တရုတ်ယွမ်ငွေကို နိုင်ငံတကာ အရံငွေကြေး စာရင်းထဲ ထည့်သွင်း

တရုတ်ယွမ်ငွေ နိုင်ငံတကာအရံငွေကြေးစာရင်းထဲ ထည့်။ (world currencies including Chinese Yuan, US Dollar, Euro, British Pound)
တရုတ်နိုင်ငံသုံး ယွမ်ငွေကို အောက်တိုဘာလ တရက် စနေနေ့ကစပြီး ကမ္ဘာသုံး အရံငွေကြေးအဖြစ် စတင်သတ်မှတ် လိုက်ပြီဖြစ်ပါတယ်။ အမေရိကန် ဒေါ်လာ၊ ယူရိုငွေ၊ ဂျပန်ယန်းငွေနဲ့ ဗြိတိန်က ပေါင်စတာလင် တို့နဲ့အတူ နိုင်ငံတကာ အရံငွေကြေးစံနစ်ထဲမှာ တရားဝင် ထည့်သွင်း သတ်မှတ်လိုက်တာ ဖြစ်ပါတယ်။

IMF နိုင်ငံတကာ ငွေကြေးရံပုံငွေအဖွဲ့က သုံးနေတဲ့ ငွေကြေးဈေးကွက်ထဲမှာ renminbi လို့လည်း သိကြတဲ့ ယွမ်ငွေကိုပါ ထည့်သွင်း မှာ ဖြစ်ပါတယ်။ IMF က စီးပွါးရေးပြဿနာတွေကို ကူညီ ကိုင်တွယ် ဖြေရှင်းရာမှာ အရံငွေအဖြစ် သတ်မှတ်တဲ့ ငွေကြေးတွေထဲ ယွမ်ငွေကိုပါ ထည့်သွင်းမှာ ဖြစ်ပါတယ်။

ကမ္ဘာ့ စီးပွါးရေးနယ်ပယ်မှာ ကြီးထွားတိုးတက်မှု ရှိလာနေတဲ့ တရုတ်နိုင်ငံက SDR (Special Drawing Right) ခေါ် IMF ကဖန်တီးထားတဲ့ နိုင်ငံတကာ အရံငွေကြေးသုံးစွဲမှု မှာ သူ့နိုင်ငံသုံး ငွေကို ထည့်သွင်းနိုင်ဖို့ ကျိုးစားနေတာ ဖြစ်ပြီး ဒီလိုထည့်သွင်းဖို့ ဆုံးဖြတ်ကြောင်း ကြေညာခဲ့တာကလည်း တနှစ်လောက် ရှိနေပြီဖြစ်ပါတယ်။

အရံငွေကြေး အဖြစ်သုံးစွဲတဲ့ငွေတွေဟာ လွှဲပြောင်းရာမှာ လွတ်လွတ်လပ်လပ် လုပ်နိုင်ရမှာ ဖြစ်ပါတယ်။ တရုတ်အစိုးရက သူ့ ငွေကြေးလဲလှယ်မှု တန်ဖိုးကို ကိုင်တွယ်နိုင်ဖို့ ငွေကြေးဈေးကွက်မှာ ဝင်ရောက်စွက်ဖက်တာမျိုးတွေ လုပ်တယ်ဆိုတဲ့ သံသယ အရှိခံနေရတယ်လို့ ကျွမ်းကျင်သူတွေရဲ့ ပြောကြားချက်ကို ငွေကြေး စာစောင်တွေကို ကိုးကား ဖေါ်ပြ ကြပါတယ်။

အမေရိကန် ဘဏ္ဍာရေးဝန်ကြီး Jack Lew ကတော့ မကြာခင် နှစ်တွေ အတွင်း တရုတ်နိုင်ငံက သူ့ရဲ့ ငွေကြေး ရောင်းဝယ်မှုပုံစံကို အကြီးအကျယ် ပြောင်းလဲ ပစ်ခဲ့တယ်လို့ ပြောကြားခဲ့ပေမယ့် စီးပွါးရေးဆိုင်ရာ ပြုပြင်ပြောင်းလဲရေးတွေကတော့ အခုထိ ခရီးမရောက် သေးဘူးလို့ ပြောပါတယ်။

ကမ္ဘာ့ အရံငွေကြေးဈေးကွက်မှာ တရုတ်ယွမ်ငွေကို ၁၁ ရာခိုင်နှုံးလောက် သုံးလာကြမှာဖြစ်ပြီး အမေရိကန် ဒေါ်လာကတော့ ၄၂ % လောက် ရှိနေတာပါ။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ