လူဦးရေတစ်သောင်းကျော်ကို ဧရာဝတီတိုင်းအစိုး ရ နေရာရွှေ့ပြောင်းပေး

မုန်တိုင်းသတိပေးချက်ကြောင့် လပွတ္တာမြို့ပေါ်ကဘုန်းကြီးကျောင်းတွေကို တိမ်းရှောင်လာသူတချို့ကို အောက်တိုဘာလ ၂၃ ရက်နေ့က တွေ့ရစဉ်။ Photo: လပွတ္တာသူ/သားများဆုံဆည်းရာ/ Facebook
ဧရာဝတီတိုင်းဒေသကြီး လပွတ္တာ၊ မော်လမြိုင်ကျွန်းနဲ့ ဟိုင်းကြီးကျွန်းမြို့တွေက လူဦးရေ တစ်သောင်းကျော်ကို တိုင်းဒေသကြီးအစိုးရအဖွဲ့က Cyclone Shelter လို့ခေါ်တဲ့ မုန်တိုင်းဒဏ်ခံနိုင်တဲ့ အဆောက်အဦးတွေနဲ့ ကုန်းမြင့်တဲ့ ဘုန်းကြီးကျောင်းတွေမှာ ပြောင်းရွှေ့နေရာချထားပေးနေပါတယ်။

မုန်တိုင်းဝင်ရောက်မယ်လို့ ခန့်မှန်းထားတဲ့ နေရာတွေဖြစ်တဲ့ လပွတ္တာမြို့နယ်က လူဦးရေ ၄ ထောင်ကျော် ၊ မော်လမြိုင်ကျွန်းက လူဦးရေ ၅ထောင်နီးပါးနဲ့ ဟိုင်းကြီးကျွန်းက လူဦးရေ တစ်ထောင်ကျော်တို့ ကို ပြောင်းရွှေ့ပေးနေတာ ဖြစ်ပါတယ်။

မုန်တိုင်းဝင်ရောက်လာရင် စားနပ်ရိက္ခာပြတ်လပ်မှုမရှိစေဖို့အတွက် ဟိုင်းကြီးကျွန်းကို ဆန်အိတ် ၁၀၀ ကျော် ဒီနေ့ ပို့ဆောင်ထားကြောင်း ဧရာဝတီတိုင်းဒေသကြီး အစိုးရအဖွဲ့ လျှပ်စစ်၊ စွမ်းအင်၊ စက်မှု လက်မှုနဲ့ လမ်းပန်း ဆက်သွယ်ရေးဝန်ကြီး ဦးဝင်းဌေးက ပြောပါတယ်။

မုန်တိုင်းကြောင့် ဧရာဝတီတိုင်းအတွင်းက စာသင်ကျောင်းပေါင်း လေးထောင်ကျော်ကိုလည်း ပိတ်ထားတယ်လို့ သိရပါတယ်။

မုန်တိုင်းကြောင့် ဧရာဝတီတိုင်းဒေသကြီး၊ လပွတ္တာခရိုင်နဲ့ ရခိုင်ပြည်နယ်တောင်ပိုင်း၊ သံတွဲခရိုင်တို့မှာ ဒီရေဟာ (၇)ပေကနေ (၁၀)ပေအထိ မြင့်တက်နိုင်တယ်လို့ သတိပေးကြေငြာထားတာဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ