ကိုလံဘီယာသမ္မတ ငြိမ်းချမ်းရေး နိုဘယ်ဆုရ

ဒုတိယအကြိမ် သမ္မတအဖြစ်ရွေးချယ်ခံရပြီး ဂုဏ်ပြုပွဲဆင်နွှဲနေပုံ။ ညာဘက်လက်မှာ ငြိမ်းချမ်းရေး လို့ ရေးသားထားပါတယ်။
ကိုလံဘီယာသမ္မတ Juan Manuel Santos ကို ငြိမ်းချမ်းရေး နိုဘယ်ဆုရှင်အဖြစ် နိုဘယ် ဆုရွေးချယ်ရေးကော်မတီက ဒီကနေ့ ကြေညာလိုက်ပါတယ်။ ကိုလံဘီယာအစိုးရနဲ့ ကိုလံဘီယာ လက်နက်ကိုင် တော်လှန်ရေးအဖွဲ့ FARC တို့ကြား ၅၂ နှစ်ကြာ ပြည်တွင်းစစ်ကို အဆုံးသတ်ဖို့ ငြိမ်းချမ်းရေးသဘောတူညီချက်ကို မကြာသေးခင်ကမှ လက်မှတ်ရေးထိုးခဲ့တာပါ။

ဒါပေမဲ့လည်း ဒီ ငြိမ်းချမ်းရေး သဘောတူညီချက်နဲ့ ပတ်သက်လို့ လူထုဆန္ဒခံယူပွဲမှာ ကျင်းပရာမှာ ကန့်ကွက်သူ ၅၀.၂ % ထောက်ခံသူ ၄၉.၇% နဲ့ မမျှော်လင့်ဘဲ ကပ်ပြီး ပယ်ချခံခဲ့ရပြီးနောက် မကြာခင်မှာပဲ အခုလိုဆုချီးမြှင့်တဲ့အတွက် အများက အံ့အားသင့်ကြပါတယ်။ ငြိမ်းချမ်းရေးစာချုပ် ချုပ်ဆိုတဲ့ထဲမှာ FARC အဖွဲ့အပေါ် အစိုးရအနေနဲ့ အလျော့ပေးလိုက်လျောလွန်းအားကြီးတယ်လို့ မဲဆန္ဒရှင်အများအပြားက ယုံကြည်ထားကြတာပါ။

ဒီ သဘောတူညီချက်နဲ့ ပတ်သက်လို့ ကန့်ကွက်မှုတွေရှိပေမယ့်လည်း ငြိမ်းချမ်းရေးကို ဆက်လက်အကောင်အထည် ဖေါ်သွားမယ်လို့ သမ္မတ Santos ကပြောပါတယ်။ အခုလို ငြိမ်းချမ်းရေး နိုဗယ် ဆုချီးမြှင့်တာဟာ ကိုလံဘီယာပြည်သူတွေကို ဂုဏ်ပြုတာဆိုတဲ့အနေနဲ့ ကြည့်မြင်နိုင်ကြောင်းလည်း ဆုရွေးချယ်ရေး ကော်မတီ ဥက္ကဌ Kaci Kullmann Five က ဆုကြေညာစဉ်မှာ ထည့်သွင်းပြောဆိုခဲ့ပါတယ်။

ဒါ့အပြင် ငြိမ်းချမ်းရေး နိုဗယ်ဆု ချီးမြှင့်တာကြောင့် ကိုလံဘီယာသမ္မတနဲ့ ကိုလံဘီယာ လက်နက်ကိုင်တော်လှန်ရေးအဖွဲ့ FARC တို့ကြား ငြိမ်းချမ်းရေးကို ဆက်လက်ထိန်းသိမ်း အသိအမှတ်ပြုသွားဖို့ ပိုအရေးကြီးတဲ့အနေအထားကို ရောက်ရှိသွားပြီ ဖြစ်ကြောင်းလည်း ဆုရွေးချယ်ရေး ကော်မတီကပြောပါတယ်။ ဒီဇင်ဘာလ ၁၀ ရက်နေ့မှာ ငြိမ်းချမ်းရေး နိုဗယ်ဆုကို နော်ဝေနိုင်ငံ အော်စလိုမှာ ဆုတံဆိပ်နဲ့အတူ ဒေါ်လာ ၉ သိန်း ၃ သောင်း ချီးမြှင့်မှာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ