Mosul တိုက်ပွဲ တူရကီကူဖို့ အီရတ် လက်မခံ


အမေရိကန်ကာကွယ်ရေးဝန်ကြီး Ash Carter နဲ့ စနေနေ့က တွေ့ဆုံပြီးတဲ့နောက် အီရတ်နိုင်ငံ Mosul မြို့ကို IS အစ္စလာမ်မစ်အဖွဲ့လက်က ပြန်သိမ်းပိုက်နိုင်ရေး ကြိုးပမ်းမှုမှာပါဝင်ဖို့ တူရကီရဲ့ ကမ်းလှမ်းချက်ကို အီရတ်ဝန်ကြီးချုပ် Haider al-Abadi က တရားဝင် ငြင်းဆိုလိုက်ပါတယ်။

လက်ရှိ တည်ရှိနေတဲ့ မဟာမိတ်တွေအနေနဲ့ လတ်တလော ပြုလုပ်နေတဲ့ တိုက်ပွဲတွေကို ကိုင်တွယ် ဖြေရှင်းနိုင်ကြောင်း ၀န်ကြီးချုပ် Abadi က စနေနေ့မှာ ပြောပါတယ်။ တကယ်လို့ အကူအညီလိုအပ်မယ်ဆိုရင်လည်း တူရကီတင်မက တခြား ဒေသတွင်း နိုင်ငံတွေထံက အကူအညီ တောင်းခံသွားမှာ ဖြစ်ကြောင်း ၀န်ကြီးချုပ် Abadi က ပြောပါတယ်။

တူရကီက ဆူနီး ဘာသာဝင် မွတ်ဆလင်တွေနဲ့ Abadi ရဲ့ ရှီယား ဘာသာဝင် အစိုးရတို့အကြား ဖြစ်ပေါ်နေတဲ့ တင်းမာမှုတွေ လျော့ကျရေး လုပ်ဆောင်ဖို့ အီရတ်နိုင်ငံကို ရောက်နေတဲ့ အမေရိကန်ကာကွယ်ရေးဝန်ကြီး Ash Carter နဲ့ တွေ့ဆုံအပြီးမှာ ၀န်ကြီးချုပ် Abadi က ဘက်ဂဒတ်မြို့မှာ အဲဒီလို ပြောကြားလိုက်တာပါ။

Mosul မြို့တိုက်ပွဲအတွက် တူရကီရဲ့ အခန်းကဏ္ဍဟာ ခက်ခဲတဲ့ အကြောင်းအရာတခုဖြစ်ကြောင်း၊ ၀န်ကြီးချုပ် Abadi အနေနဲ့ ဒီကိစ္စကို တူရကီအစိုးရနဲ့ ပြောဆိုပြီးဖြစ်ကြောင်းနဲ့ နောက်ထပ် ဆွေးနွေး ပြောဆိုမှုတွေ ပြုလုပ်ဖို့လည်း ရှိကြောင်း ၀န်ကြီး ကာတာက ဘက်ဂဒတ်မြို့မှာ သတင်းထောက်တွေကို ပြောပါတယ်။

အီရတ်နိုင်ငံရဲ့ အချုပ်အခြာ အာဏာပိုင်ဆိုင်ခွင့်ဟာ အရေးပါတဲ့ အခြေခံ အကြောင်းရပ်ဖြစ်ကြောင်း၊ မဟာမိတ်တွေနဲ့ ပူးပေါင်းဆောင်ရွက်တာ၊ ဒီပြဿနာကို ဖြေရှင်းနိုင်ရေးအတွက် ကြိုးပမ်း လုပ်ဆောင်တာနဲ့ အားလုံးက IS ကို အာရုံစိုက် တိုက်ခိုက်ရေးတို့ဟာ အမေရိကန်ရဲ့ အခန်းကဏ္ဍဖြစ်ကြောင်း ၀န်ကြီး ကာတာက ပြောပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ