ကာလီဖိုးနီးယားပြည်နယ်မှာ ငလျင်သတိပေးချက် ထုတ်ပြန်

ကာလီဖိုးနီးယားပြည်နယ်မှာ ငလျင်သတိပေးချက် ထုတ်ပြန် (၂၉ စက်တင်ဘာ ၂၀၁၆)
ကယ်လီဖိုးနီးယားပြည်နယ်တောင်ပိုင်းမှာ ငလျင်ကြီးတခုလှုပ်လာနိုင်တဲ့ အလားအလာတွေ တိုးလာနေတာကြောင့် လာမယ့် အင်္ဂါနေ့အထိ အထူး သတိဝီရိယရှိကြဖို့ တာဝန်ရှိသူတွေက တိုက်တွန်းထားပါတယ်။

မိုင် ၈၀၀ ရှည်လျားတဲ့ San Andreas ပြတ်ရွေ့ကြောပေါ်မှာရှိနေတဲ့ Salton ပင်လယ်အောက်ခြေအနက်ပိုင်းကနေ ငလျင်အငယ်စားလေးတွေ ဆက်တိုက်လှုပ်နေတာကြောင့် အုပ်ချုပ်ရေးမှူးရုံးရဲ့ အရေးပေါ်ဌာနတွေကနေ ဒီသတိပေးချက်ကို ထုတ်ပြန်ခဲ့တာဖြစ်ကြောင်း The Orange County Register သတင်းစာမှာ စနေနေ့က ဖော်ပြထားပါတယ်။ ဒီလိုသတိပေးချက်မျိုးဟာ ပုံမှန်အားဖြင့် တနှစ်မှာ တကြိမ်ကနေ နှစ်ကြိမ် အထိ ထုတ်ပြန်လေ့ရှိကြောင်း - အုပ်ချုပ်ရေးမှူးရုံး၊ အရေးပေါ်ဌာနရဲ့ အရေးပေါ်ကာလနဲ့ လူထုဆက်ဆံရေးဆိုင်ရာ လက်ထောက်ညွှန်ကြားရေးမှူး Kelly Huston က ပြောပါတယ်။

နောက်ဆုံး သတိပေးနှိုးဆော်မှုကတော့ တနင်္လာနေ့က - ပြတ်ရွှေ့ကြောရဲ့ တောင်ဘက်အစွန်ဆုံးမှာရှိတဲ့ Bombay ကမ်းခြေမှာ ငလျင် ငယ်ပေါင်း ၁၄၂ ကြိမ်လှုပ်ခဲ့တာကြောင့် ဖြစ်ပါတယ်။ အဲဒီ ငလျင်ငယ်တွေဟာ ပြင်းအား ၁.၄ ကနေ ၄.၃ အထိ ရှိကြောင်း အမေရိကန် ဘူမိဗေဒလေ့လာရေးဌာနက ပြောပါတယ်။

San Andreas ပြတ်ရွေ့ကြောပေါ်မှာ ပြင်းအား ၇ နဲ့ အထက် ရှိတဲ့ ငလျင်လှုပ်နိုင်ခြေရှိပြီး အင်္ဂါနေ့အထိ စောင့်ကြည့်ဖို့လိုကြောင်း သိပ္ပံပညာရှင်တွေက ခန့်မှန်းထားပါတယ်။

ငလျင်တွေဟာ San Andreas ပြတ်ရွေ့ကြောတလျှောက်မှာ နှစ်ပေါင်း ၃၀၀ တိုင်းမှာ ငလျင်တွေ လှုပ်လေ့ရှိကြောင်း ဘူမိ-ရူပပညာရှင် Morgan Page က ပြောပါတယ်။ ငလျင်တိုင်းတာရေး သိပ္ပံဌာနကတော့ ၁၆၉၀ ခုနှစ်ကတည်းက ပြတ်ရွေ့ကြောရဲ့ တောင်ဘက်အစွန်းမှာ ပေါက်ကွဲထွက်တာမျိုးမတွေ့ခဲ့ရကြောင်း ပြောပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ