ဘီးလင်းမြို့နယ်တွင် ခြင်ဆေးထွန်းရာမှ နေအိမ်၊ ဆိုင်ကယ်နှင့် ကားတစ်စီးတို့ မီးလောင် ဆုံးရှုံးမှုဖြစ်ပွား


မွန်ပြည်နယ်၊ ဘီးလင်းမြို့နယ်၊ ဇုတ်သုတ်ကျေးရွာ၊ ရွှေကျွန်းသာရပ်ကွက်တွင် အောက်တိုဘာ၂ ရက်၊ ညနေ ၆နာရီက နေအိမ်တွင် နနွင်းတက်ဖြင့် ခြင်ဆေးထွန်းရာမှ နေအိမ်တစ်လုံး မီးလောင်ကျွမ်းမှု ဖြစ်ပွားခဲ့ ကြောင်း ဇုတ်သုတ်ကျေးရွာပြည်သူများထံမှ သိရှိရသည်။

 မီးလောင်မှုကြောင့် ဒေါ်အေးနုပိုင်ဆိုင်သည့် သွပ်မိုးပျဉ်ကာနေအိမ်တစ်လုံး၊ Probox ကားတစ်စီး၊ ဆိုင်ကယ် တစ်စီး၊ မီးစက်တစ်လုံး မီးလောင်ကျွမ်းခဲ့ပြီး ခန့်မှန်းတန်ဖိုး ကျပ်၂၅သိန်းခန့်ဆုံးရှုံးခဲ့ကြောင်း သိရသည်။

မီးလောင်ကျွမ်းမှုသတင်းအရ ကျေးရွာနေပြည်သူများ မီးသတ်တပ်ဖွဲ့ဝင်များက မီးသတ်ယာဉ်ငါးစီးဖြင့် ဝိုင်းဝန်း ငြှိမ်းသတ်ခဲ့သဖြင့် အခြားနေအိမ်များသို့ မီးကူးစက်လောင်ကျွမ်းမှုမဖြစ်ဘဲ မီးငြိမ်းသွားခဲ့ကြောင်း သိရသည်။
 "မီးလောင်တာက ခြင်ဆေးထွန်းထားတာကနေ စလောင်တာလို့သိရတယ်။ မီးလောင်တဲ့အချိန်မှာ အိမ်မှာ လူ ကြီးတွေကလည်း မရှိဘူး။မိဘတွေကလည်း လုပ်အားပေးသွားနေတဲ့အချိန် မီးကူးစက်လောင်ကျွမ်းတာပါ။ မီး လောင်တော့ အိမ်မှာရှိတဲ့ကား၊ ဆိုင်ကယ် အားလုံးမီးထဲပါသွားတယ်လို့သိရတယ်။''ဟု ဇုတ်သုတ်ကျေးရွာနေ ဦးကြည်ဝင်းက ပြောသည်။


 ဖြစ်စဉ်တွင် ဒေါ်အေးနု၃၆နှစ်၊ ဇုတ်သုတ်ကျေးရွာနေသူသည် နေအိမ်တွင် နနွင်းတက်ဖြင့် ခြင်ဆေးထွန်းပြီး အပြင်ထွက်ခွာသွားရာ ခြင်ဆေးမှာ အနီးရှိ ဒီဇယ်ပေနေသောအဝတ်အား မီးကူး၍၎င်းမှတဆင့် နေအိမ်မီး လောင်ကျွမ်းမှုဖြစ်ပွားခဲ့ခြင်းဖြစ်သည်။

 ဖြစ်စဉ်နှင့်ပတ်သက်၍ မီးပေါ့ဆစွာအသုံးပြုသူ ဒေါ်အေးနုအား ဘီးလင်းမြို့နယ်၊ တောင်စွန်းနယ်မြေရဲစခန်းမှ (ပ) ၃၂ /၂၀၁၆၊ ရာဇသတ်ကြီး ဥပဒေပုဒ်မ-၂၈၅ အရ အမှုဖွင့် အရေးယူဆောင်ရွက်လျက်ရှိကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ