အမြဲတမ်းအတွင်းဝန် ဦးမျိုးအောင် အပါအ၀င် ၄ ဦး အမှုဖွင့်ခံရ

ရန်ကုန်မြို့ ယုဇနဟိုတယ်မှာ သြဂုတ်လ ၂ ရက်နေ့က ကျင်းပတဲ့ ထိုင်းရောက်မြန်မာ အလုပ်သမားအရေး သတင်းစာရှင်းလင်းပွဲတွင် MAT အဖွဲ့ ဒါရိုက်တာ ဦးကျော်သောင်း ရှင်းလင်းတင်ပြနေစဉ်။ Photo: MAT/ Facebook
အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန အမြဲတမ်းအတွင်းဝန် ဦးမျိုးအောင် နဲ့ မြန်မာနိုင်ငံပြည်ပအလုပ်အကိုင်ဝန်ဆောင်မှု လုပ်ငန်းရှင်များအဖွဲ့ချုပ် MOEAF က တာဝန်ရှိသူ ၃ ဦးကို ထိုင်းနိုင်ငံရောက် မြန်မာအလုပ်သမားများအဖွဲ့ MAT ဒါရိုက်တာ ဦးကျော်သောင်း က ပုဒ်မ ၂ ခုနဲ့ အမှုဖွင့်လိုက်ပါတယ်။

ဒဂုံမြို့သစ်မြောက်ပိုင်းမြို့နယ်ရဲစခန်းမှာ အာမခံလုပ်ငန်းဆိုင်ရာ ဥပဒေပုဒ်မ ၂၅၊ ဆက်သွယ်ရေး ဆိုင်ရာ ဥပဒေပုဒ်မ ၆၅ တို့နဲ့ ပြီးခဲ့တဲ့ အောက်တိုဘာလ ၇ ရက်နေ့က အမှုဖွင့်ခဲ့တာဖြစ်ပါတယ်။

တရားဝင်ခွင့်ပြုချက်မရှိဘဲ ပြည်ပနိုင်ငံတွေမှာ အသုံးပြုတဲ့ ဆင်းမ်ကဒ်တွေ နဲ့ အာမခံတွေကို မြန်မာအလုပ်သမားတွေကို ရောင်းချနေတာကြောင့် အမှုဖွင့်တာဖြစ်တယ်လို့ MAT အဖွဲ့ ဒါရိုက်တာ ဦးကျော်သောင်းက ပြောပါတယ်။

" ထိုင်းနဲ့ မလေးရှားနိုင်ငံကိုထွက်မယ့် အလုပ်သမားတွေကို နိုင်ငံတော်က တရားဝင်ခွင့်ပြုချက်မရှိဘဲနဲ့ ထိုင်းနိုင်ငံထုတ် ဆင်းမ်ကဒ်နဲ့ မလေးရှားနိုင်ငံထုတ် ဆင်းမ်ကဒ်ကို ရောင်းခဲ့တာ တစ်ချက်၊ နောက်ပြီးတော့ ထိုင်းကိုထွက်မယ့်အလုပ်သမားတွေကို ထိုင်းနိုင်ငံထဲမှာ အလုပ်သမားတွေ လုပ်ငန်းခွင်ထဲမှာ သွေးထွက် ဒဏ်ရာရ သေဆုံးမှုတွေအတွက်ဆိုပြီးတော့ အာမခံ ၂ နှစ် ရောင်းတယ်၊ အလုပ်သမားညွှန်ကြားရေးမှူးချုပ် နဲ့ ပူးပေါင်းပြီးတော့မှ ပြည်ပအလုပ်အကိုင် ရှာဖွေရေးလုပ်ငန်းရှင်များအဖွဲ့ချုပ် MOEAF တို့ ပေါင်းပြီးတော့ ရောင်းခဲ့တာ ၂၀၁၅ ခုနှစ် ထဲကလေ၊ ဒါဟာဆိုလို့ရှိရင် ပြည်ပထွက်ခွာမယ့် အလုပ်သမားတွေအပေါ်မှာ လုပ်ပိုင်ခွင့်ကို အကြောင်းပြပြီးတော့မှ မတရားခေါင်းပုံဖြတ်တာပေါ့၊ အဲဒါကို အကိုးအကား အထောက်အထား၊ အချက်အလက်တွေနဲ့ အမှုဖွင့်တင်ပြတာပါ။ " လို့ ဦးကျော်သောင်း က ပြောပါတယ်။

ထိုင်းနိုင်ငံသွားမယ့် အလုပ်သမားတွေကို အာမခံကြေးအဖြစ် ထိုင်းဘတ်ငွေ ၅၀၀ (မြန်မာကျပ်ငွေ ၁ သောင်းခွဲ) ကောက်ခံတာ ဖြစ်တယ်လို့ ပြောပါတယ်။
အာမခံလုပ်ငန်းဆိုင်ရာ ဥပဒေပုဒ်မ ၂၅၊ ဆက်သွယ်ရေးဆိုင်ရာ ဥပဒေပုဒ်မ ၆၅ စတဲ့ ပုဒ်မ ၂ ခုလုံးဟာ ထောင်ဒဏ် ၅ နှစ်စီ ပြစ်ဒဏ်ချမှတ်နိုင်တယ်လို့ ပြဌာန်းထားတဲ့ပုဒ်မတွေ ဖြစ်ပါတယ်။

အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန အမြဲတမ်းအတွင်းဝန် ဦးမျိုးအောင်၊ မြန်မာနိုင်ငံပြည်ပအလုပ်အကိုင်ဝန်ဆောင်မှု လုပ်ငန်းရှင်များအဖွဲ့ချုပ် MOEAF က ဥက္ကဌ ဦးမင်းလှိုင်၊ အတွင်းရေးမှူး ဦးဝင်းထွန်းနဲ့ ဦးကျော်ထင်ကျော် စုစုပေါင်း ၄ ဦးကို အမှုဖွင့်ထားတာ ဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ