လူမှုရေးဗီဇာနဲ့ အလုပ်လုပ်နေ သူ နိုင်ငံခြားသားတွေကို အရေးယူမည်

ရန်ကုန်မြို့နယ်အတွင်းက ဆောက်လုပ်ရေးလုပ်ငန်းခွင်တစ်ခုကို တွေ့ရစဉ်။ Photo: RFA
ရန်ကုန်မြို့တွင်း လူမှုရေး ဗီဇာတွေနဲ့ အလုပ်လုပ်နေကြတဲ့ နိုင်ငံခြားသားတွေကို စိစစ်အရေးယူဖို့ ဆောင်ရွက် သွားမယ်လို့ ပန်းပဲတန်းမြို့နယ် ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးသန်းနိုင်ဦး က ပြောပါတယ်။

အလုပ်လုပ်ကိုင်ခွင့်ဗီဇာနဲ့ လာတာမဟုတ်ဘဲ လူမှုရေးဗီဇာနဲ့ လာတာဖြစ်တဲ့အတွက် တိုင်းပြည်အတွက် အခွန်ငွေနစ်နာသလို ပြည်သူတွေအတွက်လည်း အလုပ်အကိုင်အခွင့်အလမ်းတွေ နစ်နာမှုရှိနေတယ်လို့ တိုင်းဒေသကြီး လွှတ်တော်ကိုယ်စားလှယ် ဦးသန်းနိုင်ဦးက ပြောပါတယ်။

"သူတို့က အလုပ်လုပ်ကိုင်ခွင့်ဗီဇာနဲ့ လာတာမဟုတ်ဘူး Soical ဗီဇာနဲ့လာတာ Soical ဗီဇာနဲ့ လာအလုပ်လုပ်ပြီးလို့ရှိရင် ပြန်သွားနဲ့ တိုင်းပြည်အတွက်လည်း ဘာမှဝင်ငွေမရ ကျနော်တို့ လူမျိုးတွေကလည်း အလုပ်အကိုင်တွေမရဆိုတော့ အဲ့ဒါတွေကို ကျနော်က ထောက်ပြတဲ့အနေနဲ့ အခွင့်အလမ်းတွေယူသွားမယ် ကျနော်တို့နိုင်ငံသားတွေက ဒုံရင်းကဒုံရင်းပဲဖြစ်မှာစိုးလို့ မေးခွန်းမေး ခဲ့တာပါ"

ရန်ကုန်မြို့မှာ တရားမဝင်နေထိုင်တဲ့ နိုင်ငံခြားသားတွေထဲမှာ တရုတ်လူမျိုးကအများဆုံးဖြစ်ပြီး လတ် တလော ခေတ်စားနေတဲ့ ကြိုက်တာယူ ၅၀၀၀ ဆိုတဲ့ အရောင်းဆိုင်တွေနဲ့ ဆောက်လုပ်ရေးလုပ်ငန်တွေမှာ အများဆုံးလုပ်ကိုင်နေကြကာ လူဦးရေ သောင်းနဲ့ချီရှိနေတယ်လို့ ပြောပါတယ်။

သူတို့ကို အရေးယူဆောင်ရွက်ပေးဖို့အတွက် မနေ့ကကျင်းပတဲ့ ရန်ကုန်တိုင်းဒေသကြီးလွှတ်တော်မှာ မေး ခွန်းမေးမြန်းခဲ့ရာ ရန်ကုန်တိုင်း အလုပ်သမား အလုပ်အကိုင်၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီး ဦးဇော်အေးမောင် က တရားမ၀င်နေထိုင်သူတွေကို တွေ့ရှိတဲ့ပြည်သူတွေက ဂုတ်ဆွဲခေါ်ဆောင်ပြီး ရဲလက်အပ် ဖို့ ပြောကြားခဲ့ပါတယ်။

ဝန်ကြီးရဲ့ဖြေကြားချက်အပေါ် ဘဝင်မကျပေမယ့် ဒီလိုတရားမ၀င်နေထိုင်သူတွေကို အရေးယူဆောင်ရွက်နိုင်ဖို့ အတွက် သက်ဆိုင်ရာမြို့နယ် အုပ်ချုပ်ရေးအဖွဲ့တွေ၊ စည်ပင်အဖွဲ့တွေနဲ့ ညှိနှိုင်းဆောင်ရွက်သွားမယ်လို့ တိုင်းဒေသကြီး လွှတ်တော်ကိုယ်စားလှယ် ဦးသန်းနိုင်ဦး က ပြောပါတယ်။

ဒါ့အပြင် စစ်ကိုင်းတိုင်းဒေသကြီး စစ်ကိုင်းမြို့အတွင်း တရားမဝင်နိုင်ငံခြားသားတွေ အိမ်ဌားရမ်းနေထိုင်နေတာနဲ့ ပတ်သက်ပြီး စိစစ်အရေးယူသွားမယ်လို့ တိုင်းအစိုးရအဖွဲ့က ပြောကြားထားပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ