NCA မှာ အားလုံးပါဝင်ရေး ဝိုင်းဝန်းကြိုးပမ်းကြမည်

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က NCA လက်မှတ်ရေး ထိုးခြင်း တနှစ်ပြည့် အခမ်းအနား မိန့်ခွန်းပြောကြားစဉ်။ ( အောက်တိုဘာ ၁၅၊ ၂၀၁၆)

မြန်မာနိုင်ငံ ငြိမ်းချမ်းပြီး စစ်မီးတွေ ငြိမ်းပြီးနိုင်ငံသားတွေသောကတွေ ကင်းဝေးစေဖို့ လက်နက်ကိုင်တွေရဲ့ ဒေါသတွေ အာဃာတတွေ ငြှိမ်းသတ်ပေးကြဖို့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က NCA လက်မှတ်ရေး ထိုးခြင်း တနှစ်ပြည့် အခမ်းအနားမှာ ပြောဆိုလိုက်သလို တနိုင်ငံလုံး အတိုင်းအတာနဲ့ အပစ်အခတ်ရပ်စဲရေးမှာ တိုင်းရင်းသားလက်နက်ကိုင်အဖွဲ့ဝင်တွေ အားလုံး ပါဝင်နိုင်ဖို့ ဆက်ဆောင်ရွက်သွားမယ်လို့လည်း တပ်မတော်ကာကွယ်ရေး ဦးစီးချုပ်က ပြောပါတယ်။ ဒါ့အပြင် တိုင်းရင်းသားဒေသတွေဖြစ်နေတဲ့ စစ်ရေးပဋိပက္ခတွေ လျော့ပါးနိုင်ရေး ကူညီဆောင်ရွက်သွားမယ်လို့ လည်း အပစ်ရပ်လက်မှတ်ထိုးထားတဲ့အဖွဲ့တွေဘက်က ပြောပါတယ်။ အသေးစိတ် မဆုမွန် ဆက်ပြောပြပါမယ်။

သမ္မတဟောင်းဦးသိန်းစိန်ဦးဆောင်တဲ့ အရင်အစိုးရလက်ထက် ပြီးခဲ့တဲ့ ၂၀၁၅ခုနှစ် မတ်လ(၃၁)ရက်နေ့မှာ တိုင်းရင်းသားလက်နက်ကိုင်အဖွဲ့ (၁၇) ကိုယ်စားလှယ်တွေဘက်က တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (Nationwide Ceasefire Agreement - NCA) မူကြမ်းကို သဘောတူခဲ့ကြပေမဲ့ အောက်တိုဘာလ (၁၅)ရက်နေ့မှာတော့ တိုင်းရင်းသားလက်နက်ကိုင်အဖွဲ့(၈)ဖွဲ့နဲ့ပဲ အစိုးရတို့ကြား နှစ်ဖက်သဘောတူစာချုပ်မှာ လက်မှတ်ရေးထိုးနိုင်ခဲ့ပါတယ်။

ဒါကို NLD ဦးဆောင်တဲ့အစိုးရသစ်လက်ထက်မှာ ပါဝင်သင့်ပါဝင်ထိုက်သူတွေအားလုံးနဲ့ ဆက်လက်အကောင်အထည်ဖော်နိုင်အောင် ဝိုင်းဝန်းကြိုးစားပေးကြဖို့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က ဒီကနေ့ကျင်းပတဲ့ NCA တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် လက်မှတ်ရေးထိုးခြင်း တစ်နှစ်ပြည့် နှစ်ပတ်လည် အခမ်းအနားမှာ ပြောဆိုလိုက်ပါတယ်။

ဒီနေ့ကျင်းပတဲ့ NCA နှစ်ပတ်လည်နေ့ အခမ်းအနားတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ကလည်း လက်မှတ်ရေးထိုးဖို့ ကျန်ရှိနေသေးတဲ့အဖွဲ့ အားလုံးပါဝင်နိုင်ရေးကို သူတို့အားလုံး ဆက်လက်ကြိုးပမ်း နေပြီး ကျန်ရှိနေတဲ့ တိုင်းရင်းသားလက်နက်ကိုင်အဖွဲ့တွေကိုလည်း တံခါးဖွင့်ပြီး ကမ်းလှမ်း ကြိုဆိုနေပါတယ်လို့လည်း မိန့်ခွန်း ပြောကြားခဲ့ပါတယ်။

အပစ်မရပ်ထားတဲ့အဖွဲ့တွေနဲ့ အစိုးရတပ်တွေကြား ဖြစ်ပွားနေတဲ့တိုင်းရင်းသားဒေသတွေက စစ်ရေးပဋိပက္ခတွေ လျော့ပါးနိုင်ဖို့အတွက်ကိုလည်း အပစ်ရပ်လက်မှတ်ထိုးထားတဲ့အဖွဲ့တွေဘက်က ကူညီဆောင်ရွက်သွားမယ်လို့ အပစ်ရပ်လက်မှတ်ထိုးခဲ့တဲ့ တိုင်းရင်းသားလက်နက်ကိုင်အဖွဲ့(၈)ဖွဲ့ ထဲက အဖွဲ့ကြီးတဖွဲ့ဖြစ်တဲ့ ပအို့ဝ်အမျိုးသားလွတ်မြောက်ရေးအဖွဲ့ချုပ် PNLO ရဲ့ နာယက ဗိုလ်မှူးကြီးခွန်ဥက္ကာကလည်း ပြောပါတယ်။

အပစ်ရပ်လက်မှတ်မထိုးရသေးတဲ့တိုင်းရင်းသားလက်နက်ကိုင်အဖွဲ့တွေအနေနဲ့လည်း ပြည်သူတွေ သောကမီးငြိ်မ်းစေဖို့ ဒေသတွင်းစစ်မီးတွေ ငြှိမ်းစေဖို့ ဒေါသတွေ အာဃာတတွေ လျော့ပေးကြဖို့ကိုလည်း ဒေါ်အောင်ဆန်းစုကြည်က မေတ္တာရပ်ခံသွားပါတယ်။

NCA လက်မှတ်ရေးထိုးခဲ့ကြတဲ့ အချိန်တစ်နှစ်တာအတွင်း စာချုပ်ပါ အချက်များ ကို အပစ်ရပ်လက်မှတ်ထိုးထားတဲ့ တိုင်းရင်းသား လက်နက်ကိုင်အဖွဲ့တွေနဲ့ အစိုးရတို့ကြား ယုံကြည်မှုတည်ဆောက်ပြီး ငြိမ်းချမ်းရေးလုပ်ငန်းစဉ်တွေကို ကြိုးစား အကောင် အထည်ဖော်နေကြပါတယ်။ အခုဆိုရင်တော့ NCA ထိုးထားတဲ့ အပစ်ရပ်တိုင်းရင်းသားလက်နက်ကိုင်အဖွဲ့တွေအနေနဲ့ NCA ပါ စစ်ဘက်ဆိုင်ရာ စည်းမျဉ်းစည်းကမ်းတွေနဲ့ စစ်ဘက်ဆိုင်ရာ ကျင့်ဝတ်တွေကို ထိထိ ရောက်ရောက် လိုက်နာမှု ရှိစေရန် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC)ကို ဖွဲ့စည်းပြီး စောင့် ကြည့် ကြီးကြပ်နေချိန်ဖြစ်ပါတယ်။

အရပ်သားအစိုးရလက်ထက်မှာတော့ ဒေါ်အောင်ဆန်းစုကြည်ဦးဆောင်ပြီး အပစ်ရပ်လက်နက်ကိုင်တွေရော အပစ်မရပ်လက်နက်ကိုင်တွေပါ ပါဝင်တဲ့ ပထမအကြိမ် ၂၁ရာစုပင်လုံ ပြည်ထောင်စု ငြိမ်းချမ်းရေးညီလာခံကြီးကို ၂၀၁၆ ခုနှစ်၊ ဇန်န၀ါရီလက ကျင်းပနိုင်ခဲ့ပြီး ရှေ့ကျင်းပမယ့် နိုင်ငံရေး ဆွေးနွေးပွဲတွေမှာ အပစ်မရပ်လက်နက်ကိုင်တွေပါ ပါဝင်နိုင်ရေး ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စု တည်ဆောက်ရေး အပါအဝင် NCA လက်မှတ်ရေးထိုးနိုင်ရေး လုပ်ဆောင်နေကြတာပါ။ဒါပေမဲ့လို့ ကချင်အဖွဲ့လို အပစ်မရပ်ထားတဲ့တိုင်းရင်းသားလက်နက်ကိုင်အဖွဲ့တွေဖြစ်တဲ့ ကချင်၊ ရှမ်း ရခိုင်နဲ့ တအောင်းအဖွဲ့တွေကြား တိုက်ပွဲတွေဖြစ်နေသလို အပစ်ရပ်ရှမ်းအဖွဲ့နဲ့လည်း စစ်ရေးထိတွေ့မှုတွေဖြစ်နေလို့ အစိုးရရဲ့ ငြိမ်းချမ်းရေးလုပ်ငန်းစဉ်တွေအပေါ် မေးခွန်းထွက်ပ်ါနေပါတယ်။

 မဆုမွန်  / ဗွီအိုအေ (မြန်မာပိုင်း)
http://burmese.voanews.com