ကန်ထရိုက်လုပ်ငန်းမှ ငွေထုတ်မပေးသည့် ကိစ္စနှင့်ပတ်သက်၍ လူသတ်မှုဖြစ်ပွား

 အချင်းဖြစ်မြင်ကွင်း။ ။ ဓါတ်ပုံ - ဟင်္သာသတင်းအေဂျင်စီ

မကွေး အောက်တိုဘာ ၆

မကွေးမြို့နယ် ချမ်းမြေ့သာယာရွာရှိ အိုးအိမ်ဦးစီးဌာန စီမံကိန်းအိမ်ရာဝင်းအတွင်း အောက်တိုဘာ ၅ ရက် ညပိုင်းက လူသတ်မှုဖြစ်၍ တစ်ဦးသေဆုံးကာ တစ်ဦး (စိုးရိမ်ရ)ဒဏ်ရာများ ရရှိခဲ့ကြောင်း မကွေးမြို့မရဲစခန်းက သိရသည်။

ဖြစ်စဉ်မှာ မကွေးမြို့ ချမ်းမြေ့သာယာရွာရှိ အိုးအိမ်ဦးစီးဌာန စီမံကိန်းအိမ်ရာ တိုက်အမှတ်(၅)၌ အောက်တိုဘာ ၅ ရက် ည ၇ နာရီခန့်က အော်သံများကြားရ သဖြင့် တေဇအောင်နှင့် ဟန်လင်းတို့ သွားရောက်ကြည့်ရှုခဲ့ရာ ဗေကြီး(ခ)ဇော်မျိုး အောင်မှာ လမ်းပေါ်တွင် ဒဏ်ရာများဖြင့် လဲကျသေဆုံးနေပြီး ၄င်းဘေး၌ အရိုး ခြောက်လက်မ၊ အသွား ၁၂ လက်မခန့်ရှိ ထင်းခုတ်ဓားမတစ်ချောင်းကို တွေ့ရှိရ ကြောင်း သိရသည်။

အချင်းဖြစ်ဆောက်လုပ်ဆဲအိမ်ယာဝန်း။ ။ ဓါတ်ပုံ - ဟင်္သာသတင်းအေဂျင်စီ

ထို့နောက် မကွေးမြို့နယ် ချမ်းမြေ့သာယာရွာရှိ အိုးအိမ်ဦးစီးဌာန စီမံကိန်း အိမ်ရာဝင်းနေသူ နိုင်ဝင်းသည် သွေးများပေနေသော အရိုးလေးလက်မခွဲ၊ အသွားခုနစ် လက်မခန့်ရှိသော ဓားမြှောင်တစ်ချောင်းကို ကိုင်ဆောင်ရောက်ရှိလာပြီး တေဇ အောင်နှင့် သက်ခိုင်တို့အား ဗေကြီး(ခ)ဇော်မျိုးအောင်နှင့် သားကြီး(ခ)ဝင်းရီတို့ အား ကန်ထရိုက်လုပ်ငန်းမှ ငွေထုတ်မပေးသည့်ကိစ္စနှင့်ပတ်သက်၍ စကားများ ရန်ဖြစ်ကာ မကျေနပ်၍ သတ်ခဲ့ကြောင်း ပြောဆိုနေစဉ် ဟန်လင်းရောက်လာပြီး အတူ နေသားကြီး(ခ)ဝင်းရီ (၅၁နှစ်) ဆိုက်တာဝန်ခံမှာလည်း တိုက်နှစ်ခုကြား လမ်းပေါ် ၌ ဒဏ်ရာများဖြင့် လဲကျနေကြောင်း ပြောပြသဖြင့် သွားရောက်ကြည့်ရှုရာ သားကြီး(ခ)ဝင်းရီတွင် ဓားဒဏ်ရာများ(စိုးရိမ်ရ)ရရှိထားသည်ကို ထပ်မံတွေရှိခဲ့ ရကြောင်း သိရသည်။ ဓားခုတ်ခံရသော လူနှစ်ဦးအနက် တစ်ဦး သေဆုံးသွားပြီး တစ်ဦးမှာ တိုင်းဒေသကြီး ပြည်သူ့ဆေးရုံ၌ ဆေးကုမှုခံယူလျက်ရှိကြောင်း မကွေးမြို့မ ရဲစခန်းမှ စခန်းမှူး ဒုရဲမှူး စိန်အောင်၏ ပြောပြချက်အရ သိရသည်။

ဖြစ်စဉ်နှင့်ပတ်သက်၍ ဓားဖြင့်ထိုးသူ နိုင်ဝင်းအား မကွေးမြို့မရဲစခန်းက အမှုဖွင့် ထားကြောင်း သိရသည်။

ကျော်ဇေယျ
Myanmaalinn
https://www.facebook.com/MYANMAALINNNEWS