ဖိလစ်ပိုင် ကန် ဆက်ဆံရေး တင်းမာ


ဖိလစ်ပိုင်သမ္မတ ဒူးတာတေးက သူတိုနိုင်ငံကို အမေရိကန်ပြည်ထောင်စုက လက်နက်တွေရောင်းချဖို့ ငြင်းဆန်ခဲ့တာနဲ့ ပတ်သက်ပြီး အဲဒီကိစ္စကို သူဂရုမစိုက်ကြောင်း၊ အမေရိကန်က မရောင်းရင် ရုရှားနဲ့ တရုတ် အစိုးရတွေထံက ဝယ်ယူမှာဖြစ်ကြောင်း မနေ့က ပြောကြားလိုက်ပါတယ်။

ဖိလစ်ပိုင် ဗိုလ်ချုပ်ကြီးတွေကို သူ ရုရှားကိုစေလွတ်ခဲ့ကြောင်း၊ ရုရှားတွေက မိမိတို့ကို ဘာမှမစိုးရိမ်နဲ့ မင်းတို့လိုချင်တာအားလုံး ငါတို့ပေးမယ်လို့ ပြောခဲ့သလို တရုတ်နိုင်ငံကလည်း ငါတို့ဆီလာ၊ လက်မှတ်သာထိုး၊ မင်းတို့ လိုသမျှပို့ပေးလိုက်မယ်လို့ ကတိပေးထားကြောင်း ပြောပါတယ်။

ဖိလစ်ပိုင်သမ္မတဟာ ဒီရက်ပိုင်းအတွင်း အမေရိကန်ပြည်ထောင်စုကို နေ့စဉ်ရက်ဆက် ဆိုသလို ပြင်းထန်တဲ့စကားလုံးတွေနဲ့ တိုက်ခိုက်ဝေဖန်နေပါတယ်။ ဖိလစ်ပိုင်ရဲတပ်ဖွဲ့ နဲ့ စစ်တပ်က မူးယစ်ဆေးဝါးနှိမ်နင်းရေး ဆောင်ရွက်နေရာမှာ လူအမြောက်အများကို နေ့စဉ်သတ်ဖြတ်နေတဲ့အတွက် အမေရိကန်ပြည်ထောင်စုက တရားဥပဒေ လေးစားဖို့ပြောဆိုတာကို ဒူတာတေးက အကြီးအကျယ် အမျက်ထွက်နေပါတယ်။

သူက အမေရိကန်သမ္မတ အိုဘားမားကို ကြမ်းတမ်းတဲ့ စကားလုံးတွေနဲ့ ပစ်တင်ရှုတ်ချရင်း အမေရိကန်ပြည်ထောင်စု အပေါ်ထားရှိတဲ့ နိုင်ငံခြားရေးမူဝါဒကို ပြန်လည်သုံးသပ်မယ်၊ တချိန်ချိန်မှာ လမ်းခွဲမယ်လို့လည်း မနေ့ကပြောကြားခဲ့ပါတယ်။

အမေရိကန်သမ္မတ အိမ်ဖြူပြောခွင့်ရသူကတော့ ဖိလစ်ပိုင်အစိုးရထံကနေ နှစ်နိုင်ငံဆက်ဆံရေးပြောင်းလဲဖို့ တစ်စုံတရာ အကြောင်းကြားချက် အခုအချိန်ထိ မရရှိသေးပါဘူးလို့ မနေ့က သတင်းစာရှင်းလင်းပွဲမှာ ပြောကြားပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ