ချောင်းသာကမ်းခြေမှ ဈေးသည်များ နိုဝင်ဘာ၁ရက်မှ စတင်၍ ဈေးမရောင်းရန် ဒေသအာဏာပိုင်မှ တားမြစ်စာထုတ်


ဧရာဝတီတိုင်းဒေသကြီး၊ ချောင်းသာကမ်းခြေတွင် ဈေးရောင်းချနေသည့် ဈေးဆိုင်၇၅ဆိုင်နှင့်လမ်းလျှောက် ဈေးသည်၂၀၀ကျော်တို့အား နိုဝင်ဘာလ၁ရက်မှစ၍ ဈေးရောင်းချခြင်း မပြုရန် ဒေသအာဏာပိုင်များမှ တားမြစ်စာထုတ်ပြန်လိုက်ကြောင်း သိရှိရသည်။

 ချောင်းသာကမ်းခြေတွင် တားမြစ်ချက်များပါဝင်သော ဗီနိုင်းအနီဆိုင်းဘုတ်များ ထောင်ထားခြင်း၊ အသံချဲ့စက် ဖြင့် လိုက်လံကြေငြာခြင်းအပြင် အောက်တိုဘာလ၂၆ရက်မှစ၍လက်ကမ်းစာစောင်များလိုက်လံဝေငှသွားမည်ဖြစ်ကြောင်း ချောင်းသာကမ်းခြေစည်းကမ်းထိန်းသိမ်းရေးအဖွဲ့မှသိရသည်။
“အဓိကကတော့ကမ်းခြေသန့်ရှင်းရေးရယ်။အပန်းဖြေတဲ့ခရီးသည်တွေ အန္တရာယ်ကင်းရှင်းရေးအတွက် လုပ် ဆောင်တာပါ။ ဒီမှာက လာအပန်းဖြေတဲ့ ခရီးသည်တွေနဲ့ ဈေးသည်ခိုက်ရန်ဖြစ်ပွားတာရှိတယ်။ခရီးသည်တွေ ရေဆင်းချိုးနေတဲ့အချိန်မှာကမ်းခြေမှာထားတဲ့ပစ္စည်းတွေမကြာခဏအလစ်သုတ်ခံရတာတွေရှိတယ်။ ခရီးသွား လုပ်ငန်းတွေအတွက် မလိုလားအပ်တဲ့ ဒါတွေတော့ သက်သာသွားလိမ့်မယ် ထင်ပါတယ်။”ဟု ချောင်းသာ အုပ်ချုပ်ရေးမှူး ဦးတေဇာအောင်က ပြောသည်။

 ချောင်းသာကမ်းခြေသို့အပန်းဖြေလာရောက်သည့် ခရီးသွားပြည်သူများအနေဖြင့်လည်း ကမ်းခြေသာယာ လှပရန် ၀ိုင်းဝန်းကူညီကြစေလိုကြောင်း၎င်းကဆက်လက်ပြောဆိုသည်။ချောင်းသာကမ်းခြေတွင် ဈေးမရောင်းရအပြင် နိုဝင်ဘာလ၁ရက်မှစတင်၍အများပြည်သူရေကစားရန် သတ် မှတ်ထားသည့် ဧရိယာအတွင်း Speed Boat ၊ Banana Boat စသည့် အပျော်စီးယာဉ်များ မောင်းနှင်ခြင်း မပြုရန်၊ ကမ်းခြေတွင်လည်း မြင်းစီးခြင်း၊ လှည်းမောင်းခြင်းနှင့် စက်တပ်ယာဉ်များ မောင်းနှင်ခြင်း မပြုလုပ်ရန်၊ ကမ်းခြေဆင်းလမ်းများပေါ်တွင်ယာဉ်များဖြင့်ညအိပ်ခြင်း၊တဲထိုးညအိပ်ခြင်းနှင့် ရေချိုးခန်းဖွင့်လှစ်ခြင်းတို့ကိုပါ တားမြစ်ထားကြောင်း သိရသည်။ ထို့ပြင် အများပြည်သူအပန်းဖြေရာ နေရာများတွင်ဂွပိုက်များအသုံးပြု၍ ရေပြင်တွင်ပစ္စည်းရှာဖွေခြင်းမပြုရန်၊အပန်းဖြေသည့်နေရာနှင့်နီးစပ်ရာတွင်ကျန်းမာရေးထိခိုက်စေနိုင်သည့်ငါးလှမ်းစင်များဆောက်လုပ်ခြင်း၊ငါးလှမ်းခြင်းနှင့်စီးပွားဖြစ်တိရစ္ဆာန်မွေးမြူခြင်းများ မပြုလုပ်ရန်၊ ကမ်းခြေဧရိယာတွင် သဲထုတ်ခြင်း၊ ကျောက်ထုတ် ခြင်းနှင့် သန္တာကျောက်များ တူးဖော်ထုတ်ယူခြင်းမပြုရန်၊ ကမ်းခြေဧရိယာတွင် စည်းကမ်းမဲ့အမှိုက်စွန့်ပစ်ခြင်း၊ သစ်ပင်စိုက်ပျိုးခြင်း၊ ကျူးကျော်ခြင်းနှင့် အဆောက်အအုံတိုးချဲ့ဆောက်လုပ်ခြင်းများမပြုရန်တားမြစ်ထားသည်။

ကမ်းခြေသဲသောင်ပြင်ဧရိယာအတွင်းမည်သူမဆိုမီးပုံပွဲ၊ကာရာအိုကေသီဆိုခြင်းများကျင်းပရန်နှင့် ကမ်းခြေ နှင့် မည်သည့်အဆောက်အအုံ ဧရိယာတွင်းတွင်မဆို မီးရူး၊မီးပန်း၊ဗျောက်အိုး၊ ရူးဒိုင်းနှင့် မီးပုံးပျံများ လက်ဝယ် ကိုင်ဆောင်ခြင်း၊ ပစ်ဖောက်ခြင်း၊ လွှတ်တင်ခြင်းများပြုလုပ်လိုပါက ကမ်းခြေသန့်ရှင်းသာယာရေးနှင့် လုံခြုံရေး အလို့ငှာ ကမ်းခြေလုံခြုံရေးနှင့်စည်းကမ်းထိန်းသိမ်းရေးကော်မတီ၏ ခွင့်ပြုချက်ယူရမည်ဖြစ်ကြောင်းစည်းကမ်းချက်များထုတ်ပြန်ထားသည်။

ဒီစည်းကမ်းချက်တွေက ကမ်းခြေသန့်ရှင်းသာယာလှပရေးကို အကြောင်းပြပြီး ဒီကလုပ်ငန်းရှင်တွေဟိုတယ် တွေကအစားအသောက်၊အသုံးအဆောင်တွေကိုပဲ ရောင်းရသုံးရအောင်လုပ်တဲ့ ကြေငြာချက်ပါလာတဲ့ ပြည် သူတွေ အားလုံးက ဟိုတယ်စာ၊ ဟိုတယ်က ရောင်းတာတွေပဲ ဈေးကြီးကြီးနဲ့ ၀ယ်သုံးနိုင်အောင် လုပ်တာလို့ မြင်ပါတယ်။ နောက်တစ်ခုကဒီကမ်းခြေကိုမှီပြီးစားဝတ်နေရေးဖြေရှင်းနေရတဲ့သူတွေကို နေရာတစ်ခု အစားထိုး ရောင်းချခွင့်မပေးပဲ အခြေဖျက်သလို မောင်းထုတ်တာမျိုး ဖြစ်နေတယ်။”ဟု ချောင်းသာကမ်းခြေတွင် ဈေးရောင်းချသူဦးသိန်းဝင်းက ပြောသည်။

 ချောင်းသာကမ်းခြေသန့်ရှင်းသာယာလှပရေးနှင့် ရေရှည်ဖွံ့ဖြိုးတိုးတက်ရေး ဆိုင်ရာအလုပ်ရုံဆွေးနွေးပွဲကို စက်တင်ဘာလ၁၆ရက်မှ ၁၈ရက်အထိ ၃ရက်ကြာကျင်းပခဲ့ပြီး ရလဒ်အတိုင်းအရှိန်အဟုန်မြင့် ဆောင်ရွက်သွားမည် ဖြစ်ကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ