ဓါးထိုးမှုကို ပုဏ္ဏားကျွန်းရဲက မျက်ကွယ်ပြုထားဟုဆို


နိရဉ္စရာ၊ အောက်တိုဘာ ၂

ရခိုင်ပြည်နယ် ပုဏ္ဏားကျွန်းမြို့တွင် စက်တင်ဘာလ ၂၇ ရက်နေ့က ဖြစ်ပွားခဲ့သော ဓါးထိုးမှုကို ရဲတပ်ဖွဲ့က မျက်ကွယ်ပြုထားသည်ဟု ဓါးထိုးခံရသူက ပြောဆိုသည်။

“ ဖြစ်တာက တစ်ပတ်ခန့်ရှိနေပါပြီ။ ပြစ်မှုကျူးလွန်သူကို သက်ဆိုင်ရာရဲစခန်းက ဖမ်းဆီးအရေးယူမှု မပြုလုပ်ဘဲ အခုအချိန်ထိ မျက်ကွယ်ပြုထားပါတယ်” ဟု ဓါးထိုးခံရသူ ဦးမောင်ထွန်းချေ (၄၁) နှစ်က နိရဉ္စရာ သတင်းဌာနသို့ အောက်တိုဘာလ ၁ ရက်နေ့ ညနေပိုင်းက တယ်လီဖုန်းမှ တစ်ဆင့် ဆက်သွယ် ပြောကြားသည်။

ဖြစ်စဉ်နှင့် ပတ်သက်ပြီး ဦးမောင်ထွန်းချေက ပြောပြသည်မှာ စက်တင်ဘာလ ၂၇ ရက်နေ့ ညဥ့် ၇ နာရီကျော်ခန့်၌ ဓါးထိုးမှု ကျူးလွန်သူ မောင်သားကြီး (၂၃) နှစ်သည် ဦးမောင်ထွန်းချေ၏ အိမ်ရှေ့ လမ်းမကြီးတွင် အ၀တ်မပါဘဲ ကိုယ်လုံးတီးဖြင့် ဆဲဆိုဖြတ်သန်းသွားလာနေကြောင်း၊ ထပ်မံ၍ သူ့အိမ်ရှေ့ဘက်လမ်းမသို့ ပြန်လှည့်လာပြီး ဆဲဆိုကြောင်း၊ ယင်းဆဲဆိုမှုကိစ္စကို ပတ်ဝန်းကျင်ရှိ ရပ်ကွက်သားများနှင့် ပြောဆိုနေစဉ် မောင်သားကြီး ဖခင်ရောက်ရှိလာကြောင်း၊ သူ့ဖခင်နှင့် အချေအတင် စကားပြောကြစဉ် မောင်သားကြီးက ဦးမောင်ထွန်းချေအား ဓါးဖြင့်ဝင်ထိုးခဲ့သည်ဟု ဆိုသည်။

ဓါးထိုးခံရသဖြင့် ဦးမောင်ထွန်းချေ၏ ညာဘက်လက်တံတောင်ဆစ်အောက်ပိုင်းတွင် အနက် ၅ လက်မက်ခန့် ဓါးဒဏ်ရာတစ်ချက် ရရှိခဲ့ပြီး ပုဏ္ဏားကျွန်းဆေးရုံက လက်မခံသဖြင့် စစ်တွေဆေးရုံကြီး အရိုးဆောင်တွင် ဆေးကုသမှု ခံယူလျက်ရှိကြောင်း သိရသည်။

“ကျွန်တော်က ဥပဒေအတိုင်း မှန်မှန်ကန်ကန် လုပ်ပေးစေချင်တာပါ။ ဘယ်လိုပြောရမလဲ ဥပမာ လူတစ်ယောက်ကို သေစေလောက်အောင် ကြံရွယ်ပြီး ဓါးနဲ့ထိုးတာကို ရဲက တာဝန်ရှိရှိနဲ့ ဖမ်းဆီး အရေးယူဖို့တော့ လိုအပ်ပါတယ်။ အခုက ဖမ်းဆီးမှုလည်း မလုပ်သေးဘူးဆိုတော့ ဥပဒေဟာ ဘယ်လိုမျိုးလဲလို့ မေးခွန်းထုတ်လိုပါတယ်” ဟု ဦးမောင်ထွန်းချေက ပြောဆိုသည်။

အဆိုပါ ကိစ္စနှင့်ပတ်သက်၍ ပုဏ္ဏားကျွန်းမြို့မရဲစခန်းသို့နိရဉ္စရာက ဆက်သွယ်မေးမြန်းရာ စခန်းမှူး ဒုရဲမှူးသောင်းကြွယ်က “အမှုဖြစ်တဲ့နေ့က အမှုမဖွင့်ခဲ့ရဘဲ စစ်တွေဆေးရုံကို လူနာက အပြင်း သွားခဲ့ရပါတယ်။ အဲ့ဒါကြောင့် ဖြစ်ပွားတဲ့နေ့က အမှုဖွင့်ဖို့ မရလိုက်ဘူး။ နောက် ၂ ရက်လောက် ကြာပြီးခါမှ အမှုကို လာဖွင့်တာပါ။ အခု အမှုစစ်ဖို့ အရာရှိတစ်ဦးကို တာဝန်ပေးထားပါပြီ။ မျက်ကွယ်ပြုမထားပါဘူး။ အရေးယူဆောင်ရွက်သွားမှာပါ” ဟု ပြောကြားသည်။

ပြစ်မှုကျူးလွန်သူမှာ အခင်းဖြစ်ပွားသည့်နေ့ကတည်းက ရှောင်တိမ်းနေကြောင်း၊ အမှုစစ် ရဲအရာရှိမှ တရားခံကို ဖမ်းဆီး နိုင်အောင် စုံစမ်းနေကြာင်း၊ အမှုစစ်အရာရှိက ဒဏ်ရာရရှိသူကို စစ်ဆေးရန် ယနေ့ အောက်တိုဘာလ ၂ ရက်နေ့တွင် စစ်တွေသို့ သွားနေပြီဖြစ်ကြောင်း စခန်းမှူးက ရှင်းပြ ပြောဆိုသည်။

စံမောင်သန်း၊ ရန်ကုန်
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ