ဖိလစ်ပိုင်ရောက် ကန်အကြီးတန်းသံတမန် သမ္မတ Duterte မှတ်ချက်အပေါ် ဆွေးနွေး

ဖိလစ်ပိုင်ရောက် အမေရိကန်နိုင်ငံခြားရေးဝန်ကြီးဌာနရဲ့ အာရှ နဲ့ ပစိဖိတ်ဒေသရေးရာ လက်ထောက်နိုင်ငံခြားရေးဝန်ကြီး Daniel Russel
ဖိလစ်ပိုင်သမ္မတ Rodrigo Duterte က သူ့ရဲ့ တရုတ်နိုင်ငံခရီးစဉ်အတွင်း အမေရိကန်နဲ့ ဆက်ဆံရေးကို ဖြတ်တောက်ဖို့ ရည်ရွယ်ထားတယ်လို့ ပြောကြားပြီး ရက်ပိုင်းအတွင်းမှာပဲ အမေရိကန်နိုင်ငံခြားရေးဝန်ကြီးဌာနရဲ့ အာရှ နဲ့ ပစိဖိတ်ဒေသရေးရာ လက်ထောက်နိုင်ငံခြားရေးဝန်ကြီး Daniel Russel ဟာ ဖိလစ်ပိုင်နိုင်ငံခြားရေးဝန်ကြီး နဲ့ တွေ့ဆုံခဲ့ပါတယ်။

သမ္မတဒူတာတေးရဲ့ အငြင်းပွားစရာ ပြောဆိုမှုတွေ ၊ ကြေညာ ချက်တွေ နဲ့ ဖိလစ်ပိုင်ရဲ့ ရည်မှန်းချက်နဲ့ ပတ်သက်ပြီး မရေရာတဲ့ လက်တွေ့အခြေအနေတွေက အမေရိကန်နိုင်ငံတင်မဟုတ်ဘဲ၊ တချို့နိုင်ငံတွေကိုလည်း အံ့သြတုန်လှုပ်စေခဲ့တယ်လို့ ဖိလစ်ပိုင်နိုင်ငံခြားရေးဝန်ကြီး Perfecto Yasay ကို တနင်္လာနေ့က ပြောကြားခဲ့တယ်လို့ Daniel Russel က ပြောပါတယ်။

စနေနေ့တုန်းကတော့ သမ္မတဒူတာတေးက - အမေရိကန် နဲ့ ဆက်ဆံရေးကို ဆက်ထိန်းသိမ်းဖို့က ကျနော်နိုင်ငံအကျိုးအတွက် အကောင်းဆုံးဖြစ်တာကြောင့် သူ့အနေနဲ့ အမေရိကန်နဲ့ ဆက်ဆံရေးကို အမှန်တကယ်ဖြတ်တောက်တာ မဟုတ်ဘူးလို့ သူတရုတ်နိုင်ငံဘေဂျင်းမြို့မှာ ပြောခဲ့တာကို အနည်းငယ်ပြင်ပြီး ပြန်ပြောခဲ့ပါတယ်။

ဒါပေမယ့် ဖိလစ်ပိုင်နိုင်ငံအနေနဲ့ သူ့ရဲ့ နိုင်ငံခြားရေးမူဝါဒဆိုင်ရာ ဆုံးဖြတ်ချက်တွေကို အမေရိကန်ရဲ့ လွှမ်းမိုးမှုမပါဘဲ လွတ်လပ်စွာလုပ်ဆောင်သွားမှာဖြစ်တယ်လို့ သူကပြောပါတယ်။ သမ္မတဒူတာတေးလက်ထက်မှာ ဖိလစ်ပိုင် နဲ့ တရုတ်အစိုးရကြား တင်းမာနေတဲ့ဆက်ဆံရေး ပြန်လည်လျော့ကျ အောင်လုပ်ဆောင်တာကို အမေရိကန်အစိုးရအနေနဲ့ ကြိုဆိုကြောင်း ၊ ဒါပေမယ့် တရုတ်နိုင်ငံဆက်ဆံရေး သဟဇာတဖြစ်ဖို့အတွက် အမေရိကန် နဲ့ ဖိလစ်ပိုင်ဆက်ဆံရေးကို အထိခိုက်ခံပြီး မလုပ်ဆောင်သင့်ဘူးလို့ Daniel Russell က ပြောပါတယ်။

ဒါ့အပြင် ၃ လအတွင်း လူ ၃ ထောင်ကျော်ကို ကွပ်မျက်ခဲ့တဲ့ ဖိလစ်ပိုင်အစိုးရရဲ့ မူးယစ်ဆေးဝါးနှိမ်နှင်းရေးလုပ်နေတာတွေကိုလည်း အမေရိကန်အနေနဲ့ စိုးရိမ်တယ်လို့ သူကပြောပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ