 |
| မိုးလေဝသနှင့်ဇလဗေဒ ညွှန်ကြားမှုဦးစီးဌာနက အောက်တိုဘာလ ၂၂ နေ့ ထုတ်ပြန်ကြေညာချက်ကို တွေ့ရစဉ်။ ဓါတ်ပုံ - မိုးလေဝသနှင့်ဇလဗေဒညွှန်ကြားမှုဦးစီးဌာန |
အဲဒီမုန်တိုင်းကြောင့် ဧရာဝတီ၊ ရန်ကုန်နဲ့ ရခိုင်ပြည်နယ်တွေမှာ မုန်တိုင်းအရှိန်ကို ခံစားရနိုင်တယ်လို့ မိုးလေဝသနှင့်ဇလဗေဒညွန်ကြားမှုဦးစီးဌာန ဒုတိယညွန်ကြားရေးမှုးချုပ် ဦးကျော်မိုးဦးက ပြောပါတယ်။
"၄၈ နာရီအတွင်းတော့ သူက ဆိုင်ကလုန်းမုန်တိုင်းအဖြစ်ကို ရောက်နိုင်တယ်၊ ရောက်ပြီးတော့ မြန်မာ့ ကမ်းရိုးတန်းကို ဦးတည်နေတယ်ပေါ့နော်၊ မြန်မာ့ကမ်းရိုးတန်းအနီးကိုတော့ ၂၃ ရက်နေ့လောက် ရောက် မယ်၊ ၂၄ ရက်နေ့မှာတော့ မြန်မာ့ကမ်းရိုးတန်းအနီးမှာ တိုက်မယ်၊ ၂၅ ရက်လောက်ကျရင် ပြန်ပြီးတော့ ဘင်္ဂလားပင်လယ်အော်ထဲကို ရောက်သွားမယ့် အနေအထားရှိပါတယ်၊ အထူးသဖြင့် ရန်ကုန်တိုင်းဒေသကြီး ၊ ဧရာဝတီတိုင်းဒေသကြီးနဲ့ ရခိုင်ပြည်နယ်တွေပေါ့နော်"
မုန်တိုင်းငယ်ဟာ မြန်မာနိုင်ငံ ကမ်းရိုးတန်းဘက်ကို ဦးတည်နေပြီး ဆိုင်ကလုန်းမုန်တိုင်းအဖြစ်နဲ့ အောက်တိုဘာ ၂၃ ရက်နေ့ ညပိုင်းမှာ တိုက်ခတ်နိုင်တယ်လို့ ပြောပါတယ်။
မုန်တိုင်းကြောင့် အောက်တိုဘာ ၂၃ ရက်ကနေ ၂၅ ရက်နေ့အထိ မကွေး၊ ပဲခူး၊ ရန်ကုန်၊ ဧရာဝတီ၊ တနင်္သာရီ၊ ရခိုင်၊ ကရင်နဲ့ မွန် စတဲ့ တိုင်းဒေသကြီးနဲ့ ပြည်နယ်တွေမှာ မိုးကြီးနိုင်တယ်လို့လည်း ပြောပါတယ်။
မြန်မာ့ကမ်းရိုးတန်းတစ်လျှောက်နဲ့ ကမ်းလွန်ပင်လယ်ပြင်တွေမှာလည်း မိုးသက်လေပြင်းကျပြီး လှိုင်းကြီးနိုင်တဲ့ အတွက် ကမ်းနီးကမ်းဝေး ငါးဖမ်းရေယာဉ်တွေ၊ သင်္ဘောတွေအနေနဲ့ ကြိုတင်သတိထားဖို့ သတိပေးထုတ်ပြန်ထားပါတယ်။
RFA Burmese
http://www.rfa.org/burmese
ဆိုင်ကလုန်းမုန်တိုင်းအရှိန် ခံရနိုင်ကြောင်း မိုးဇလ သတိပေး
Reviewed by THITHTOOLWIN
on
19:14
Rating:
Reviewed by THITHTOOLWIN
on
19:14
Rating:
