မောင်တောမှာ တိုက်ခိုက်မှုတွေကြောင့် ဒေသခံတွေ မြို့ပေါ်ထွက်ပြေး

 မောင်တောနယ်ခြားစောင့် ရဲတပ်ဖွဲ့ ဌာနချုပ်နဲ့ နီးတဲ့ ဝက်သိုက် ကျေးရွာနားမှာ ပစ်ခတ် တိုက်ခိုက်မှုတွေ ဖြစ်
ရခိုင်ပြည်နယ် မောင်တောဘက်က နယ်ခြားစောင့် ရဲတပ်ဖွဲ့ ဌာနချုပ်နဲ့ နီးတဲ့ ဝက်သိုက်ကျေးရွာနားမှာ ပစ်ခတ် တိုက်ခိုက်မှုတွေ ဖြစ်ခဲ့သလို အလယ်သံကျော် ရွာနားမှာလည်း ပစ်ခတ်မှုတွေ ဖြစ်ခဲ့တယ်လို့ မောင်တော ဒေသခံ သတင်းထောက် ဦးမောင်ကံက ဘီဘီစီကို ပြောပါတယ်။

အဲဒီတိုက်ခိုက်မှုတွေကြောင့် ပတ်ဝန်းကျင်ဒေသက ဒေသခံ ရခိုင်တိုင်းရင်းသားတွေဟာ ကြောက်လန့်ပြီး သူတို့နေထိုင်ရာ ကျေးရွာတွေကနေ လုံခြုံတဲ့ နေရာကို ထွက်ပြေးနေကြပါတယ်။

မောင်တောတောင်ပိုင်းက သရေကုန်းဘောင်ရွာနဲ့ ကိုင်းကြီးရွာက ထွက်ပြေးကြတဲ့ ဒေသခံတွေ စုစုပေါင်း ၂၀ဝနီးပါး ရှိတယ်လို့ သရေကုန်းဘောင်က ထွက်ပြေးလာတဲ့ ဒေသခံတဦးက ဘီဘီစီကို ပြောပါတယ်။

မြန်မာ့တပ်မတော်က ဒီတိုက်ခိုက်မှုတွေနဲ့ ပတ်သက်ပြီး သူတို့ သင်္ကာမကင်းတဲ့ရွာတွေမှာ ရှင်းလင်းစစ်ဆေးမှုတွေ ပြုလုပ်ခဲ့ပေမယ့် မူဆလင်ရွာကြီးတချို့မှာ ပြန်လည် တိုက်ခိုက်မှုတွေ ရှိတဲ့အတွက် ရွာထဲဝင်ဖို့ အခက်အခဲရှိနေတယ်လို့ သိရပါတယ်။

ပြန်ကြားရေးဝန်ကြီး ဦးဖေမြင့် ဦးဆောင်တဲ့ အဖွဲ့ဝင်တွေလည်း မောင်တောမြို့ကို ရောက်ရှိလာပြီး လုံခြုံရေးအခြေအနေ စိုးရိမ်မှုရှိနေတဲ့ ရခိုင်တိုင်းရင်းသားတွေနဲ့ တွေ့ဆုံကာ ဆောင်ရွက်မယ့် အခြေအနေတွေကို ရှင်းလင်း ပြောကြားခဲ့တယ်လို့ မောင်တောခရိုင် အုပ်ချုပ်ရေးမှူး ဦးရဲထွဋ်က ဘီဘီစီကို ပြောပါတယ်။

ရခိုင်ပြည်နယ် မောင်တောမြို့နယ်မှာ ဖြစ်ပွားနေတဲ့ တိုက်ခိုက်မှုတွေနဲ့ ပတ်သက်ပြီး ဘာတွေဖြစ်နေသလဲဆိုတာ မရှင်းလင်းသေးသရွေ့ အထောက်အထား မခိုင်လုံသေးပဲ ဘယ်သူ့ကိုမှ စွဲချက်တင်မှာ မဟုတ်ကြောင်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နေပြည်တော်မှာ ပြုလုပ်တဲ့ သတင်းစာ ရှင်းလင်းပွဲမှာ ပြောဆိုလိုက်ပါတယ်။

တရားဥပဒေရဲ့ စိုးမိုးမှုအောက်မှာ မျှမျှတတ ဆောင်ရွက်သွားမယ်လို့လည်း သူက ပြောပါတယ်။

နေပြည်တော်မှာ ရောက်ရှိနေတဲ့ နယ်သာလန် နိုင်ငံခြားရေးဝန်ကြီးနဲ့အတူ သတင်းစာရှင်းလင်းပွဲပြုလုပ်ရာမှာ သတင်းထောက် တယောက်ရဲ့ အမေးကို ဒေါ်အောင်ဆန်းစုကြည်က အခုလို ဖြေကြားခဲ့တာ ဖြစ်ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ