လူ့အခွင့်အရေးကို အကြောင်းပြပြီး နိုင်ငံတော်၏ အချုပ်အခြာအာဏာကို ထိပါးစော်ကားခြင်းမပြုရန် သူရဦးရွှေမန်း သတိပေး

(ပုံစာ- မောင်တောနယ်စပ်တွင် လုံခြုံရေးဆောင်ရွက်နေသော ရဲတပ်ဖွဲ့ဝင်တစ်ဦးအားတွ့ရစဉ်) ဓာတ်ပုံ-AFP
လူ့အခွင့်အရေးကိုအကြောင်းပြပြီး နိုင်ငံတော်၏အချုပ်အခြာအာဏာကို ထိပါးစော်ကားခြင်းမပြုရန် သူရဦးရွှေမန်းက အောက်တိုဘာ ၃၁ ရက်နေ့က ၎င်း၏ဖေ့စ်ဘုတ်စာမျက်နှာတွင် ရေးသားထားသည်။

သူရဦးရွှေမန်းက လူ့အခွင့်အရေးနှင့်ပတ်သက်၍ ကမ္ဘာတ၀န်းလုံးမှာပြောစရာတွေ၊ အငြင်းပွားမှုတွေ ရှိနေကြောင်း၊ နိုင်ငံအတွက် ပိုအရေးကြီးသည်မှာ နိုင်ငံ၏အချုပ်အခြာအာဏာနှင့် နိုင်ငံသားများ၏ မူလအခွင့်အရေးဆိုင်ရာကိစ္စရပ်များဖြစ်ကြောင်း၊ လူ့အခွင့်အရေးကို အကြောင်းပြပြီး နိုင်ငံတော်၏ အချုပ်အခြာအာဏာနှင့် နိုင်ငံသားများ၏ မူလအခွင့်အရေးကို မစော်ကားကြရန်နှင့် မကျူးကျော်ကြရန်သတိပေးထားပြီး မြန်မာနိုင်ငံ၏ အနောက်ဘက် နယ်နိမိတ်အနီးတွင်ဖြစ်ပွားနေသော ပြဿနာသည် ရခိုင်အမျိုးသားများနှင့်သာမက မြန်မာတနိုင်ငံလုံးနှင့် သက်ဆိုင်ကြောင်း၊ တာဝန်ရှိသူများအားလုံးက တရားနည်းလမ်းတကျ သတ္တိရှိစွာဆောင်ရွက်ကြရန် ရေးသားထားသည်။

သူရဦးရွှေမန်း၏သတိပေးချက်သည် ကုလသမဂ္ဂဌာနေ ကိုယ်စားလှယ်ပါဝင်သည့် ကိုယ်စားလှယ်အဖွဲ့ ရခိုင်ပြည်နယ်သို့ နိုဝင်ဘာ ၂ ရက်နေ့တွင် သွားရောက်မည့်ခရီးစဉ်နှင့် တိုက်ဆိုင်လျက်ရှိသည်။

ကုလသမဂ္ဂဌာနေ ညှိနှိုင်းရေးမှူး Ms Renata Dessalien အပါအ၀င် ၁၀ ဦးပါ နိုင်ငံတကာသံတမန်အဖွဲ့သည် (မနက်ဖြန်)နိုဝင်ဘာ ၂ တွင် ရခိုင်ပြည်နယ်သို့ သွားရောက်လေ့လာမည်ဖြစ်ကြောင်း သိရသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ