မောင်တောမြို့နယ်မှာ WFP ရဲ့ စားနပ်ရိက္ခာ အကူအညီတွေ ရပ်ဆိုင်းမည်

ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ်။ Photo: RFA
ရခိုင်ပြည်နယ် မောင်တောမြို့နယ်မှာ ၂ဝ၁၂ ခုနှစ် ပဋိပက္ခအတွင်း မီးရှို့ဖျက်ဆီးခံခဲ့ရတဲ့ ကျေးရွာ ၃ဝ ကျော်ကို ၄ နှစ်ကျော် အကူအညီတွေပေးခဲ့တဲ့ ကမ္ဘာ့စားနပ်ရိက္ခာအဖွဲ့(WFP)က ဒီလကစပြီး စားနပ်ရိက္ခာအကူအညီတွေ ရပ်ဆိုင်းတော့မှာဖြစ်ပါတယ်။

အရေးပေါ်ကူညီကယ်ဆယ်ရေးအဆင့်ကနေ ဖွံ့ဖြိုးရေးအဆင့်ကို ဆက်လက်ဆောင်ရွက်မှာ ဖြစ်တဲ့အတွက် စားနပ်ရိက္ခာတွေကို ရပ်တန့်လိုက်တာလို့ ကမ္ဘာ့စားနပ်ရိက္ခာအဖွဲ့(WFP)ရဲ့ စားနပ်ရိက္ခာအကူအညီတွေကို တာဝန်ယူဖြန့်ဝေပေးနေတဲ့ Action for Green Earth(AGE) အဖွဲ့ရဲ့ ဥက္ကဌ ဦးချစ်မြက ပြောပါတယ်။

ခရေမြိုင်၊ ရွှေရင်အေး၊ ဗောဓိကုန်း၊ ကိုင်းကြီး၊ သရေကုန်ဘောင် စတဲ့ မောင်တောမြို့နယ် တောင်ပိုင်း က  ကျေးရွာတွေကို စက်တင်ဘာနဲ့ အောက်တိုဘာတို့အတွက် နှစ်လစာ အကူအညီတွေပေးပြီး ရပ်တန့်လိုက် ပြီဖြစ်သလို မောင်တောမြောက်ဘက်က ကျေးရွာတွေကိုတော့ အောက်တိုဘာနဲ့ နိုဝင်ဘာ နှစ်လစာ တစ်ခါတည်းပေးပြီး ရပ်တန့်မှာဖြစ်ပါတယ်။

အဲဒီကျေးရွာတွေကို လွန်ခဲ့တဲ့ ၂ဝ၁၂ ခုနှစ်ကစပြီး ကမ္ဘာ့စားနပ်ရိက္ခာအဖွဲ့(WFP)က လူတစ်ဦးချင်းစီအလိုက် ဆန်၊ ဆီ၊ ဆား၊ ပဲ တို့ကို ကူညီပေးခဲ့တာဖြစ်ပါတယ်။

RFA Burmese
http://www.rfa.org/burmese
မောင်တောမြို့နယ်မှာ WFP ရဲ့ စားနပ်ရိက္ခာ အကူအညီတွေ ရပ်ဆိုင်းမည်  မောင်တောမြို့နယ်မှာ WFP ရဲ့ စားနပ်ရိက္ခာ အကူအညီတွေ ရပ်ဆိုင်းမည် Reviewed by THITHTOOLWIN on 19:32 Rating: 5
Powered by Blogger.