Guterres ကို ကုလညွှန်ချုပ်အဖြစ် လုံခြုံရေးကောင်စီ အတည်ပြု

ကုလသမဂ္ဂ အတွင်းရေးမှူးချုပ်သစ်ပေါ်တူဂီ ၀န်ကြီးချုပ်ဟောင်း Antonio Guterres

ကုလသမဂ္ဂ အတွင်းရေးမှူးချုပ်သစ်အဖြစ် ပေါ်တူဂီ ၀န်ကြီးချုပ်ဟောင်း Antonio Guterres ကို ကုလသမဂ္ဂ လုံခြုံရေး ကောင်စီက တရားဝင် ရွေးချယ်အတည်ပြုလိုက်ပြီ ဖြစ်ပါတယ်။

ကုလသမဂ္ဂ လုံခြုံရေးကောင်စီမှာ ဗုဒ္ဓဟူးနေ့က မဲပေးရွေးချယ်ရာမှာ - ၀ါရင့်နိုင်ငံရေးသမားလည်းဖြစ်၊ သံတမန်လည်း ဖြစ်တဲ့ မစ္စတာ ဂူတားရတ်စ် က ထောက်ခံမဲ ၁၃ မဲ၊ ကန့်ကွက်သူမရှိ၊ ကြားနေမဲ ၂ မဲနဲ့ အပြတ်အသတ် အနိုင်ရရှိခဲ့တာ ဖြစ်ပါတယ်။

ကြာသပတေးနေ့မှာတော့ လုံခြုံရေးကောင်စီက မစ္စတာ ဂုတားရတ်စ်ကို တရားဝင် မဲပေးရွေးချယ် အတည်ပြုခဲ့ပြီး - အတည်ပြုချက်ကို ကုလသမဂ္ဂ အထွေထွေညီလာခံကို တင်ပြခဲ့ပြီး၊ နောက်သီတင်းပတ်ထဲမှာ အထွေထွေညီလာခံက တရားဝင် ထပ်မံကြေညာပေးမှာ ဖြစ်ပါတယ်။

မစ္စတာ Guterres ကတော့ မဲပေးရွေးချယ်တဲ့ နယူးယောက်မြို့မှာ ရှိမနေပေမဲ့ - ပေါ်တူဂီနိုင်ငံ လစ္စဘွန်းမြို့ကနေ - သူ့ကို ရွေးချယ်မှုအပေါ် အထူးပဲ ကျေးဇူးတင်စကား ပြောကြားရင်းနဲ့ ဒီကနေ့ ကမ္ဘာကြီးမှာ ရင်ဆိုင်နေရတဲ့ ပဋိပက္ခတွေ၊ အကြမ်းဖက်ဝါဒနဲ့ လူ့အခွင့်အရေး ချိုးဖောက်ခံရမှုတွေလို ပြဿနာတွေကို ဖြေရှင်းဖို့ လိုအပ်နေတာကိုလည်း အသိအမှတ်ပြု ပြောကြားခဲ့တာပါ။

ကုလသမဂ္ဂဆိုင်ရာ အမေရိကန်သံအမတ်ကြီး Samantha Power ရဲ့ ကြာသပတေးနေ့က ထုတ်ပြန်တဲ့ ကြေညာချက်မှာတော့ - ကမ္ဘာ့ပြဿနာတွေကို ဖြေရှင်းခဲ့ဖူးတဲ့ မစ္စတာ ဂုတားရတ်စ် ရဲ့ ကြီးမားတဲ့ အတွေ့အကြုံတွေ၊ လိုအပ်တဲ့သူတွေကို အကူအညီပေးလိုတဲ့ စိတ်ဆန္ဒရှိတာတွေ၊ ကမ္ဘာတ၀ှမ်းက လေးစားမှုရရှိထားတာတွေကြောင့်၊ မရေရာမှုတွေ ကြုံနေရတဲ့ အချိန်မျိုးမှာ ကုလသမဂ္ဂကို ကြီးကြပ်ဖို့ ဒီလိုပုဂ္ဂိုလ်မျိုးကို ရွေးချယ်ခဲ့တဲ့အပေါ် အမေရိကန် ပြည်ထောင်စုအနေနဲ့ စိတ်ချယုံကြည်မှုရှိတဲ့အကြောင်း ပြောဆိုခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com