ဖိလစ်ပိုင် အမေရိကန်သံရုံးရှေ့ ဆန္ဒပြသူတွေကို ရဲကား ၀င်တိုက်

ဖိလစ်ပိုင် အမေရိကန်သံရုံးရှေ့ဆန္ဒပြသူတွေကို ရဲကား ၀င်တိုက်
ဖိလစ်ပိုင်နိုင်ငံ မြို့တော် မနီလာက အမေရိကန်သံရုံး အပြင်ဘက်မှာ အမေရိကန်ဆန့်ကျင်ရေး ဆန္ဒပြနေတဲ့ လူအုပ်ထဲကို ရဲကားတစီးက မောင်းဝင်တိုက်ခဲ့တာကြောင့် လူအချို့ ဒဏ်ရာရသွားပါတယ်။

အမေရိကန်စစ်တပ် ဖိလစ်ပိုင်နိုင်ငံမှာ ဆက်ရှိနေတာကို အဆုံးသတ်ဖို့ အမေရိကန်သံရုံးရှေ့မှာ ဒီကနေ့ လူ ၁ ထောင် လောက် ဆန္ဒပြခဲ့ကြတာပါ။ ရဲတွေက မျက်ရည်ယိုဗုံးတွေ ၊ မီးသတ်ပိုက်တွေ အသုံးပြုပြီး ဒီလူစု ဖြိုခွဲခဲ့ပါတယ်။ ရုပ်မြင်သံကြားက ပြသတဲ့ ပုံရိပ်ထဲမှာတော့ ရဲကားမောင်းသူဟာ ဆန္ဒပြသူတွေကို ကားနဲ့အကြိမ်ကြိမ်တိုက်ဖို့ မလုပ်ခင်မှာ ဆန္ဒပြသူတွေက ရဲကားကို ဒုတ်တွေနဲ့ ၀ိုင်းရိုက်နေတာကို တွေ့ရပါတယ်။ ရဲကားနဲ့ အခုလို လူအုပ်ထဲ မောင်းဝင်တိုက်ခဲ့တာကြောင့် ဆန္ဒပြသူ ၃ ဦးထက်မနည်း ဆေးရုံကို ပို့ဆောင်ခဲ့ရတယ်လို့ ဆန္ဒပြအဖွဲ့ ခေါင်းဆောင်တဦးဖြစ်တဲ့ Renato Reyes က ပြောပါတယ်။ ရဲလုံခြုံရေးတွေကို ဆေးနီတွေနဲ့ ပက်ခဲ့တဲ့ ဆန္ဒပြသူ ဒါဇင်နဲ့ချီကိုလည်း အဲဒီနေရာမှာ ဖမ်းဆီးထိန်းသိမ်းခဲ့ပါတယ်။

အခုရက်ပိုင်းတွေအတွင်း ဖိလစ်ပိုင်သမ္မတ Rodrigo Duterte ဟာ အမေရိကန်နဲ့ ပူးပေါင်းဆောင်ရွက်နေတဲ့ ကိစ္စရပ်တွေ အဆုံးသတ်ဖို့ပါဝင်တဲ့ နိုင်ငံခြားရေးမူဝါဒ အလှည့်အပြောင်းတရပ် ပြုလုပ်ဖို့ ပြောဆိုနေသလို အမေရိကန်သမ္မတ Barack Obama ကိုလည်း မိန်းမပျက် သား အဖြစ် ရည်ညွှန်းခေါ်ဆိုခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ