ဆိုင်ကယ် မြွေလိမ်မြွေကောက် မောင်းသူများအား အရေးယူမည်


ထားဝယ်တွင် ညဘက် ဆိုင်ကယ်အား အရှိန်ပြင်းစွာ မြွေလိမ်မြွေကောက် စီးနင်းသူများကို အောက်တိုဘာလ တတိယအပတ်မှစကာ စစ်ဆေးအရေးယူတော့မည်ဖြစ်ကြောင်း တနင်္သာရီတိုင်း ဒေသကြီး ရဲတပ်ဖွဲ့မှူးရုံးထံမှ သိရသည်။

ဆိုင်ကယ်ကို အများပြည်သူ အန္တရာယ်ဖြစ်စေသည်အထိ အရှိန်ပြင်းစွာ မြွေလိမ်မြွေကောက် စီးသူများနှင့် ပါဝါအိတ်ဇော၊ အိတ်ဇောဖွင့်မောင်းနှင်သူများကို ရပ်ကင်းများချကာ စောင့်ကြည့်ဖမ်း ဆီးမှုများ လုပ်ဆောင်သွားမည်ဖြစ်ကြောင်း တိုင်းဒေသကြီး ရဲတပ်ဖွဲ့မှူးက ပြောသည်။
" ရဲတပ်ဖွဲ့အင်အားနည်းတော့ လုပ်တာတော့ အခက်အခဲ နည်းနည်းရှိတယ်၊ ဖြစ်အောင်တော့ လုပ်သွားမယ်" ဟု တိုင်းရဲတပ်ဖွဲ့မှူး ရဲမှူးကြီးနေမျိုးက ပြောသည်။

ယင်းကဲ့သို့ ဆိုင်ကယ်ပရမ်းပတာ မစီးကြရန် မိဘများဘက်ကလည်း ထိန်းသိမ်းဆုံးမရန် လိုအပ် ကြောင်း ၎င်းက ဆိုသည်။လက်ရှိတွင် ထားဝယ်မြို့အတွင်း စည်းကမ်းမဲ့ လူအုပ်ကြား အရှိန်ပြင်းစွာ မောင်းနှင်ခြင်းနှင့် ပါဝါအိတ်ဇောတပ် မောင်းနှင်ခြင်းတို့ကြောင့် ပြည်သူများ လမ်းသွားရမည်ပင် စိုးရိမ်နေရပြီး သက် ဆိုင်ရာမှ အရေးယူမှု အားနည်းနေသည့်အပေါ် ပြည်သူများအကြား ဝေဖန်မှုမြင့် တက်လျက်ရှိသည်။

လာမည့် ပွင့်လင်းရာသီ (သီတင်းကျွတ်ရာသီကဲ့သို့) လူစည်ကားသည့် ပွဲတော်အချိန်များတွင် စိုးရိမ်ဖွယ်ကောင်း ကြောင်း ထားဝယ်မြို့ဝဲကျွန်းထိန် ဟောင်းရပ်ကွက်နေ ကိုအောင်သူက ဆိုသည်။
ထားဝယ်တွင် အရှိန်ပြင်းထန်စွာ မောင်းနှင်ပြီး လမ်းပေါ်တွင် အေးချမ်း စွာသွားလာသူများကို ဝင်တိုက်မှုများကြောင့် သေဆုံးဒဏ်ရာရမှုများ ရှိခဲ့သည်။

လက်ရှိအချိန်တွင် ယာဉ်ထိန်းရဲများက ဆိုင်ကယ်စီးဦးထုပ်မဆောင်းသူများကိုသာ ဖမ်းဆီးမှုများ တစ်ခါတစ်ရံ လုပ်ဆောင်လေ့ရှိပြီး အရှိန်ပြင်းပြင်း မောင်းနှင်မှုနှင့် အိတ်ဇောပိုက်ဖြုတ် (သို့)ပါဝါအိတ် ဇောတပ် စည်းကမ်းပျက်ယာဉ်အရေးယူမှု မရှိခြင်းအပေါ် ပြည်သူများအကြား ဝေဖန်လျက်ရှိသည်။

Dawei Watch
https://www.facebook.com/DaweiWatch

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ