မုံရွာမြို့မရဲစခန်းတွင် ရဲကတော်အချင်းချင်း ဓားခုတ်မှုဖြစ်


မုံရွာ၊ အောက်တိုဘာ ၄။

စစ်ကိုင်းတိုင်းအစိုးရအဖွဲရုံးစိုက်ရာ မုံရွာမြို့၊မြို့မရဲစခန်း ရဲလိုင်းခန်းတွင် ရဲအုပ်ကတော်အချင်းချင်း စကားများ၍ ဓားခုတ်မှုတစ်ခု အောက်တိုဘာ ၃ ရက်နေ့ ညနေပိုင်းက ဖြစ်ခဲ့ကြောင်း သတင်းရရှိသည်။

အချင်းများသူ နှစ်ဦးသည် တိုင်းရဲတပ်ဖွဲ့ရုံးတွင် တာဝန်ထမ်းဆောင်နေသည့် ရဲအုပ်နှစ်ဦး၏ ဇနီးများဖြစ်ကြပြီး မြို့မရဲစခန်းဝန်ထမ်းလိုင်းခန်းတွင် လာရောက်နေထိုင်သူများဖြစ်ကြောင်း သိရသည်။

ဓားဖြင့်ခုတ်ခံရသူမှာ ရဲအုပ်ကျော်လင်း၏ဇနီး မစန္ဒာဦး ဖြစ်ပြီး ဓားဖြင့်ခုတ်သူမှာ ရဲအုပ်သောင်းထိုက်အောင်၏ ဇနီးစုစုလှိုင်ဖြစ်ကြောင်း အခုတ်ခံရသူ မစန္ဒာဦး၏ တိုင်ကြားစာအရ သိရသည်။

ဖြစ်စဉ်မှာ တရားလိုမစန္ဒာဦးသည် သားဖြစ်သူကို အော်ဟစ်ဆုံးမနေစဉ် အခန်းချင်းကပ်လျက်ရှိသော မစုစုလှိုင်မှ ၄င်းကို စောင်းမြောင်းပြောသည်ဟူ၍ နှစ်တောင်အရှည်ရှိသော ဓားရှည် တစ်ချောင်းဖြင့် အိမ်ရှေ့ရောက်လာကာ "သတ္တိရှိရင် ထွက်ခဲ့"ဟု စိန်ခေါ်ခဲ့ကြောင်း ပြန်လည် ရှင်းပြသည်ကို လက်မခံပဲ လက်ထဲတွင် အသင့်ပါလာသော ဓားဖြင့်ခုတ်ရာ မစန္ဒာဦး၏ လက်ဝဲ လက်သန်း ပြတ်ရှဒဏ်ရာရရှိခဲ့ကြောင်း သတင်းရရှိသည်။

နောက်ဆုံးရရှိသည့်သတင်းအရ ဓားခုတ်မှုဖြစ်စဉ်ကို အောက်တိုဘာ ၄ရက်နေ့၌ မြို့မရဲစခန်းတွင် နှစ်ဖက်စလုံးအပြန်အလှန် အမှုဖွင့်ထားကြောင်း သိရသည်။

ဟိန်းလင်းသန်
Central News Myanmar
https://www.facebook.com/CNMyanmar

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ