခဲ့ပြီး ''ကျွန်မတို့အဖွဲ့အနေနဲ့ သွားချင်တဲ့နေရာတွေကို လွတ်လပ်စွာသွားလာခွင့်ရခဲ့ပါတယ်။ ရွာသားတွေနဲ့လည်း တွေ့ဆုံခွင့်ရခဲ့ပါတယ်။ အဓမ္မမုဒိမ်းကျင့်ခံရတယ်လို့ ပြောဆိုတဲ့သူမရှိပါဘူး''ဟု ကုလသမဂ္ဂဌာနေ ညှိနှိုင်းရေးမှူးဖြစ်သူ Ms. Renata က ပြောကြားခဲ့သည်။

ထို့အပြင် ငါးခူရကျေးရွာ ရပ်မိရပ်ဖတဦးဖြစ်သည့် ဦးရှုတော်ရှောင်းက ''အကြမ်းဖက်စီးနင်းတိုက်ခိုက်မှုဖြစ်ပွားချိန်မှာ ငါးခူရကျေးရွာမှာရှိတဲ့ ဈေးဆိုင်ခန်းခြောက်ခန်းကို ငါးခူရရွာသားနှစ်ဦးက မီးရှို့ပြီး ထွက်ပြေးသွားတာကို မြင်တွေ့လိုက်ရပါတယ်။ နယ်ခြားစောင့်ရဲတပ်ဖွဲ့နဲ့ တပ်မတော်သားတွေ မီးရှို့တာမဟုတ်ပါဘူး။ နယ်ခြားစောင့်ရဲတပ်ဖွဲ့ဝင်တွေ မီးငြှိမ်းသတ်ခဲ့တာဖြစ်ပါတယ်။ အဓမ္မပြုကျင့်တာတွေ၊ ခြိမ်းခြောက်မှုတွေ၊ ပေါ်တာဆွဲတာတွေလည်း နယ်ခြားစောင့်တပ်ဖွဲ့နဲ့ တပ်မတော်သားတွေ မလုပ်ခဲ့ပါဘူး။ အကြမ်းဖက်စီးနင်းတိုက်ခိုက်မှုနဲ့ ပါဝင်ပတ်သက်သူတွေ၊ အပေါင်းအပါတွေကသာ လုပ်ကြံဇာတ်လမ်းအဖြစ် ပြောဆိုနေကြ ခြင်းဖြစ်ပါတယ်''ဟု ပြောကြားကြောင်း နိုဝင်ဘာ ၇ ရက်နေ့ထုတ် ကြေးမုံသတင်းစာက ဖော်ပြခဲ့သည်။ ဤမျက်မြင်ကိုယ်တွေ့အချက်အလက်များအရဆိုလျှင် ဦးရွှေမောင်၏ ပြောဆိုချက်များမှာ မြောင်းထဲရောက်သွား ခဲ့သည်။

ဦးရွှေမောင်သည် ငွေသိန်း ၃၅၀ လိမ်လည်မှုဖြင့် တရားစွဲဆိုခံ ထားရသူတဦးလည်း ဖြစ်သည်။ News Watch ဂျာနယ်မှ မင်္ဂလာတောင်ညွန့်မြို့မရဲစခန်းသို့ သွားရောက်စုံစမ်းမှုအရ ပြစ်မှုအမှတ်(ပ) ၁၀၃၃/၁၅၊ ပြစ်မှုပုဒ်မ ၄၂၀ ဖြင့် အမှုဖွင့်ခံထားရခြင်းဖြစ်ပြီး ဦးစိုးနိုင် (၅၀ နှစ် (ဘ) ဦးဟန်သိန်း)ဆိုသူက တရားလိုပြု တိုင်တန်းထားခြင်းဖြစ်သည်။ လက်ရှိ ဦးရွှေမောင်မှာ အမေရိကန်ပြည်ထောင်စု၊ ၀ါရှင်တန်ဒီစီသို့ ရောက်ရှိလျက် ရှိပြီး တရားခံပြေးအဖြစ် ကြေညာထားကြောင်း၊ ဖမ်းဆီးရမိရေးဆောင်ရွက်လျက်ရှိကြောင်း မင်္ဂလာတောင်ညွန့်မြို့မရဲစခန်းမှ သိရသည်။

''ဒါက ကျွန်တော်တို့က ဥပဒေအတိုင်းပဲ။ သူတို့ဟာ သူတို့ ဆက်လုပ်လိမ့်မယ်။ ကျွန်တော်တို့ ရဲစခန်းမှာ အမှုဖွင့်တယ်။ ရဲစခန်းက တရားရုံးစွဲတင်တယ်။ တရားရုံးကနေပြီးတော့ တရားခံပြေးပြတယ်။ ဒါပဲ။ ဥပဒေ အတိုင်း လုပ်နေကြတာပဲ''ဟု တရားလို ဦးစိုးနိုင်က News Watch ဂျာနယ်သို့ ပြောကြားခဲ့သည်။

ဦးရွှေမောင်အနေဖြင့် လောလောဆယ်တွင် မြန်မာနိုင်ငံသို့ ရောက်လာရဲလိမ့်မည်မဟုတ်ပေ။ ၎င်း၏ပုဂ္ဂိုလ်ရေးပြဿနာများထက် နိုင်ငံတော် ဂုဏ်သိက္ခာကျဆင်းအောင် အခြေအမြစ်မဲ့ စွပ်စွဲပုတ်ခတ်ထားချက်များက ပိုမိုထိတ်လန့်ဖွယ်ရာဖြစ်သည်။ ပြန်လာလျှင် ထိုအခြေအမြစ်မဲ့ စွပ်စွဲ ချက်များအတွက် တာဝန်ယူရဖွယ်ရာရှိသည်။ သို့သော် ဤအတိုင်းလွှတ်ထားလျှင်လည်း ပိုဆိုးလာဖို့သာရှိသည်။ ပြည်ပရောက် ရိုဟင်ဂျာအမည်ခံ ဘင်္ဂါလီကွန်ရက်၏ အစိတ်အပိုင်းတခုဖြစ်သည့် ဦးရွှေမောင်အနေဖြင့် ၎င်းတို့၏ စိတ်ကူးယဉ်နိုင်ငံရေးအိပ်မက်များကို အဆုံးမသတ်နိုင်သေးသမျှ မြန်မာနိုင်ငံအပေါ် ပုတ်ခတ်စော်ကားနေဦးမည်မှာ သံသယရှိစရာ မလိုပေ။ ထို့ကြောင့် သံတမန်ရှုထောင့်မှ အမေရိကန်အစိုးရနှင့် ဆွေးနွေးညှိနှိုင်းပြီး ဦးရွှေမောင်ကို အရေးယူနိုင်ရေး စဉ်းစားသင့်ကြောင်း တင်ပြ အပ်သည်။

တင်အောင်ငြိမ်း
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal