လှူဒါန်းမှုအရက်ရောဆုံး မြန်မာနိုင်ငံ


မြန်မာနိုင်ငံဟာ ကမ္ဘာမှာ အလှူဒါန အရက်ရောဆုံး နိုင်ငံတခုအဖြစ် လန်ဒန်အခြေစိုက် ပရဟိတအဖွဲ့တခုဖြစ်တဲ့ CAF က သတ်မှတ်လိုက်ပါ တယ်။ နိုင်ငံပေါင်း ၁၄၀ ကို လေ့လာ စစ်တမ်းကောက်ယူခဲ့ပြီးနောက် CAF အဖွဲ့ကြီးက ၂၀၁၆ ခုနှစ်အတွက် ထုတ်ပြန်ခဲ့တဲ့ ကမ္ဘာ့ပေးကမ်း လှူဒါန်းမှုအညွှန်းကိန်း (World Giving Index) မှာ မြန်မာနိုင်ငံကို နံပါတ် ၁ သတ်မှတ်ခဲ့တာဖြစ်ပြီး၊ နံပါတ် ၂ နေရာမှာတော့ အမေရိကန် ပြည်ထောင်စု၊ နံပါတ် ၃ နေရာမှာ သြစတြေးလျနိုင်ငံတို့ကို ဖြစ်ပါတယ်။

ငွေကြေးပေးကမ်းလှူဒါန်းခြင်း၊ စေတနာ့ဝန်ထမ်းခြင်း၊ တပါးသူကို ကူညီခြင်းဆိုပြီး အပိုင်း ၃ ပိုင်းနဲ့ တနိုင်ငံချင်းစီက ပျမ်းမျှလူဦးရေ အချိုးအစား ပေါ်မူတည်ပြီး စစ်တမ်းကောက်ယူခဲ့တာဖြစ်တယ်လို့လည်း CAF က ထုတ်ပြန်ခဲ့တဲ့ အစီရင်ခံစာမှာ ဖော်ပြထားပါတယ်။

 မြန်မာနိုင်ငံနဲ့ ပတ်သက်လို့ကတော့ - ထေရ၀ါဒဗုဒ္ဓဘာသာကို သက်ဝင်ယုံကြည်သူ အများစုနေထိုင်ရာ မြန်မာနိုင်ငံမှာ - ဇီဝိတဒါန - ပေးကမ်းစွန့်ကြဲခြင်းကို ဘာသာဓလေ့ထုံးတမ်းအရ ငယ်စဉ်ကတည်းက ယုံယုံကြည်ကြည်နဲ့ လက်တွေ့ ကျင့်သုံးခဲ့ကြတာ ဖြစ်တယ်လို့လည်း အစီရင်ခံစာက ဆိုထား ပါတယ်။

 ကမ္ဘာမှာ ဖွံ့ဖြိုးမှုအနိမ့်ဆုံး နိုင်ငံတွေစာရင်းမှာ ပါဝင်တဲ့ မြန်မာနိုင်ငံအနေနဲ့ အခုလို ကမ္ဘာ့ပေးကမ်းလှူဒါန်းမှုအညွန်းကိန်းမှာ နံပါတ် ၁ အဖြစ် သတ်မှတ်ခံခဲ့ရတာ ၃ နှစ်ရှိခဲ့ပြီဖြစ်ပါတယ်။ သီရိလင်္ကာနိုင်ငံနဲ့ အင်ဒိုနီးရှား နိုင်ငံတွေကတော့ ကမ္ဘာ့ပေးကမ်းလှူဒါန်းမှုအညွှန်းကိန်းရဲ့ ထိပ်ဆုံး ၁၀ နိုင်ငံမှာ ပါဝင်ပြီး၊ မြန်မာ့အိမ်နီးချင်း တရုတ်နိုင်ငံကတော့ ဒီနှစ်မှာ ပေးကမ်းလှူဒါန်းမှု အနည်းဆုံး နိုင်ငံစာရင်းမှာ သတ်မှတ်ခံခဲ့ ရပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ