စစ်တွေမှာ လက်နက်တိုက်ငယ် တစ်ခု ပေါက်ကွဲ

လက်နက်တိုက်ပေါက်ကွဲခဲ့တဲ့ ရခိုင်ပြည်နယ် စစ်တွေမြို့ ဒေသကွပ်ကဲမှုစစ်ဌာနချုပ်(ဒကစ) အရှေ့ဘက်မျက်နှာစာကို တွေ့ရစဉ်။ Photo: Min Thein Aung/ RFA
ရခိုင်ပြည်နယ် စစ်တွေမြို့ ဒေသကွပ်ကဲမှုစစ်ဌာနချုပ်(ဒကစ) ဗဟိုကင်းမှာရှိတဲ့ လက်နက်တိုက် ငယ်တစ်ခု ဒီနေ့ နေ့လည်က မီးလောင်ပေါက်ကွဲခဲ့ပါတယ်။

နေ့လည် ၁၂ နာရီခွဲလောက်ကနေ ၁ နာရီခွဲလောက်အချိန်အထိ ပြင်းထန်တဲ့ပေါက်ကွဲသံတွေ တရစပ်ကြားခဲ့ရပြီး မီးခိုးလုံးကြီးတွေလည်း ထွက်ပေါ်ခဲ့တာကြောင့် အထိတ်တလန့်ဖြစ်ခဲ့ရတယ်လို့ မျက်မြင်တွေကပြောပါတယ်။

ဒကစ ဗဟိုကင်းမှာရှိတဲ့ လက်နက်တိုက်ခန်း ၂ ခန်းအနက် ၁ ခန်း မီးလောင်ပေါက်ကွဲခဲ့တာဖြစ်ပြီး မီးလောက်ပေါက်ကွဲရတဲ့အကြောင်းရင်းနဲ့ ပျက်စီးဆုံးရှုံးမှုအသေးစိတ်ကိုတော့ မသိရသေးပါဘူး။

လက်နက်တိုက်မီးလောင်မှုကြောင့် ဒကစ ဗဟိုကင်းမှာရှိတဲ့ တပ်မတော်ရဟတ်ယာဉ်တွေကိုလည်း အရေးပေါ်ရွှေ့ပြောင်းခဲ့ရပြီး အခြားနေရာတွေကို မီးမကူးစက်ခင် မီးသတ်ကားတွေနဲ့ ငြှိမ်းသတ်နိုင်ခဲ့တယ်လို့ လည်း အခင်းဖြစ်နေရာအနီးမှာရှိနေတဲ့ ဒေသခံတွေကပြောပါတယ်။

လက်နက်တိုက်မီးလောင်ပေါက်ကွဲခဲ့တဲ့ ဒကစ ဗဟိုကင်းဟာ စစ်တွေမြို့အဝင် နာရီကန်နဲ့ ကြက်ကိုင်းတန်ကျေး ရွာကြား စစ်တွေ-ရန်ကုန် ကားလမ်းမပေါ်မှာရှိတာဖြစ်ပြီး ပတ်ဝန်းကျင်က ဒေသခံတွေကိုတော့ ထိခိုက်တာ ရှိပါဘူး။

အခင်းဖြစ်နေရာအနီးကို သတင်းယူဖို့သွားရောက်ခဲ့တဲ့ ဒေသခံသတင်းထောက်တွေကိုတော့ တပ်မတော်တာဝန် ရှိသူတွေက တားမြစ်ခဲ့ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ